Shiga cikin tawagar Paxful
A Paxful, muna ƙoƙarin samar da sauyi mai amfani ga rayuwar mutane ta yau da kullum. Mun yi imani cewa, samun damar gudanar da hada-hadar kuɗi na ɗaya daga cikin 'yancin ɗan adam sannan muna bakin ƙoƙarinmu wajen jadda hakan. Shiga cikin tafiyarmu domin samun sauyi!
Kana son sanin me Paxful ta ƙunsa? Kalli wannan ƙayataccen bidiyo domin samun masaniya!
Labarinmu
An samar da Paxful a shekarar 2015 bisa tunani na waɗanda suka ƙirƙire ta wato Ray youssef da Artur Schaback waɗanda suke da tunanin duk wani wanda ke da burin kasuwanci to a dama da shi. Kasancewar miliyoyin mutane sun ba su samun kai wa ga harƙalloli na kudi, akwai gurbi da da ya kamata a cike. A yau, Paxful ta kasance ɗaya daga cikin kasuwannin Bitcoin na mutum-zuwa-mutum mafi girma a duniya. Tana hulɗa da kwastomomi sama da miliyan 3 a duniya. Sauyi a kasuwancin mutum-zuwa-mutum ya samu.
Artur Schaback & Ray Youssef
Tawagar zartarwa ta Paxful
Yaya aiki a Paxful yake?
Aiki a Paxful ba wani abu na daban ba ne. Ma'aikatanmu suna rarrabe a tsakanin ofisoshi huɗu da ke wurare daban-daban a duniya, suna aiki kan alƙibla guda. Muna aiki sosai, mu huta sosai, sannan mu yi aiki tuƙuru domin tabbatar da cewa mun cimma manufofinmu. Sau da dama za ka ga ma'aikacin Paxful a wurin waƙa, wurin motsa jiki, wurin cin abinci, ko wurin shan hantsi. Wata ƙila ya kasance wani iri, amma haka yake cewa muna kiran junanmu a matsayin iyali saboda muna ƙaunar juna sannan muna ƙaunar abin da muke yi.
Ofisoshinmu
Tallinn, Estonia
Sau da dama akan kira Tallinn a matsayin "Kwarin Siliki" na Tarayyar Turai. Wannan ƙaramin gari mai matuƙar ƙayatarwa ya yi suna wajen kasuwanci da harkar gine-gine. Fasaha da fikirar da mutanen wannan wuri ke da shi, shi ne ya sanya Estonia ya zama hamshaƙin wuri na bunƙasar harƙallarmu inda tawagarmu a kullum ke ƙoƙarin ƙirƙiro abubuwan da za su kawo kyakkyawan sauyi a duniya.
New York, Amurka
Garin New York ya kasance wurin harkar kuɗi mafi girma a duniya sannan Paxful ta zaɓi wannan wuri domin kafuwa da bunƙasa yayin da take jawo hankalin manyan abokan huldayya. Bayan an fara harkar a ƙarƙashin kulawar mutane biyu, nan da nan ofishin New York ya bunƙasa inda ya tattara mambobi daga sashe-sashe daban-daban, wannan ya haɗa da tawagar shari'a da bin doka waɗanda ke aiki tuƙuru domin ganin Paxful ta ci gaba.
Duba gurabun da ake neman masu cike su
Hong Kong
Hong Kong ya kasance fitaccen wuri da ya bunƙasa matuƙa har ya kasance ɗaya daga cikin wuraren da a duniya suke da cunkoson kasuwanci sama da ko'ina. Ofishinmu na Hong Kong matattara ne na mambobin tawagar kasuwanci da ci gabanmu, waɗanda suke bakin ƙoƙarinsu wajen haɗa kasuwannin Asiya da dama da sauran ɓangarorin duniya.
Duba gurabun da ake neman masu cike su
Manila, Filifins
Manila ta kasance cibiyar kasuwanci, siyasa, zamantakewa, da al'ada a ƙasar Filifins. Ɗaya daga cikin ɓangarorin kasuwanci da kullum ke samun sauyi da ci gaba a Manila shi ne samo masu fasaha a ɓangaren kimiyya da fasaha (IT-BPO). Wannan ne ya sa Manila ta kasance zaɓi gare mu a matsayin cibiyar kwastomomi da tawagar jami'anmu.
Duba gurabun da ake neman masu cike su
Manufarmu
Manufarmu ita ce samar da 'yanci kan tattalin arziki ta hanyar harƙallar kuɗi ta mutum-zuwa-mutum. Ta hanyar kafa mai tsaro da sauƙin amfani wadda ta tattara kwastomomi da aka tantance, muna son zamowa kan gaba a duniyar harƙallar kuɗi sannan masu taimakawa wajen sauya kuɗi na duniya. Ta hanyar ba wa ilimi muhimmanci, tawagarmu na ƙoƙarin taimaka wa mutane da ke faɗin duniya wajen haɗuwa da juna da gina mu'amala, wanda hakan ke ba su damar samun ilimi tare da bunƙasa al'amuransu. Daga ƙarshe, za a samu sauyi mai amfani ga rayuwar mutane a ko'ina. Sauyi ne na haƙiƙa wanda mutane na haƙiƙa suka samar.
Kana ƙarƙashin kulawarmu
Mun damu da lafiyarka
Muna ba da abincin rana da na dare a kowace rana. Muna ba da katin zama mamba na nau'in motsa jiki iri-iri da kake da ra'ayi, da zuwa wurin tausa, da sauran al'amuran kiwon lafiya da ake aiwatarwa a ƙungiyance. Sannan akwai damar ganin manyan likitoci ta kan intanet.
Mun mayar da hankali sosai game da ci gabanka
Ta hanyar kai ziyara jami'o'i daban-daban a duniya da kuma karɓar laccoci da horaswa daga masana, mun yi imani cewa hanyar ci gaba kawai ita ce ta ƙara neman sani da ƙwazo.
Taɓa kiɗi taɓa karatu
Kawo sauyi a duniya ba abu ne mai sauƙi ba. Saboda haka, kuma domin samun hutu daga aiki tuƙuru da muke yi, muna gudanar da shirye-shirye, tarurruka, har ma da yawon shaƙatawa wanda kamfani ke biya domin a samu nishaɗi, da samun ƙarin ilimi da kuma samun damar haɗuwa da abokan aiki da ke sauran ɓangarori na duniya.
Sassa
Fasahar Gini kan Intanet
Zuciyar Paxful. Tawagar gudanarwa da lura da al'amura na aiki tuƙuru kuma ba ƙaƙƙautawa wajen samar da sababbin abubuwa da inganta waɗanda suke wanzuwa tare da hasashen abubuwan da za su fi dacewa a nan gaba na abin da ya shafi harkar kuɗi ta mutum-zuwa-mutum.
Kaya
Tawagar da ke da alhakin kula da kayayyaki suna aiki tuƙuru. A koyaushe suna tunanin sababbin hanyoyin da za su inganta ayyukanmu. Masu Zane, Manajojin Kaya, da Masu Nazari duk suna ƙoƙarin ganin cewa zuzzurfan tunanin da nazarce-nazarce da suke sun koma abubuwan zahiri waɗanda al'umma za su amfana da su.
Bin Doka da Damfara da kuma Walwalar Kwastoma
An rarraba babban sashen Paxful a nahiyoyi da daban-daban domin tabbatar da ba da taimako da warware jayayya a kowane lokaci kuma a kowace rana 24/7. Wannan tawaga na aiki domin ba da tsaro a kafarmu da kuma masu asusu, ta hanyar tabbatar da cewa ana bin ƙa'idojin da suka kamata sannan suna gudanar da nazari dangane da blockchain.
Talla
Waɗannan su ne mutanen da ke yaɗa aƙidar harƙallar kuɗi ta mutum-zuwa-mutum a duniya. Ta hanyar amfani da hanyoyin sadarwa na gargajiya da na zamani, suna da burin kai wa ga al'ummar duniya ta hanyar ilimantarwa, ƙunshiya, gina al'umma.
Kuɗi
Waɗannan sassa sun kasance madugun tafiya gare mu. Suna tabbatar da cewa bayananmu sun kasance ingantattu sannan dukkannin harƙallolinmu ba su saɓa wa shari'a ba.
Hada-Hadar Mutane
Mutanen da ke tabbatar da cewa al'amuran Paxful sun kasance masu daɗin sha'ani. Su ke kula da dukkannin ƙoƙarin mutanenmu, sannan su ke gudanar da dukkannin al'amura da suka shafi ci gaban ma'aikata, tare da dura da ayyukan ofisoshi da ayyuka daban-daban da suka shafi gudanarwa da al'amuran masana'antar.
Ta yadda za ka shiga cikin tawagar Paxful
Fahimtar yanayi da tura takardar neman aiki
Ka zama kana shirye da a kira ka
Jarabawar neman aiki ta farko
Ta yaya ka yi nasara game da jarabawar neman aikinka?
- Karanta bayanai game da #AnGinaDaBitcoin da kuma manufarmu na samar da adalcin hada-hadar kuɗi ta hanayr Bitcoin.
- Duba kafafen sada zumuntarmu. Idan ba ka san mene ne Bitcoin ba, ka yi bincike domin samun bayanai game da tasirinsa a kimiyance da kuma tasirinsa ga tattalin arziki
- Duba kafafen sada zumuntarmu domin ganin yadda tsari da salonmu yake
- Faɗa mana sama da abin da yake cikin takardar bayanin kanka! Mene ne ya sa ka zama na daban?
Ka bi #lifeatpaxful a kan Instragram domin bibiyar al'amuranmu na yau da kullum
