លក្ខខណ្ឌ​ប្រើប្រាស់​សេវា Paxful Inc.

កិច្ចព្រមព្រៀង​នេះ​មាន​ព័ត៌មាន​សំខាន់ៗ​ខ្លាំង​ទាក់ទង​នឹង​សិទ្ធិ និង​កាតព្វកិច្ច​របស់​អ្នក ក៏​ដូចជា​លក្ខខណ្ឌ ដែន​កំណត់ និង​ការលើកលែង​នានា​ដែល​អាច​អនុវត្ត​ចំពោះ​អ្នក។ សូម​អាន​វា​ដោយ​ប្រុង​ប្រយ័ត្ន។

លក្ខខណ្ឌ​ប្រើប្រាស់​សេវា​ទាំង​នេះ រួម​ជាមួយ​វិសោធនកម្ម​និង​ការបញ្ជាក់​ឡើង​វិញ​ទាំងឡាយ​នៅ​ទី​នេះ (“កិច្ចព្រមព្រៀង”) បង្កើត​ជា​កិច្ចព្រមព្រៀង​ស្របច្បាប់​ដែល​រួម​បញ្ចូល​ការផ្ដល់​សេវា​ពី Paxful ដល់​អ្នក ដោយ​រួម​មាន​ការផ្ដល់ជូន​ទីផ្សារ ដើម្បី​ផ្ដល់​លទ្ធភាព​ឱ្យ​អ្នក​ទិញ និង​អ្នក​លក់ “ទ្រព្យ​ឌីជីថល” (ដើម្បី​យល់ដឹង​ឱ្យ​បាន​ទូលំទូលាយ ពាក្យ​ទ្រព្យ​ឌីជីថល​រាប់​បញ្ចូល​រូបិយបណ្ណ​ឌីជីថល ដូចជា Bitcoin, Tether និង​រូបិយបណ្ណ​ឌីជីថល​ផ្សេង​ទៀត ដែល​កាបូប Paxful អាច​ដំណើរការ​បាន) ចូលរួម​ប្រតិបត្តិការ​ជួញដូរ​ជាមួយ​គ្នា (“ទីផ្សារ”), ការផ្ដល់​សេវា​កាបូប​ឌីជីថល​សម្រាប់​ប្រើ​លើ​អ៊ីនធឺណិត, ការរក្សា​ទុក​និង​ការបញ្ចេញ​ទ្រព្យ​ឌីជីថល​ដូច​បាន​ណែនាំ នៅ​ពេល​បញ្ចប់​ការទិញ​ទ្រព្យ​ឌីជីថល និង​សេវា​ទាំងឡាយ​ផ្សេង​ទៀត​ដូច​បាន​រៀបរាប់​នៅ​ក្នុង​កិច្ចព្រមព្រៀង​នេះ (ជារួម​ហៅ​ថា “សេវាកម្ម” និង​តែ​ឯង​ហៅ​ថា “សេវាកម្ម”) ដែល​បាន​ផ្ដល់​ជូន​ដោយ Paxful, Inc. និង​សម្ព័ន្ធញាតិ​ទាំងអស់​របស់​ក្រុមហ៊ុន​នេះ រួមមាន​ជាអាទិ៍ Paxful USA, Inc.(ជារួម​ហៅ​ថា “Paxful” ឬ “ពួកយើង” ឬ “ក្រុមហ៊ុន”) ដល់​អ្នក​ជា​រូបវន្ត​បុគ្គល (ឬ​ហៅ​ម្យ៉ាង​ទៀត​ថា “អ្នក​ប្រើប្រាស់” ឬ “អ្នក”)។ Paxful.com និង​សេវាកម្ម​ពាក់ព័ន្ធ​របស់​ក្រុមហ៊ុន​នេះ​គឺ​ជា​កម្មសិទ្ធិ​របស់ និង​ត្រូវ​បាន​ដំណើរការ​ដោយ Paxful។ ការប្រើប្រាស់​សេវាកម្ម​ដោយ​រូប​អ្នក​នឹង​ត្រូវ​គោរព​តាម​កិច្ចព្រមព្រៀង​នេះ រួម​ជាមួយ​គោលការណ៍​ឯកជនភាព គោលការណ៍​ឃុកឃី និង​ការយល់ព្រម​ដែល​បាន​ចុះហត្ថលេខា​អេឡិចត្រូនិក។

លក្ខខណ្ឌ​ទាំង​នេះ​តម្រូវ​ឱ្យ​ប្រើប្រាស់​​មជ្ឈត្តកម្ម​ដើម្បី​ដោះស្រាយ​វិវាទ ជាជាង​ប្រើប្រាស់​ការជំនុំជម្រះ​ដោយ​មាន​គណៈ​វិនិច្ឆ័យ ឬ​បណ្ដឹង​តាង​នាម​ក្រុម។

តាម​រយៈ​ការចុះឈ្មោះ​ប្រើប្រាស់​គណនី​លើ paxful.com ឬ​គេហ​ទំព័រ​ពាក់ព័ន្ធ​ទាំងឡាយ, API ឬ​កម្មវិធី​ឧបករណ៍​ចល័ត រួម​ទាំង URL ទាំងឡាយ​ដែល Paxful ដំណើរការ (ជា​រួម​ហៅ​ថា “គេហ​ទំព័រ Paxful” ឬ “គេហ​ទំព័រ”) មាន​ន័យ​ថា អ្នក​បាន​អាន​ដោយ​ប្រុង​ប្រយ័ត្ន​និង​ម៉ត់ចត់ យល់ និង​ទទួល​យក​លក្ខខណ្ឌ​ទាំងអស់​ដែល​មាន​នៅ​ក្នុង​កិច្ចព្រមព្រៀង​នេះ ដោយ​រួម​បញ្ចូល​ទាំង​គោលការណ៍​ឯកជនភាព គោលការណ៍​ឃុកឃី និង​ការយល់ព្រម​ចុះ​ហត្ថលេខា​អេឡិចត្រូនិក។

តម្លៃ​ទ្រព្យ​ឌីជីថល​អាច​កើន​ឡើង ឬ​ថយ​ចុះ ហើយ​អាច​មាន​ហានិភ័យ​ខ្ពស់​ដែល​អ្នក​នឹង​ខាត​បង់​ប្រាក់​ក្នុង​ការទិញ លក់ រក្សា​ទុក ឬ​វិនិយោគ​លើ​ទ្រព្យ​ឌីជីថល។ ផ្អែក​តាម​ស្ថានភាព​ហិរញ្ញវត្ថុ​របស់​អ្នក អ្នក​គួរ​តែ​ពិចារណា​ដោយ​ប្រុង​ប្រយ័ត្ន​ថា​តើ​ការជួញដូរ ឬ​ការរក្សា​ទុក​ទ្រព្យ​ឌីជីថល​ស័ក្តិសម​ចំពោះ​រូប​អ្នក​ដែរ​ឬ​ទេ។

អំពី Paxful និង​សេវាកម្ម​របស់​ក្រុមហ៊ុន​នេះ

Paxful គឺ​ជា​ទីផ្សារ​ជួញដូរ​រវាង​បុគ្គល​និង​បុគ្គល​ឈាន​មុខ​គេ ដើម្បី​សម្រួល​ដល់​ការទិញ និង​លក់​ទ្រព្យ​ឌីជីថល ដោយ​អ្នក​លក់​ទទួល​យក​វិធី​បង់ប្រាក់​ច្រើន​ជាង 300 ជម្រើស​ក្នុង​ការដោះដូរ​ទ្រព្យ​ឌីជីថល​របស់​ពួកគេ។ ដោយ​ឈរ​លើ​មូលដ្ឋាន​ជួញដូរ​រវាង​បុគ្គល​និង​បុគ្គល អ្នក​ទិញ​នៅ​ក្នុង​ទីផ្សារ (“អ្នក​ទិញ”) និង​អ្នក​លក់​នៅ​ក្នុង​ទីផ្សារ (“អ្នក​លក់”) ផ្ដោះប្ដូរ និង​ចរចា​វិធី​បង់ប្រាក់។ អ្នក​ប្រើប្រាស់​របស់​ពួកយើង​ព្រមព្រៀង​គ្នា​លើ​វិធី​បង់ប្រាក់​ដែល​ត្រូវ​ប្រើ ដើម្បី​បញ្ចប់​ប្រតិបត្តិការ ព្រមទាំង​ទទួល​ខុស​ត្រូវ និង​រ៉ាប់រង​ទាំង​ស្រុង​លើ​ការប្រើប្រាស់​វិធី​បង់ប្រាក់​បែប​នេះ​ក្នុង​លក្ខណៈស្រប​ច្បាប់។

តាម​រយៈ​ក្រុមហ៊ុន​ផ្គត់ផ្គង់​កាបូប​ដាក់​ទ្រព្យ​ឌីជីថល​ឈាន​មុខ​គេ​លើ​ពិភព​លោក Paxful ក៏​ផ្ដល់ជូន​សេវា​កាបូប​ឌីជីថល​សម្រាប់​ប្រើ​លើ​អ៊ីនធឺណិត​ផងដែរ។ អ្នក​ប្រើប្រាស់​របស់​ពួក​យើង​ដែល​មាន​មូលដ្ឋាន​នៅ​ទូទាំង​ពិភព​លោក អាច​ដាក់​ផ្សាយ​ការផ្ដល់ជូន​សម្រាប់​ទិញ ឬ​លក់​ទ្រព្យ​ឌីជីថល​តាម​វិធី​ងាយស្រួល​ផ្សេងៗ។ អ្នក​បង្កើត​ការផ្ដល់ជូន​ទទួល​ខុស​ត្រូវ​លើ​ការដាក់​ចេញ​លក្ខខណ្ឌ​ប្រតិបត្តិការ រួម​ទាំង​វិធី​បង់ប្រាក់​ដែល​អ្នក​លក់​នឹង​ទទួល​យក។ ជា​នីតិ​វិធី​មួយ​ផ្នែក​របស់​ពួកយើង​​ក្នុង​ដំណើរការ​ប្រតិបត្តិការ បន្ទាប់​ពី​ការផ្ដល់ជូន​ត្រូវ​បាន​ជ្រើសរើស​ដោយ​អ្នក​ប្រើប្រាស់ Paxful ម្នាក់​ទៀត ទ្រព្យ​ឌីជីថល​របស់​អ្នក​លក់​ត្រូវ​បាន​ចាក់សោ (ដែល​ពួកយើង​ហៅ​ថា “ឃ្លាំង​បញ្ញើ​សុវត្ថិភាព Paxful”) រហូត​ដល់​បំពេញ​តាម​គ្រប់​លក្ខខណ្ឌ​ចាំបាច់​ទាំងអស់​ ដើម្បី​បញ្ចប់​ប្រតិបត្តិការ។ ការលក់​ត្រូវ​បាន​បញ្ចប់ ហើយ​ទ្រព្យ​ឌីជីថល​ត្រូវ​បាន​បើក​សោ និង​បញ្ចេញ​ឱ្យ​អ្នក​ទិញ​ដោយ​អ្នក​លក់ បន្ទាប់​ពី​អ្នក​ទិញ​បាន​បំពេញ​តាម​លក្ខខណ្ឌ​ប្រតិបត្តិការ ហើយ​ការបង់ប្រាក់​ត្រូវ​បាន​បញ្ជាក់​ថា​ត្រឹមត្រូវ និង​ទទួល​បាន​ដោយ​អ្នក​លក់។ PAXFUL មិន​ដើរ​តួ​ជា​ភាគី​ដំណើរការ​ការទូទាត់​ប្រាក់​ទេ។ ទំនួល​ខុស​ត្រូវ​ទាំង​អស់​ក្នុង​ការផ្ញើ​និង​ទទួល​ប្រាក់​បង់ រួម​ជាមួយ​ការបញ្ជាក់​ភាពត្រឹមត្រូវ​របស់​ប្រតិបត្តិការ​ស្ថិត​នៅ​ក្នុង​ដៃ​អ្នក​ទិញ និង​អ្នក​លក់។ ទ្រព្យ​ឌីជីថល​ដែល​ពួកយើង​ចាក់​សោ​ត្រូវ​បាន​បញ្ចេញ​ឱ្យ​អ្នក​លក់​វិញ ប្រសិន​បើ​អ្នក​ទិញ​ជ្រើសរើស​បោះបង់​ប្រតិបត្តិការ។ ទោះ​ក្នុង​ពេល​ណា​ក៏​ដោយ អ្នក​លក់​មិន​អាច​បោះបង់​ប្រតិបត្តិការ​បាន​ទេ។ អ្នក​លក់​មាន​តែ​ជម្រើស​បើក​សោ និង​បញ្ចេញ​ទ្រព្យ​ឌីជីថល​ឱ្យ​អ្នក​ទិញ​ប៉ុណ្ណោះ។ ការធ្វើ​បែប​នេះ​គឺ​ដើម្បី​ការពារ​សុវត្ថិភាព​អ្នក​ទិញ។ ប្រសិន​បើ​អ្នក​លក់​ត្រូវការ​បោះបង់​ប្រតិបត្តិការ ដោយសារ​អ្នក​ទិញ​មិន​អនុវត្ត​តាម​លក្ខខណ្ឌ​ប្រតិបត្តិការ គាត់​ត្រូវ​តែ​ចាប់ផ្ដើម​វិវាទ និង​ផ្ដល់​មូលហេតុ​សម្រាប់​ការធ្វើ​បែប​នេះ ដូច​ដែល​បាន​ពណ៌នា​បន្ថែម​ទៀត​នៅ​ក្នុង​ផ្នែក​ទី 8 នៃ​កិច្ច​ព្រមព្រៀង​នេះ។ ប្រតិបត្តិការ​នៅ​លើ​គេហ​ទំព័រ​របស់​ពួកយើង​ត្រូវ​បាន​ធ្វើ​ឡើង​រវាង​អ្នក​ទិញ និង​អ្នក​លក់។ ហេតុ​នេះ​ហើយ Paxful មិន​មែន​ជា​ភាគី​ចូលរួម​ក្នុង​ប្រតិបត្តិការ​ណា​មួយ​ឡើយ។

សេវា​កាបូប​ឌីជីថល​សម្រាប់​ប្រើ​លើ​អ៊ីនធឺណិត​ដែល​ផ្ដល់​ជូន​ដោយ Paxful គឺ​ជា​វិធី​ដ៏​មាន​សុវត្ថិភាព​មួយ​សម្រាប់​រក្សា​ទុក ផ្ញើ និង​ទទួល​រូបិយបណ្ណ​ឌីជីថល។ Paxful មិន​រក្សា​ទុក ឬ​គ្រប់គ្រង​ទ្រព្យ​ឌីជីថល​ទាំងឡាយ​ឡើយ។ ទ្រព្យ​ឌីជីថល​ត្រូវ​បាន​រក្សា​ទុក​លើ​បណ្ដាញ ឬ Blockchain រៀងៗ​ខ្លួន​របស់​ទ្រព្យ​ឌីជីថល​ទាំង​នេះ​ជានិច្ច។ ប្រតិបត្តិការ​ជួញដូរ​រូបិយបណ្ណ​ឌីជីថល​ទាំងអស់​កើត​ឡើង​នៅ​ក្នុង​បណ្ដាញ​រូបិយបណ្ណ​ឌីជីថល មិន​មែន​នៅ​លើ Paxful ទេ។ មិន​មាន​ការធានា​ថា ប្រតិបត្តិការនឹង​ដំណើរការ​លើ​បណ្ដាញ​រូបិយបណ្ណ​ឌីជីថល​នោះ​ទេ។ ប្រសិន​បើ​ច្បាប់​តម្រូវ ឬ​ប្រសិន​បើ​ពួកយើង​គិត​ថា ប្រតិបត្តិការ​ទាំង​នេះ​ផ្ទុយ​នឹង​លក្ខខណ្ឌ​របស់​ពួកយើង​នៅ​ក្នុង​កិច្ចព្រមព្រៀង​នេះ នោះ Paxful រក្សា​សិទ្ធិ​ក្នុង​ការបដិសេធ​មិន​ដំណើរការ​ប្រតិបត្តិការ​ណា​មួយ។ តាម​រយៈ​កិច្ចព្រមព្រៀង​នេះ អ្នក​យល់ព្រម និង​ទទួល​ស្គាល់​ថា អ្នក​ទទួល​ខុស​ត្រូវ​ទាំងស្រុង​លើ​គ្រប់​សកម្មភាព​ដែល​កើត​ឡើង​ក្នុង​កាបូប​របស់​អ្នក និង​រ៉ាប់រង​លើ​ហានិភ័យ​ទាំងអស់​ចំពោះ​ការចូល​ប្រើប្រាស់​កាបូប​របស់​អ្នក​ដែល​មាន​ការអនុញ្ញាត ឬ​គ្មាន​ការអនុញ្ញាត ស្របតាម​ការអនុញ្ញាត​ជា​អតិបរមា​ដោយ​ច្បាប់។

  1. លក្ខខណ្ឌ​ទូទៅ

    1. ពួកយើង​រក្សា​សិទ្ធិ​ក្នុង​ការធ្វើ​វិសោធនកម្ម កែប្រែ ផ្លាស់ប្ដូរ ឬ​កែ​សម្រួល​កិច្ចព្រមព្រៀង​នេះ​នៅ​ពេល​ណា​ក៏​បាន ផ្អែក​តាម​ការសម្រេច​ចិត្ត​ទាំង​ស្រុង និង​ជា​ដាច់ខាត​របស់​ខ្លួន ដោយ​គ្មាន​ការជូន​ដំណឹង​ជា​មុន​ទេ។ ការផ្លាស់ប្ដូរ​ទាំងឡាយ​ដូច​នេះ​ទាក់ទង​នឹង​ការប្រើប្រាស់​សេវាកម្ម​ដោយ​រូប​អ្នក​នឹង​មាន​ប្រសិទ្ធភាព នៅ​ពេល​ដាក់​ផ្សាយ​លើ​គេហ​ទំព័រ Paxful និង​មិន​អាច​ត្រឡប់​វិញ​បាន​ទេ។ ប្រសិន​បើ​អ្នក​បាន​ផ្ដល់​អាសយដ្ឋាន​អ៊ីមែល​មក​ពួកយើង នោះ​ពួកយើង​ក៏​អាច​ជូន​ដំណឹង​អ្នក​ផងដែរ ដោយ​ផ្ញើ​អ៊ីមែល​ប្រាប់​ថា កិច្ចព្រមព្រៀង​នេះ​ត្រូវ​បាន​កែ​សម្រួល។ ប្រសិន​បើ​អ្នក​មិន​យល់ព្រម​តាម​លក្ខខណ្ឌ​ក្នុង​កិច្ចព្រមព្រៀង​ដែល​បាន​កែ​សម្រួល​ទេ ដំណោះស្រាយ​តែ​មួយ​គត់​របស់​អ្នក​គឺ​ត្រូវ​បញ្ចប់​ការប្រើប្រាស់​សេវាកម្ម និង​បិទ​គណនី​របស់​អ្នក​ភ្លាម។
    2. អ្នក​មាន​ទំនួល​ខុស​ត្រូវ​ក្នុង​ការអាន​កិច្ចព្រមព្រៀង​នេះ​ដោយ​ប្រុង​ប្រយ័ត្ន និង​មើលកិច្ចព្រមព្រៀង​នេះ​ឡើង​វិញ​ជា​ប្រចាំ ដូច​បាន​ដាក់​ផ្សាយ​នៅ​លើ​គេហ​ទំព័រ Paxful។ ការបន្ត​ប្រើប្រាស់​សេវាកម្ម​ដោយ​រូប​អ្នក​ជា​ការបង្ហាញ​ថា អ្នក​យល់ព្រម​គោរព​តាម​កិច្ចព្រមព្រៀង​បច្ចុប្បន្ន។
    3. ការខកខាន ឬ​ការពន្យារ​ពេល​ដោយ Paxful ក្នុង​ការអនុវត្ត ឬ​អនុវត្ត​តែ​មួយ​ផ្នែក​នូវ​បទបញ្ញត្តិ​ណា​មួយ​ក្នុង​កិច្ចព្រមព្រៀង​នេះ មិន​ចាត់​ទុក​ថា​ជា​ការប្រកាស​លះបង់​សិទ្ធិ ឬ​ដំណោះស្រាយ​ណា​មួយ​របស់​ពួកយើង​ឡើយ។
  2. គណនី និង​ការចុះឈ្មោះ

    1. ដើម្បី​ប្រើប្រាស់​សេវាកម្ម អ្នក​នឹង​ត្រូវ​ចុះឈ្មោះ​បង្កើត​គណនី​តាម​រយៈគេហ​ទំព័រ​របស់​ពួកយើង។ ក្នុង​ដំណើរការ​ចុះឈ្មោះ​នេះ ពួកយើង​នឹង​ស្នើសុំ​ព័ត៌មាន​ជាក់លាក់​ពី​អ្នក​ដែល​រួម​មាន​ជាអាទិ៍​ឈ្មោះ អាសយដ្ឋាន និង​ព័ត៌មាន​ផ្ទាល់​ខ្លួន​ផ្សេង​ទៀត​របស់​អ្នក ដើម្បី​ផ្ទៀងផ្ទាត់​អត្តសញ្ញាណ​របស់​អ្នក។ ពួកយើង​អាច​បដិសេធ​បន្ត​រក្សា​គណនី​ជូន​អ្នក ផ្អែក​តាម​ការសម្រេច​​ទាំង​ស្រុង និង​ជា​ដាច់ខាត​របស់​ពួកយើង​។ តាម​រយៈ​កិច្ចព្រមព្រៀង​នេះ អ្នក​យល់ព្រម និង​ទទួល​ស្គាល់​ថា អ្នក៖ (ក) មាន​អាយុ​ស្រប​ច្បាប់​នៅ​ក្នុង​ដែនដី​ផ្ទាល់​ខ្លួន​របស់​អ្នក ដើម្បី​យល់ព្រម​តាម​កិច្ចព្រមព្រៀង​នេះ ព្រមទាំង (ខ) មិន​ធ្លាប់​ត្រូវ​បាន​ផ្អាក ឬ​ដក​ចេញ​ពី​ការប្រើប្រាស់​សេវាកម្ម​របស់​ពួកយើង​ពី​មុន​ទេ។
    2. តាម​រយៈ​ការប្រើប្រាស់​គណនី​របស់​អ្នក អ្នក​យល់ព្រម និង​បញ្ជាក់​ថា អ្នក​នឹង​ប្រើប្រាស់​សេវាកម្ម​របស់​ពួកយើង​សម្រាប់​ខ្លួន​ឯង ហើយ​អ្នក​មិន​អាច​ប្រើប្រាស់​គណនី​របស់​អ្នក ដើម្បី​ដើរតួ​ជា​អន្តរការី ឬ​ឈ្មួញ​កណ្ដាល​សម្រាប់​ភាគី​ទី​បី បុគ្គល ឬ​អង្គភាព​ណា​មួយ​ផ្សេង​ទៀត​ទេ។ ប្រសិន​បើមិន​មាន​ការផ្ដល់​សិទ្ធិ​ជាក់​ច្បាស់​ដោយ Paxful ទេ អ្នក​ត្រូវ​បាន​អនុញ្ញាត​ឱ្យ​មាន​តែ​គណនី​មួយ​គត់ និង​មិន​ត្រូវ​បាន​អនុញ្ញាត​ឱ្យ​លក់ ខ្ចី ចែក​រំលែក ឬ​ក៏​បើក​លទ្ធភាព​ដល់​អ្នក​ផ្សេង​ឬ​អង្គភាព​ក្រៅ​ពី​អ្នក​ធ្វើ​ការប្រើប្រាស់​គណនី​របស់​អ្នក​ឬ​ព័ត៌មាន​លម្អិត​ទាំងឡាយ​ដែល​ចាំបាច់​ក្នុង​ការចូល​ប្រើប្រាស់​គណនី​របស់​អ្នក​ឡើយ។ អ្នក​ទទួល​ខុស​ត្រូវ និង​រ៉ាប់រង​ទាំងស្រុង​លើ​ការគ្រប់គ្រង និង​ការរក្សា​សុវត្ថិភាព​គ្រប់គ្រាន់​សម្រាប់​គ្រប់​ឈ្មោះ​អ្នក​ប្រើប្រាស់ អាសយដ្ឋាន​អ៊ីមែល ពាក្យ​សម្ងាត់ លេខ​កូដ​ផ្ទៀងផ្ទាត់​ពីរ​ជំហាន ឬ​ក៏​លេខ​កូដ​ឬ​ព័ត៌មាន​ផ្ទៀងផ្ទាត់​ទាំងឡាយ​ផ្សេង​ទៀត​ដែល​អ្នក​ត្រូវការ​សម្រាប់​ចូល​ប្រើប្រាស់​សេវាកម្ម។ គណនី​របស់​អ្នក​មិន​ត្រូវ​មាន​ព័ត៌មាន​ដែល​នាំ​ឱ្យ​យល់​ខុស ឬ​ក្លែង​បន្លំ​នោះ​ទេ។ ការបង្កើត​ព័ត៌មាន​មិន​ពិត​សម្រាប់​គណនី​របស់​អ្នក ការក្លែង​បន្លំ​ប្រទេស​ដើម​របស់​អ្នក ឬ​ការផ្ដល់​ឯកសារ​សម្គាល់​ខ្លួន​ក្លែងក្លាយ​ត្រូវ​បាន​ហាមឃាត់​ជា​ដាច់​ខាត។
    3. ក្នុង​អំឡុង​ពេល​ចុះឈ្មោះ​បង្កើត​គណនី​របស់​អ្នក អ្នក​យល់ព្រម​ផ្ដល់​ជូន​ពួកយើង​នូវ​ព័ត៌មាន​ដែល​ពួកយើង​ស្នើសុំ​សម្រាប់​គោល​បំណង​ផ្ទៀងផ្ទាត់​អត្តសញ្ញាណ និង​អង្កេត​រក​ការសម្អាត​ប្រាក់ ហិរញ្ញប្បទាន​ភេរវជន ការក្លែង​បន្លំ ឬ​បទឧក្រិដ្ឋ​ហិរញ្ញវត្ថុ​ផ្សេង​ទៀត ព្រមទាំង​អនុញ្ញាត​ឱ្យ​ពួកយើង​រក្សា​កំណត់ត្រា​ព័ត៌មាន​បែប​នេះ។ អ្នក​នឹង​ត្រូវ​បញ្ចប់​នីតិ​វិធី​ផ្ទៀងផ្ទាត់​ជាក់លាក់ មុន​ពេល​អ្នក​ទទួល​បាន​ការអនុញ្ញាត​ក្នុង​ការប្រើប្រាស់​សេវាកម្ម ហើយ​នីតិ​វិធី​ទាំង​នេះ​អាច​ត្រូវ​បាន​កែប្រែ ដោយ​ផ្អែក​តាម​ព័ត៌មាន​ដែល​ប្រមូល​បាន​​ជា​បន្តបន្ទាប់​អំពី​អ្នក។ ព័ត៌មាន​ដែល​ពួកយើង​ស្នើសុំ​អាច​រួម​បញ្ចូល​ព័ត៌មាន​ផ្ទាល់​ខ្លួន​ជាក់លាក់​ដែល​រួម​មាន​ជាអាទិ៍​ឈ្មោះ អាសយដ្ឋាន លេខ​ទូរសព្ទ អាសយដ្ឋាន​អ៊ីមែល ថ្ងៃ​ខែ​ឆ្នាំ​កំណើត លេខ​សន្តិសុខ​សង្គម លេខ​សម្គាល់​អ្នក​បង់​ពន្ធ និង​ឯកសារ​សម្គាល់​ខ្លួន​ដែល​ចេញ​ដោយ​រដ្ឋាភិបាល។ ក្នុង​ការផ្ដល់​ជូន​ពួកយើង​នូវ​ព័ត៌មាន​នេះ ឬ​ព័ត៌មាន​ទាំងឡាយ​ផ្សេង​ទៀត​ដែល​អាច​ត្រូវការ អ្នក​បញ្ជាក់​ថា ព័ត៌មាន​ទាំងអស់​គឺ​ពិត ត្រឹមត្រូវ និង​មិន​នាំ​ឱ្យ​មាន​ការយល់ខុស​នោះ​ទេ។ អ្នក​យល់ព្រម​ជូន​ដំណឹង​ភ្លាមៗ​មក​ពួកយើង ប្រសិន​បើ​មាន​ការផ្លាស់ប្ដូរ​ព័ត៌មាន​ណា​មួយ​ដែល​អ្នក​ផ្ដល់​មក។ អ្នក​ផ្ដល់​សិទ្ធិ​ឱ្យ​ពួកយើង​ធ្វើ​ការស៊ើប​អង្កេត (ដោយ​ផ្ទាល់ ឬ​តាម​រយៈ​ភាគី​ទី​បី ) ដែល​ពួកយើង​យល់​ឃើញ​ថា​ចាំបាច់ ដើម្បី​ផ្ទៀងផ្ទាត់​អត្តសញ្ញាណ​របស់​អ្នក ឬ​ការពារ​អ្នក និង​/ឬ​ពួកយើង​ឱ្យ​ជៀសផុត​ពី​ការក្លែង​បន្លំ ឬ​បទឧក្រិដ្ឋ​ហិរញ្ញវត្ថុ​ផ្សេង​ទៀត និង​ដើម្បី​ចាត់​វិធានការ​ដែល​ពួកយើង​គិត​ថា​ចាំបាច់ ផ្អែក​តាម​លទ្ធផល​នៃ​ការស៊ើប​អង្កេត​បែប​នេះ។ នៅ​ពេល​ពួកយើង​ដំណើរការ​ការស៊ើប​អង្កេត​ទាំង​នេះ អ្នក​ទទួល​ស្គាល់ និង​យល់ព្រម​ថា ព័ត៌មាន​ផ្ទាល់​ខ្លួន​របស់​អ្នក​អាច​ត្រូវ​បាន​បញ្ចេញ​ដល់​ទី​ភ្នាក់ងារ​បញ្ជាក់​ទំនុក​ចិត្ត​និង​បង្ការ​ការក្លែង​បន្លំ ឬ​ទីភ្នាក់ងារ​ទទួល​បន្ទុក​បទឧក្រិដ្ឋ​ហិរញ្ញវត្ថុ ហើយ​ទីភ្នាក់ងារ​ទាំង​នេះ​អាច​ឆ្លើយតប​ពេញលេញ​ទៅ​នឹង​ការស៊ើប​អង្កេត​របស់​ពួកយើង។
    4. ប្រសិន​បើ​អ្នក​ប្រើប្រាស់​សេវាកម្ម​តាង​នាម​ឱ្យនីតិ​បុគ្គល ដូចជា​​អង្គភាព​សាជីវកម្ម​ជាដើម នោះ​អ្នក​បញ្ជាក់ និង​ធានា​បន្ថែម​ទៀត​ថា៖ (i) នីតិ​បុគ្គល​ត្រូវ​បាន​រៀបចំ​ត្រឹមត្រូវ និង​មាន​សុពលភាព​ក្រោម​ច្បាប់​ជា​ធរមាន​ក្នុង​ដែនដី​នៃ​ស្ថាប័ន​នោះ ហើយ (ii) អ្នក​ទទួល​បាន​ការអនុញ្ញាត​ត្រឹមត្រូវ​ពី​នីតិ​បុគ្គល​បែប​នោះ​ក្នុង​ការបំពេញ​សកម្មភាព​តាង​នាម​ឱ្យ​នីតិ​បុគ្គល​នោះ។ គណនី​ស្ថាប័ន​ដែល​បាន​ផ្ទៀងផ្ទាត់​ត្រឹមត្រូវ​គឺ​សម្រាប់​តែ​នីតិ​បុគ្គល​នោះ​តែ​ប៉ុណ្ណោះ ហើយ​មាន​តែ​អ្នក​ដែល​បាន​ចុះឈ្មោះ​បង្កើត​គណនី​នេះ​ប៉ុណ្ណោះ​ទើប​អាច​ប្រើ​បាន។ គណនី​ស្ថាប័ន​មិន​ត្រូវ​បាន​អនុញ្ញាត​ឱ្យ​ចែក​រំលែក​ជាមួយ ឬ​ប្រើ​ដោយ​បុគ្គល ឬ​អង្គភាព​ផ្សេង​ទៀត​ទេ។ គណនី​ស្ថាប័ន​ដែល​ត្រូវ​បាន​ផ្ទៀងផ្ទាត់​ត្រឹមត្រូវ ទទួល​បាន​ការលើកលែង​មាន​កម្រិត​ដូច​ខាង​ក្រោម៖

      • គណនី​ស្ថាប័ន​ដែល​ទទួល​បាន​ការយល់ព្រម​អាច​មាន​គណនី​អ្នក​ប្រើប្រាស់​សកម្ម​ច្រើន​ក្នុង​ពេល​តែ​មួយ​បាន ឱ្យ​តែ​គណនី​ទាំង​នេះ​ត្រូវ​បាន​ផ្ទៀងផ្ទាត់​ត្រឹមត្រូវ​ដោយ​ក្រុមហ៊ុន និង​ដំណើរការ​ដោយ​បុគ្គលិក​ក្រុមហ៊ុន​ដែល​ទទួល​បាន​ការចាត់តាំង ហើយ​បុគ្គលិក​ទាំង​នេះ​ត្រូវ​បាន​បើក​បង្ហាញ​ដល់ និង​ទទួល​បាន​ការយល់ព្រម​ពី Paxful ពី​មុន ក្រោម​ការសម្រេច​ទាំង​ស្រុង និង​ជា​ដាច់ខាត​របស់ Paxful។
      • គណនី​ស្ថាប័ន​អាច​មាន​ការផ្ដល់ជូន​ដែល​ដំណើរការ​តែ​មួយ​ប៉ុណ្ណោះ​សម្រាប់​ប្រតិបត្តិការ​ជាក់លាក់​មួយ​ក្នុង​ពេល​ណា​មួយ និង​មិន​ត្រូវ​បាន​អនុញ្ញាត​ឱ្យ​មាន​ការផ្ដល់ជូន​ច្រើន​សម្រាប់​ប្រតិបត្តិការ​ជាក់លាក់​នោះ​ពី​គណនី​ស្ថាប័ន​ផ្សេង​ទៀត​របស់​ខ្លួន​ឡើយ។
    5. អ្នក​ទទួល​ខុស​ត្រូវ​ទាំងស្រុង​លើ​ការបង្កើត​ពាក្យ​សម្ងាត់​ខ្លាំង និង​រក្សា​ឱ្យ​មាន​ការគ្រប់គ្រង និង​សុវត្ថិភាព​គ្រប់គ្រាន់​ចំពោះ​គ្រប់ ID, ពាក្យ​សម្ងាត់, តម្រុយ, លេខ​សម្គាល់​ខ្លួន (PIN), លេកូដ API ឬ​លេខ​កូដ​ទាំងឡាយ​ផ្សេង​ទៀត​ដែល​អ្នក​ត្រូវការ​សម្រាប់​ចូល​ប្រើប្រាស់​សេវាកម្ម​របស់​ពួកយើង។ ការបាត់បង់ ឬ​ការបែក​ធ្លាយ​ព័ត៌មាន​ដែល​បាន​លើក​ឡើង និង/ឬ​ព័ត៌មាន​ផ្ទាល់​ខ្លួន​របស់​អ្នក​អាច​បណ្ដាល​ឱ្យ​មាន​ការលួច​ចូល​ប្រើប្រាស់​គណនី​របស់​អ្នក​ដោយ​ភាគី​ទី​បី និង​មាន​ការខាតបង់​ឬ​ការលួច​ទ្រព្យឌីជីថល​និង/ឬ​ប្រាក់​ទាំងឡាយ​ដែ​ភ្ជាប់​ជាមួយ​គណនី​របស់​អ្នក រួម​ទាំង​វិធី​បង់ប្រាក់​ដែល​អ្នក​បាន​ភ្ជាប់​ផងដែរ។ អ្នក​ទទួល​ខុស​ត្រូវ​ទាំង​ស្រុង​លើ​ការរក្សា​បច្ចុប្បន្នភាព​អាសយដ្ឋាន​អ៊ីមែល លេខ​ទូរសព្ទ និង​ព័ត៌មាន​លម្អិត​សម្រាប់​ទាក់ទង​ផ្សេង​ទៀត​នៅ​ក្នុង​កម្រង​ព័ត៌មាន​គណនី​របស់​អ្នក ដើម្បី​ទទួល​បាន​ការជូន​ដំណឹង ឬ​ការប្រកាស​ប្រាប់​ទាំងឡាយ​ដែល​ពួកយើង​អាច​ផ្ញើ​ទៅ​អ្នក។ អ្នក​មិន​គួរ​អនុញ្ញាត​ឱ្យ​មាន​ការចូល​ប្រើប្រាស់​ពី​ចម្ងាយ ឬ​ចែក​រំលែក​អេក្រង់​កុំព្យូទ័រ​របស់​អ្នក​ជាមួយ​អ្នក​ផ្សេង​ទៀត​ឡើយ នៅ​ពេល​អ្នក​ចូល​គណនី​របស់​អ្នក។ ពួកយើង​​មិន​ទទួល​ខុស​ត្រូវ​ឡើយ​លើ​ការខាតបង់​ទាំងឡាយ​ដែល​អ្នក​អាច​ជួប​ប្រទះ ដោយសារ​តែ​ការបែក​ធ្លាយ​ព័ត៌មាន​ផ្ទៀងផ្ទាត់​សម្រាប់​ចូល​គណនី​ដែល​មិន​មែន​ជា​កំហុស​របស់ Paxful និង/ឬ​ការខកខាន​មិន​បាន​អនុវត្ត​តាម ឬ​ធ្វើ​សកម្មភាព​ឆ្លើយតប​នឹង​ការជូន​ដំណឹង​ឬ​ការប្រកាស​ប្រាប់​ដែល​ពួកយើង​អាច​ផ្ញើ​ទៅ​អ្នក។
    6. ដើម្បី​ប្រើប្រាស់​សេវាកម្ម​របស់​ពួកយើង អ្នក​អាច​ត្រូវ​បំពេញ​កាតព្វកិច្ច​តាម​ផ្លូវ​ច្បាប់​ជាក់លាក់​នៅ​ក្នុង​ប្រទេស និង/ឬ​រដ្ឋ​ដែល​អ្នក​រស់នៅ។ តាម​រយៈ​ការទទួល​យក​លក្ខខណ្ឌ​ទាំង​នេះ​នៅ​ក្នុង​កិច្ចព្រមព្រៀង​នេះ អ្នក​បញ្ជាក់​ថា អ្នក​បាន​ពិនិត្យ​មើល​ច្បាប់ និង​បទបញ្ញត្តិ​ក្នុង​តំបន់​របស់​អ្នក ហើយ​អ្នក​ដឹង និង​បំពេញ​តាម​កាតព្វកិច្ច​ទាំងអស់​នេះ។ ដោយសារ​ការហាមឃាត់​តាម​ផ្លូវ​ច្បាប់ និង​បទបញ្ញត្តិ ពួកយើង​មិន​ផ្ដល់ជូន​សេវាកម្ម​របស់​ពួកយើង​សម្រាប់​ប្រើប្រាស់​នៅ​ក្នុង​ដែនដី​ជាក់លាក់​នោះ​ទេ។ តាម​រយៈ​ការទទួល​យក​លក្ខខណ្ឌ​នៅ​ក្នុង​កិច្ចព្រមព្រៀង​នេះ អ្នក​បញ្ជាក់​ថា អ្នក​មិន​មែន​ជា​អ្នក​រស់​នៅ ឬ​អ្នក​ស្ថិត​ក្រោម​ការគ្រប់គ្រង​របស់​ច្បាប់ និង​បទ​បញ្ញត្តិ​នៃ​ដែនដី​ទាំង​នោះ​ទេ។
    7. ពួកយើង​ប្រហែល​មិន​ផ្ដល់​សេវាកម្ម​ទាំងអស់​នៅ​ក្នុង​គ្រប់​ទីផ្សារ​និង​ដែនដី​នោះ​ទេ ហើយ​អាច​ដាក់​កំហិត​ឬ​ហាមឃាត់​ការប្រើប្រាស់​សេវាកម្ម​ទាំងអស់​ឬ​មួយ​ផ្នែក​ពី​ដែនដី​ជាក់លាក់ (“ដែនដី​ក្រោម​ការរឹត​បន្តឹង”)។ នៅ​ពេល​នេះ ដែនដី​ក្រោម​ការរឹត​បន្តឹង​រួម​មាន​ដែនដី​ដែល​ត្រូវ​បាន​សម្គាល់​នៅ​លើ “បញ្ជី​ប្រទេស​ដែល​ត្រូវ​បាន​ហាមឃាត់” របស់​ពួកយើង រួម​ជាមួយ​រដ្ឋ​វ៉ាស៊ីនតោន​និង​ញូវយ៉ក។ ក្រៅ​ពី​នេះ អ្នក​ប្រើប្រាស់​ដែល​រស់​នៅ​ក្នុង​រដ្ឋ​តិចសាស​មិន​អាច​ប្រើ​សេវាកម្ម​ទាក់ទង​នឹង​រូបិយបណ្ណ​ឌីជីថល Tether (USDT) បាន​ទេ។ អ្នក​មិន​ត្រូវ​ព្យាយាម​គេចវេះ​ពី​ការដាក់​កំហិត​ទាំងឡាយ​ដែលបាន​ដាក់​ចេញ​តាម​សេវាកម្ម​ទាំង​នេះ​ទេ ដូចជា​តាម​រយៈ​ការបាំង​អាសយដ្ឋាន IP ឬ​ការដាក់​បញ្ជូន​ព័ត៌មាន​មិន​ត្រឹមត្រូវ​ទាំងឡាយ​ទាក់ទង​នឹង​ទីតាំង​របស់​អ្នកជាដើម។
  3. ដែន​សមត្ថកិច្ច មជ្ឈត្តកម្ម និង​ស្វ័យភាព​នៃ​បញ្ញត្តិ

    1. កិច្ចព្រមព្រៀង​នេះ និង​ការប្រើប្រាស់​គេហ​ទំព័រ និង​សេវាកម្ម​ទាំង​នេះ​ដោយ​រូប​អ្នក​ត្រូវ​គ្រប់គ្រង​ដោយ និង​បកស្រាយ​ស្រប​តាម​រដ្ឋ​ដេឡាវែរ ដោយ​មិន​គិត​ពី​គោលការណ៍​ស្ដីពី​សភាព​ជាន់​គ្នា​នៃ​ច្បាប់​នោះ​ទេ។
    2. មជ្ឈត្តកម្ម។ អ្នក និង Paxful យល់ព្រម​ថា វិវាទ​ណា​មួយ​ដែល​កើត​ឡើង​ពី ឬ​ទាក់ទង​នឹង​កិច្ចព្រមព្រៀង​នេះ ឬ​សេវាកម្ម​ទាំង​នេះ​ត្រូវ​ដោះស្រាយ​សម្រេច​ក្នុង​មជ្ឈត្តកម្ម​ភ្ជាប់​កាតព្វកិច្ចជា​លក្ខណៈ​បុគ្គល ដោយ​អនុលោម​តាម​វិធាន​សម្រាប់​មជ្ឈត្តកម្ម​វិវាទ​ពាក់ព័ន្ធ​នឹង​អ្នក​ប្រើប្រាស់​របស់​សមាគម​មជ្ឈត្តកម្ម​អាមេរិក (ដែល​អាច​ចូល​មើល​បាន​តាម https://www.adr.org/rules)។ អនុលោម​តាម​លក្ខខណ្ឌ​តម្រូវ​​ក្នុង​ដែនដី​ជា​ធរមាន ជន​ទាមទារ​ក្នុង​នាម​ជា​អ្នក​ប្រើប្រាស់ (បុគ្គល​ដែល​មាន​ប្រតិបត្តិការ​សម្រាប់​ការប្រើប្រាស់​ផ្ទាល់ខ្លួន ការប្រើប្រាស់​លក្ខណៈ​គ្រួសារ ឬសម្រាប់​អ្នក​ផ្ទះ) អាច​ជ្រើសរើស​ធ្វើ​ការទាមទារ​តាម​រយៈ​តុលាការ​ក្នុង​តំបន់​របស់​ពួកគេ​សម្រាប់​ការទាមទារ​ខ្នាត​តូច​ជាជាង​តាម​រយៈ​មជ្ឈត្តកម្ម ឱ្យ​តែ​បញ្ហា​របស់​ពួក​គេ​នៅ​តែ​នៅ​ក្នុង​តុលាការ​សម្រាប់​ការទាមទារ​ខ្នាត​តូច និង​បន្ត​ដំណើរការ​ជា​លក្ខណៈ​បុគ្គលតែ​ប៉ុណ្ណោះ (មិន​មែន​ជា​លក្ខណៈ​ក្រុម ឬ​មាន​ការតំណាង​ឡើយ)។

      ការលះបង់​សិទ្ធិ​ប្ដឹង​តាង​នាម​ក្រុម៖ ស្រប​តាម​ច្បាប់​អនុញ្ញាត ការទាមទារ​ទាំងអស់​នឹង​ធ្វើ​ឡើង​ជា​លក្ខណៈ​បុគ្គល​តែ​ប៉ុណ្ណោះ និង​មិន​មែន​ក្នុង​នាម​ជា​ដើម​ចោទ​ឬ​សមាជិក​ក្រុម​នៅ​ក្នុង​បណ្ដឹង​តាង​នាម​ក្រុម បណ្ដឹង​ជា​សមូហភាព ឬ​នីតិ​វិធី​ប្ដឹង​តាម​រយៈ​តំណាង​ដែល​បាន​អះអាង​ណា​មួយ​ឡើយ (ជា​រួម​ហៅ​ថា “ការលះបង់​សិទ្ធិ​ប្ដឹង​តាង​នាម​ក្រុម”)។ មជ្ឈត្តករ​មិន​អាច​ច្របាច់​បញ្ចូល​គ្នា​នូវ​ការទាមទារ​ពី​បុគ្គល​លើស​ពី​ម្នាក់ ឬ​ចូលរួម​ក្នុង​មជ្ឈត្តកម្ម​ក្រុម​បាន​ឡើយ។ អ្នក​ទទួល​ស្គាល់​ថា តាម​រយៈ​ការយល់ព្រម​តាម​លក្ខខណ្ឌ​ទាំង​នេះ អ្នក និង PAXFUL កំពុង​លះ​បង់​សិទ្ធិ​ទទួល​បាន​ការជំនុះ​ជម្រះ​ដែល​មាន​គណៈ​វិនិច្ឆ័យ ហើយ​អ្នក​លះបង់​សិទ្ធិ​ចូលរួម​ក្នុង​បណ្ដឹង​តាង​នាម​ក្រុម​ប្រឆាំង​នឹង PAXFUL។

      ច្បាប់​ស្ដីពី​មជ្ឈត្តកម្ម​របស់​សហព័ន្ធ 9 U.S.C. §§ 1-16 អនុវត្តទាំងស្រុង​ក្នុង​ដំណើរការ​មជ្ឈត្តកម្ម។ មជ្ឈត្តកម្ម​នឹង​ត្រូវ​បាន​ធ្វើ​ឡើង​ដោយ​មជ្ឈត្តករ​អាព្យាក្រឹត​ម្នាក់ និង​ត្រូវប្រព្រឹត្តិ​ទៅ​នៅ​រដ្ឋ​ដេឡាវែរ ឬ​ទីតាំង​មួយ​ផ្សេង​ទៀត​ដែល​ភាគី​ទាំង​សងខាង​ព្រមព្រៀង​គ្នា ដោយ​ប្រើ​ភាសា​អង់គ្លេស។ មជ្ឈត្តករ​អាច​ផ្ដល់​ជំនួយ​ណា​មួយ​ដូច​ដែល​តុលាការ​របស់​ដែនដី​ដែល​មាន​សមត្ថកិច្ច​អាច​ផ្ដល់​ជូន រួម​ទាំង​ថ្លៃ​សេវា​មេធាវី នៅ​ពេល​ដែល​ច្បាប់​អនុញ្ញាត ហើយ​សេចក្ដី​សម្រេច​ពី​មជ្ឈត្តកម្ម​អាច​ត្រូវ​បាន​ចាត់ទុក​ជា​ការវិនិច្ឆ័យ និង​អនុវត្ត​ក្នុង​តុលាការ​គតិយុត្តិ​ណា​ក៏​បាន។ ផ្អែក​តាម​សំណើ​របស់​អ្នក សវនាការ​អាច​ត្រូវ​បាន​រៀបចំ​ឡើង​ដោយ​មាន​ការចូលរួម​ផ្ទាល់ ឬ​តាម​រយៈ​ទូរសព្ទ ហើយ​មជ្ឈត្តករ​អាច​រៀបចំ​ការដាក់​បញ្ជូន និង​ការកំណត់​ញត្តិ​សម្ដែង​បែប​សង្ខេប ដោយ​មិន​ចាំបាច់​មាន​សវនាការ​ផ្ទាល់​មាត់​ទេ។ ភាគី​ឈ្នះ​ក្ដី​ក្នុង​បណ្ដឹង ឬ​នីតិ​វិធី​ប្ដឹង​ណា​មួយ​គួរ​មាន​សិទ្ធិ​ទទួល​បានសំណង​លើ​​ថ្លៃ​ចំណាយ និង​ថ្លៃ​មេធាវី។

      ប្រសិន​បើ​មជ្ឈត្តករ ឬ​រដ្ឋបាល​មជ្ឈត្តកម្ម​គិត​ថ្លៃ​សេវា​ដាក់​បណ្ដឹង ឬ​ថ្លៃ​រដ្ឋបាល​ផ្សេង​ទៀត​ពី​អ្នក នោះ​ផ្អែក​តាម​ការស្នើសុំ ពួកយើង​នឹង​ផ្ដល់​សំណង​ជូន​អ្នក​វិញ ឱ្យ​តែ​ថ្លៃ​សេវា ឬ​ថ្លៃ​ចំណាយ​ទាំង​នេះ​លើស​ចំនួន​ដែល​អ្នក​នឹង​ចាំបាច់​ត្រូវ​បង់ បើ​អ្នក​ចូលរួម​នីតិ​វិធី​ប្ដឹង​​នៅ​តុលាការ​ជំនួស​វិញ​។ ពួកយើង​ក៏​នឹង​បង់​ថ្លៃ​សេវា ឬ​ថ្លៃ​ចំណាយ​បន្ថែម​ផងដែរ ប្រសិន​បើ​ច្បាប់​ជា​ធរមាន ឬ​វិធាន​របស់​រដ្ឋបាល​មជ្ឈត្តកម្ម​តម្រូវ​ឱ្យ​ធ្វើ​ដូច្នោះ។ ក្រៅ​ពី​អ្វី​ដែល​បាន​លើក​ឡើង ភាគី​នីមួយៗ​នឹង​ទទួល​ខុស​ត្រូវ​លើ​ថ្លៃ​សេវា ឬ​ថ្លៃ​ចំណាយ​ទាំងឡាយ​ផ្សេង​ទៀត ដូចជា​ថ្លៃ​មេធាវី​ជាដើម​ដែល​អាច​មាន។

    3. ប្រសិន​បើ​មាន​ផ្នែក​ណា​មួយ​នៅ​ក្នុង​កិច្ចព្រមព្រៀង​នេះ​ត្រូវ​មជ្ឈត្តករ ឬ​តុលាការ​សហរដ្ឋ​អាមេរិក​ណា​មួយ​យល់​ឃើញ​ថា គ្មាន​សុពលភាព ឬ​មិន​អាច​អនុវត្ត​បាន​ទាំងស្រុង ឬ​តែ​ផ្នែក​ខ្លះ សុពលភាព ឬ​ភាពអាច​អនុវត្ត​បាន​នៃ​ផ្នែក​ផ្សេង​ទៀត​របស់​លក្ខខណ្ឌ​ទាំង​នេះ​នឹង​មិន​រង​ផល​ប៉ះពាល់​ទេ។ ចំណងជើង​ទាំងឡាយ​ដែល​មាន​នៅ​ក្នុង​កិច្ចព្រមព្រៀង​នេះ​ត្រូវ​បាន​ផ្ដល់ជូន​ជា​ព័ត៌មាន​ប៉ុណ្ណោះ និង​មិន​មែន​ជា​បទ​បញ្ញត្តិ​ដែល​អាច​អនុវត្ត​បាន​ក្នុង​កិច្ចព្រមព្រៀងនេះ​ទេ។
  4. គោលការណ៍​ឯកជនភាព និង​សុវត្ថិភាព

    1. ពួកយើង​ព្យាយាម​ចាត់​វិធានការ​សមស្រប​ទាំងអស់ ដើម្បី​ការពារ​ព័ត៌មាន​ផ្ទាល់​ខ្លួន​របស់​អ្នក។ ទោះបី​ជា​យ៉ាង​ណា​ក៏​ដោយ ពួកយើង​មិន​អាច​ធានា​ដល់​សុវត្ថិភាព​នៃ​ទិន្នន័យ​ទាំងឡាយ​ដែល​អ្នក​បញ្ចេញ​នៅ​លើ​អ៊ីនធឺណិត​បាន​ទេ។ អ្នក​ទទួល​យក​ហានិភ័យ​ផ្នែក​សុវត្ថិភាព​ដែល​ភ្ជាប់​ជាមួយ​ការផ្ដល់​ព័ត៌មាន និង​ការធ្វើ​ជំនួញ​តាម​បណ្ដាញ​អ៊ីនធឺណិត ហើយ​នឹង​មិន​ទាមទារ​ឱ្យ​ពួកយើង​ទទួល​ខុស​ត្រូវ​ចំពោះ​ហេតុការណ៍​ដែល​ប្រព័ន្ធ​សុវត្ថិភាព​រង​ការវាយ​ប្រហារ​ណា​មួយ​នោះ​ទេ លើកលែង​តែ​ហេតុការណ៍​នេះ​កើត​ឡើង​ដោយសារ​ការធ្វេស​ប្រហែស​របស់​ពួកយើង។
    2. សូម​មើល​សេចក្ដី​ថ្លែងការណ៍​អំពី​ឯកជនភាព​ផ្លូវការ​របស់​ពួកយើង៖ https://paxful.com/privacy
  5. ការមិន​ធានា ដែន​កំណត់​នៃ​ទំនួល​ខុស​ត្រូវ និង​ការសន្មត​ទទួល​យក​ភយន្តរាយ

    1. សេវាកម្ម​ត្រូវ​បាន​ផ្ដល់​ជូន “ដូច​ដែល​មាន” និង “ដូច​ដែល​អាច​ប្រើ​បាន” ដោយ​គ្មាន​ការធានា ការបញ្ជាក់ ឬ​ការសន្យា​រ៉ាប់រង​ណា​មួយ​ឡើយ មិន​ថា​បង្ហាញ​ច្បាស់ ក្នុង​លក្ខណៈ​ប្រយោល ឬ​ក៏​កំណត់​ដោយ​ច្បាប់​នោះ​ទេ។ ​ស្របតាម​ការអនុញ្ញាតជាអតិបរមាដោយច្បាប់​ជា​ធរមាន PAXFUL សូម​ប្រកាស​យ៉ាង​ច្បាស់លាស់​ថា​មិន​ទទួល​ខុស​ត្រូវ​លើ​ការធានា​ដោយ​ប្រយោល​ទាំងឡាយ​ចំពោះ​សិទ្ធិ​កម្មសិទ្ធិ ភាពទទួល​យក​បាន​សម្រាប់​ធ្វើ​ពាណិជ្ជកម្ម ភាពស័ក្តិសម​សម្រាប់​គោល​បំណង​ជាក់លាក់ និង/ឬ​ការមិន​បំពាន​ឡើយ។ PAXFUL មិន​ធ្វើ​ការបញ្ជាក់ ឬ​ធានា​ណា​មួយ​ឡើយ​ថា ការចូល​ប្រើប្រាស់​គេហ​ទំព័រ ផ្នែក​ណា​មួយ​របស់​សេវាកម្ម ឬ​ធនធាន​ណា​មួយ​ដែល​មាន​នៅ​លើ​នោះ នឹង​ដំណើរការ​ទៅ​រលូន​ជាប់ គ្មាន​ភាពរអាក់រអួល ទាន់​ពេល ឬ​ដោយ​គ្មាន​បញ្ហា​នោះ​ទេ។ PAXFUL មិន​ទទួល​រ៉ាប់រង​លើ​ការរាំងស្ទះ ឬ​ការខាតបង់​ណា​មួយ​ដែល​អ្នក​ប្រើប្រាស់​អាច​ទទួល​រង​ឡើយ។ តាម​រយៈ​កិច្ចព្រមព្រៀង​នេះ អ្នក​ទទួល​ស្គាល់ និង​យល់ព្រម​ថា អ្នក​មិន​បាន​ពឹងផ្អែក​លើ​សេចក្ដី​ថ្លែងការណ៍ ឬ​ការយោគយល់​គ្នា​ណា​មួយ​​ផ្សេង​ទៀត​នោះ​ទេ (ទោះ​ក្នុង​ទម្រង់​ជា​លាយលក្ខណ៍​អក្សរ ឬ​ផ្ទាល់​មាត់​ក្ដី) ទាក់ទង​នឹង​ការប្រើប្រាស់ និង​ការចូល​ដំណើរការ​សេវាកម្ម​និង​គេហទំព័រ​ដោយ​រូប​អ្នក។ ដោយ​គ្មាន​ការកម្រិត​លើ​អ្វី​ដែល​បាន​លើក​ឡើង តាម​រយៈ​កិច្ចព្រមព្រៀង​នេះ អ្នក​ទទួល​ស្គាល់ និង​ទទួល​យក​ហានិភ័យ​ផ្សេងៗ​ដែល​មាន​ភ្ជាប់​ជាមួយ​ការប្រើប្រាស់​រូបិយបណ្ណ​ដីជីថល រួមមាន​ជាអាទិ៍​បញ្ហា​គ្រឿង​ម៉ាស៊ីន បញ្ហា​កម្មវិធី បញ្ហា​តភ្ជាប់​អ៊ីនធឺណិត កម្មវិធី​គ្រោះថ្នាក់ ការរំខាន​ពី​ភាគី​ទី​បី​ដែល​នាំ​ឱ្យ​បាត់បង់​ឬ​ខ្វះ​លទ្ធភាព​ចូល​ប្រើប្រាស់​គណនី​ឬ​កាបូប និង​ទិន្នន័យ​អ្នក​ប្រើប្រាស់​ផ្សេង​ទៀត​របស់​អ្នក បញ្ហា​ម៉ាស៊ីន​មេ ​ឬ​ក៏​ការបាត់បង់​ទិន្នន័យ។ អ្នក​យល់ព្រម និង​ទទួល​ស្គាល់​ថា PAXFUL នឹង​មិន​ទទួល​ខុស​ត្រូវ​លើ​បញ្ហា​ប្រាស្រ័យ​ទាក់ទង​គ្នា ការរាំងស្ទះ កំហុស​ឆ្គង ការធ្វើ​ឱ្យ​ខុស​ពី​ភាពដើម ឬ​ការពន្យារ​ពេល​ទាំងឡាយ​ដែល​អ្នក​អាច​ជួប​ប្រទះ​ឡើយ នៅ​ពេល​ប្រើប្រាស់​សេវាកម្ម មិន​ថា​កើត​ឡើង​ដោយ​មូលហេតុ​អ្វី​នោះ​ទេ។
    2. មិន​ថា​ក្នុង​ករណី​ណា​ក៏​ដោយ ក៏ PAXFUL, សម្ព័ន្ធ​ញាតិ​និង​ក្រុមហ៊ុន​ផ្ដល់​សេវា​របស់ PAXFUL ឬ​មួយ​ក៏​មន្ត្រី នាយក ភ្នាក់ងារ បុគ្គលិក ទី​ប្រឹក្សា អ្នក​ពិគ្រោះ​យោបល់ ឬ​តំណាង​ណា​ម្នាក់​របស់​ពួកគេ​រៀងៗ​ខ្លួន មិន​ទទួល​ខុស​ត្រូវ​ដែរ (ក) លើ​ទឹក​ប្រាក់​​ខាត​បង់​ក្នុង​ចំនួន​លើស​ថ្លៃ​សេវា​សរុប​ដែល​អ្នក​បាន​បង់​សម្រាប់​សេវាកម្ម​ដែល​ជា​សំអាង​ហេតុ ក្នុង​រយៈ​ពេល​ដប់​ពី (12) ខែ​មុន​ពេល​ការខាតបង់​នោះ​កើត​ឡើង ឬ​មួយ​ក៏ (ខ) លើ​ប្រាក់​ចំណេញ​ទាំងឡាយ​ដែល​បាន​បាត់បង់, ការចុះ​ថយ​នៃ​តម្លៃ​ឬ​ឱកាស​អាជីវកម្ម, ការបាត់បង់ ការខាត​បង់ ការខូច​ខាត​ឬ​ការបែក​ធ្លាយ​ណា​មួយ​នៃ​ទិន្នន័យ​ឬ​ទ្រព្យ​អរូបី​ទាំងឡាយ​ផ្សេង​ទៀត ឬ​ក៏​ការខូចខាត​ជា​ពិសេស ជា​ឧប្បត្តិហេតុ ដោយ​ប្រយោល អរូបី ឬ​ជា​ទណ្ឌកម្ម​ទាំងឡាយ មិន​ថា​មាន​ប្រភព​ពី​កិច្ចសន្យា កំហុស​ស៊ីវិល ការធ្វេស​ប្រហែស ការទទួល​រ៉ាបង់រង​ដាច់​ខាត ឬ​ក៏​កើត​មាន​ពី​ឬ​ពាក់ព័ន្ធ​ជាមួយ​នឹង​ការប្រើប្រាស់​គេហ​ទំព័រ​ឬ​សេវាកម្ម ឬ​កិច្ចព្រមព្រៀង​នេះ​ដោយ​មាន​ឬ​មិន​មាន​ការអនុញ្ញាត​នោះ​ទេ ទោះបី​ជា​តំណាង​ពេញសិទ្ធិ​របស់​ PAXFUL ត្រូវ​បាន​ជម្រាប​ឱ្យ​ដឹង បាន​ដឹង ឬ​គួរ​តែ​បាន​ដឹង​អំពី​លទ្ធភាព​នៃ​ការខូចខាត​បែប​នេះ​ក៏​ដោយ និង​ទោះបី​ជា​ដំណោះស្រាយ​ដែល​បាន​ព្រមព្រៀង​ណា​មួយ​ឬ​ផ្សេង​ទៀត​មិន​មាន​ប្រសិទ្ធភាព​តាម​គោល​បំណង​សំខាន់​របស់​ដំណោះស្រាយ​នោះ​ក៏​ដោយ លើកលែង​តែ​ក្នុង​ករណី​ដែល​ការសម្រេច​ចុង​ក្រោយ​របស់​តុលាការ​កំណត់​ថា ការខូចខាត​ទាំង​នេះ​គឺ​បណ្ដាល​មក​ពី​ការធ្វេស​ប្រហែស​ទាំងស្រុង ការក្លែង​បន្លំ ការប្រព្រឹត្ត​ខុស​ដោយ​ចេតនា ឬ​ការតាំង​ចិត្ត​បំពាន​លើ​ច្បាប់​របស់ PAXFUL។ ដែនដី​មួយ​ចំនួន​មិន​អនុញ្ញាត​ឱ្យ​ច្រានចោល ឬ​ធ្វើ​ការកម្រិត​លើ​ការខូចខាត​ជា​ឧប្បត្តិហេតុ ឬ​ជា​ទណ្ឌកម្ម​ឡើយ ដូច្នេះ​ដែន​កំណត់​ដូច​រៀបរាប់​ខាង​លើ​អាច​មិន​អនុវត្ត​ចំពោះ​អ្នក​ទេ។
    3. ពួកយើង​មិន​មែន​ជា​ម្ចាស់ ឬ​មិន​មាន​សិទ្ធិ​ត្រួតត្រា​លើ​ប្រូតូកូល​កម្មវិធី​មូលដ្ឋាន​ដែល​គ្រប់គ្រង​ដំណើរការ​ទ្រព្យ​ឌីជីថល​នោះ​ទេ។ ជា​ទូទៅ ប្រូតូកូល​មូលដ្ឋាន​មាន​លក្ខណៈ​ជា​កូដ​ចំហ ហើយ​អ្នក​ណា​ក៏​អាច​ប្រើប្រាស់ ចម្លង កែប្រែ និង​ចែកចាយ​ប្រូតូកូល​ទាំង​នេះ​បាន​ដែរ។ ពួកយើង​មិន​ទទួល​ខុស​ត្រូវ​លើ​ដំណើរការ​នៃ​ប្រូតូកូល​មូលដ្ឋាន​ទាំង​នេះ​ឡើយ ហើយ​ពួកយើង​មិន​អាច​ធានា​ចំពោះ​មុខងារ ឬ​សុវត្ថិភាព​នៃ​ដំណើរការ​បណ្ដាញ​បាន​ទេ។ ជា​ពិសេស ប្រូតូកូល​មូលដ្ឋាន​អាច​មាន​ការផ្លាស់ប្ដូរ​ភ្លាមៗ​ក្នុង​វិធាន​ដំណើរការ (រួម​ទាំង “ប្រូតូកូល​កម្លាយ”)។ ការផ្លាស់ប្ដូរ​ដំណើរការ​ជា​សារវន្ត​ទាំងឡាយ​អាច​ប៉ះពាល់​ជា​សារវន្ត​ផងដែរ​ដល់​ភាពអាច​ប្រើ​បាន តម្លៃ មុខងារ និង/ឬ​ឈ្មោះ​នៃ​រូបិយបណ្ណ​ឌីជីថលបែប​នេះ។ Paxful មិន​គ្រប់គ្រង​លើ​ពេល​វេលា និង​លក្ខណៈ​ពិសេស​នៃ​ការផ្លាស់ប្ដូរ​ដំណើរការ​ជា​សារវន្ត​ទាំង​នេះ​ទេ។ អ្នក​ត្រូវ​ទទួល​ខុស​ត្រូវ​ក្នុង​ការយល់​ដឹង​អំពី​ការផ្លាស់ប្ដូរ​ដំណើរការ​នា​ពេល​ខាង​មុខ ហើយ​អ្នក​ត្រូវ​តែ​ពិចារណា​ដោយ​ប្រុង​ប្រយ័ត្ន​អំពី​ព័ត៌មាន​ដែល​មាន​ជា​សាធារណៈ និង​ព័ត៌មាន​ដែល​អាច​ត្រូវ​បាន​ផ្ដល់​ជូន​ដោយ Paxful ក្នុង​ការកំណត់​ថា​តើ​ត្រូវ​បន្ត​ប្រើប្រាស់​សេវាកម្ម​ដែរ​ឬ​ទេ។ ក្នុង​ករណី​ដែល​មាន​ការផ្លាស់ប្ដូរ​ដំណើរការ​ណា​មួយ​ដូច​នេះ Paxful រក្សា​សិទ្ធិ​ក្នុង​ការចាត់​វិធានការ​ដែល​អាច​ចាំបាច់​សម្រាប់​ការពារ​សុវត្ថិភាព​នៃ​ដំណើរការ​ប្រព័ន្ធ​របស់​ខ្លួន រួម​បញ្ចូល​ទាំង​ការផ្អាក​ដំណើរការ​រូបិយបណ្ណ​ឌីជីថល​ដែល​ពាក់ព័ន្ធ​ជា​បណ្ដោះអាសន្ន និង​វិធានការ​ចាំបាច់​ផ្សេងៗ​ទៀត។ ផ្អែក​តាម​ភាពសមស្រប Paxful នឹង​ព្យាយាម​ជូន​ដំណឹង​អ្នក​អំពី​ការឆ្លើយតប​របស់​ខ្លួន​ទៅ​នឹង​ការផ្លាស់ប្ដូរ​ដំណើរការ​ជា​សារវន្ត​ណា​មួយ។ ទោះបី​ជា​យ៉ាង​ណា​ក៏​ដោយ ការផ្លាស់ប្ដូរ​បែប​នេះ​គឺ​ហួស​ពី​សមត្ថភាព​គ្រប់គ្រង​របស់​ពួកយើង និង​អាច​កើត​ឡើង​ដោយ​គ្មាន​ការជូន​ដំណឹង​ដល់ Paxful ឡើយ។ ការឆ្លើយតប​របស់​ពួកយើង​ទៅ​នឹង​ការផ្លាស់ប្ដូរ​ដំណើរការ​ជា​សារវន្ត​ណា​មួយ​គឺ​ស្ថិត​ក្នុង​ការសម្រេច​ទាំង​ស្រុង​របស់​ពួកយើង និង​រួម​បញ្ចូល​ទាំង​ការសម្រេច​ចិត្ត​មិន​ទទួល​យក​ប្រូតូកូល​កម្លាយ​ថ្មី​ណា​មួយ ឬ​សកម្មភាព​ផ្សេងៗ​ទៀត។ អ្នក​ទទួល​ស្គាល់ និង​ទទួល​យក​ហានិភ័យ​នៃ​ការផ្លាស់ប្ដូរ​ដំណើរការ​ប្រូតូកូល​របស់​ទ្រព្យ​ឌីជីថល និង​យល់ព្រម​ថា Paxful មិន​ទទួល​ខុស​ត្រូវ​ចំពោះ​ការផ្លាស់ប្ដូរ​ដំណើរការ​បែប​នេះ និង​មិន​ទទួល​រ៉ាប់រង​លើ​ការខាត​បង់​តម្លៃ​ណា​មួយ​ដែល​អ្នក​អាច​ជួប​ប្រទះ ដោយសារ​តែ​ការផ្លាស់ប្ដូរ​ក្នុង​វិធាន​ដំណើរការ​ទេ។ អ្នក​ទទួល​ស្គាល់ និង​យល់ព្រម​ថា Paxful មាន​សិទ្ធិ​សម្រេច​ទាំង​ស្រុង​ក្នុង​ការកំណត់​ការឆ្លើយតប​របស់​ខ្លួន​ទៅ​នឹង​ការផ្លាស់ប្ដូរ​ដំណើរការ​ណា​មួយ ហើយ​ពួកយើង​មិន​ទទួល​ខុស​ត្រូវ​ក្នុង​ការជួយ​អ្នក​ឡើយ ទាក់ទង​នឹង​រូបិយបណ្ណ ឬ​ប្រូតូកូល​ដែល​មិន​អាច​ប្រើ​បាន។
    4. ក្នុង​ការប្រើប្រាស់​សេវាកម្ម​របស់​ពួកយើង អ្នក​អាច​មើល​ខ្លឹមសារ ឬ​ប្រើប្រាស់​សេវាកម្ម​ដែល​ផ្ដល់​ជូន​ដោយ​ភាគី​ទី​បី រួម​ទាំង​តំណ​ភ្ជាប់​ទៅ​កាន់​គេហ​ទំព័រ និង​សេវាកម្ម​ភាគី​ទី​បី (“ខ្លឹមសារ​ភាគី​ទី 3”)។ ពួកយើង​មិន​គាំទ្រ ប្រើប្រាស់ ឬ​គ្រប់គ្រង​ខ្លឹមសារ​ភាគី​ទី 3 ណា​មួយ​ឡើយ ហើយ​នឹង​មិន​ទទួល​ខុស​ត្រូវ​ឬ​ទទួល​រ៉ាប់រង​លើ​គ្រប់​ខ្លឹមសារ​ភាគី​ទី 3 ទាំងអស់។ ក្រៅ​ពី​នេះ ការព្រមព្រៀង ឬ​ការឆ្លើយឆ្លង​របស់​អ្នក​ជាមួយ​ភាគី​ទីបី​បែប​នេះ​គឺ​ធ្វើ​ឡើង​រវាង​អ្នក និង​ភាគី​ទីបី​ទាំង​នោះ​តែ​ប៉ុណ្ណោះ។ ពួកយើង​មិន​ទទួល​ខុស​ត្រូវ ឬ​ទទួល​រ៉ាប់រង​លើ​ការខាតបង់ ឬ​ការខូចខាត​ណា​មួយ​ដែល​បាន​កើតឡើង​ដោយសារ​តែ​ការព្រមព្រៀង​ទាំង​នោះ​ទេ ហើយ​អ្នក​ទទួល​ដឹង​ថា អ្នក​ទទួល​ខុស​ត្រូវ​ដោយ​ខ្លួន​ឯង​ទាំងស្រុង​ក្នុង​ការប្រើប្រាស់​ខ្លឹមសារ​ភាគី​ទី 3 និង​ការឆ្លើយឆ្លង​របស់​អ្នក​ជាមួយ​ភាគី​ទីបី។
    5. ដើម្បី​កុំ​ឱ្យ​មាន​ការឆ្ងល់​សង្ស័យ សូម​ជ្រាប​ថា Paxful មិន​ផ្ដល់​ការប្រឹក្សា​យោបល់​លើ​ការវិនិយោគ ពន្ធ ឬ​ផ្នែក​ច្បាប់​ទេ។ Paxful មិន​បាន​ចុះ​បញ្ជី​ជាមួយ​គណៈកម្មការ​មូលបត្រ​សហរដ្ឋ​អាមេរិក និង​មិន​ផ្ដល់​ជូន​សេវា​មូលបត្រ​ឬ​យោបល់​ណែនាំ​អំពី​ការវិនិយោគ​ឡើយ។ គ្រប់​ប្រតិបត្តិការ​នៅ​លើ​ទីផ្សារ​របស់​ពួកយើង​ត្រូវ​បាន​ធ្វើ​ឡើង​​រវាង​អ្នក​លក់ និង​អ្នក​ទិញ​ក្នុង​លក្ខណៈ​បុគ្គល​និង​បុគ្គល ហើយ​អ្នក​ទទួល​ខុស​ត្រូវ​ទាំងស្រុង​ក្នុង​ការកំណត់​ថា​តើ​ការវិនិយោគ យុទ្ធសាស្ត្រ​វិនិយោគ ឬ​ប្រតិបត្តិការ​ពាក់ព័ន្ធ​ទាំងឡាយ​ស័ក្តិសម​សម្រាប់​អ្នក​ដែរ​ឬ​ទេ ផ្អែក​លើ​គោល​បំណង​វិនិយោគ ស្ថានភាព​ហិរញ្ញវត្ថុ និង​កម្រិត​ទទួល​យក​ហានិភ័យ​ផ្ទាល់​ខ្លួន​របស់​អ្នក។ អ្នក​គួរ​តែ​ពិគ្រោះ​ជាមួយ​អ្នក​ជំនាញ​ផ្នែក​ច្បាប់ ឬ​ផ្នែក​ពន្ធដារ​របស់​អ្នក​ទាក់ទង​នឹង​ស្ថានភាព​ជាក់លាក់​របស់​អ្នក។ យូរៗ​ម្ដង ពួកយើង​អាច​ផ្ដល់​ព័ត៌មាន​ណែនាំ​អំពី​ប្រព័ន្ធ និង​ផលិតផល​របស់​ពួកយើង ដើម្បី​ជួយ​អ្នក​ប្រើប្រាស់​ក្នុង​ការស្វែងយល់​បន្ថែម​អំពី​សេវាកម្ម​របស់​ពួកយើង។ ព័ត៌មាន​អាច​រួម​មាន​ជាអាទិ៍​អត្ថបទ​ប្លក់ អត្ថបទ តំណ​ទៅ​កាន់​ខ្លឹមសារ​ភាគី​ទី 3 mti ព័ត៌មាន ការពន្យល់​ណែនាំ និង​វីដេអូ។ ព័ត៌មាន​ដែល​ត្រូវ​បាន​ផ្ដល់​ជូន​នៅ​លើ​គេហ​ទំព័រ​នេះ ឬ​គេហ​ទំព័រ​ភាគី​ណា​មួយ​មិន​ត្រូវ​បាន​ចាត់​ទុក​ជា​យោបល់​ណែនាំ​អំពី​ការវិនិយោគ យោបល់​ណែនាំ​អំពី​ហិរញ្ញវត្ថុ យោបល់​ណែនាំ​អំពី​ការជួញដូរ ឬ​យោបល់​ណែនាំ​ក្នុង​ទម្រង់​ទាំងឡាយ​ផ្សេង​ទៀត​នោះ​ទេ ហើយ​អ្នក​មិន​គួរ​ចាត់​ទុក​ខ្លឹមសារ​ទាំងឡាយ​របស់​គេហ​ទំព័រ​នេះ​ដូច្នេះ​ឡើយ។ មុន​ពេល​ធ្វើ​ការសម្រេច​ចិត្ត​ទិញ លក់ ឬ​រក្សា​ទុក​ទ្រព្យ​ឌីជីថល​ទាំងឡាយ អ្នក​គួរ​តែ​ធ្វើ​ការត្រួត​ពិនិត្យ​ល្អិតល្អន់​ដោយ​ផ្ទាល់ និង​ពិគ្រោះ​ជាមួយ​ទីប្រឹក្សា​ហិរញ្ញវត្ថុ​របស់​អ្នក មុន​ពេល​ធ្វើ​ការសម្រេច​ចិត្ត​ណា​មួយ​លើ​ការវិនិយោគ។ Paxful នឹង​មិន​ទទួល​ខុស​ត្រូវ​លើ​ការសម្រេច​ចិត្ត​ដែល​អ្នក​ធ្វើ​ឡើង ដើម្បី​ទិញ លក់ ឬ​រក្សា​ទុក​ទ្រព្យ​ឌីជីថល​ដោយ​ផ្អែក​តាម​ព័ត៌មាន​ដែល Paxful ផ្ដល់ជូន​ឡើយ។
    6. អ្នក​យល់ព្រម​ថា ពួកយើង​មិន​ទទួល​រ៉ាប់រង​លើ​បម្រែបម្រួល​តម្លៃ​ទាំងឡាយ​ចំពោះ​ទ្រព្យ​ឌីជីថល​នោះ​ទេ។ ក្នុង​ករណី​ដែល​មាន​ការរាំងស្ទះទីផ្សារ ឬ​ហេតុការណ៍​ជា​ប្រធានសក្តិ (ដូច​ដែល​មាន​រៀបរាប់​ក្នុង​ផ្នែក​ទី 17) ពួកយើង​អាច​ចាត់​វិធានការ​មួយ ឬ​ច្រើន​ដូច​ខាង​ក្រោមនេះ៖ (ក) ផ្អាក​ការចូល​ប្រើប្រាស់​សេវាកម្ម ឬ (ខ) ទប់ស្កាត់​អ្នក​មិន​ឱ្យ​ធ្វើ​សកម្មភាព​ទាំងឡាយ​តាម​សេវាកម្ម។ ពួកយើង​នឹង​មិន​ទទួល​រ៉ាប់រង​លើ​ការខាតបង់​ទាំងឡាយ​ដែល​អ្នក​ទទួល​រង​ដោយសារ​តែ​សកម្មភាព​ទាំង​នោះ​ទេ។ ក្រោយ​ពេល​ហេតុការណ៍​បែប​នេះ​ណា​មួយ​កើត​ឡើង នៅ​ពេល​សេវាកម្ម​ស្ដារ​ឡើង​វិញ អ្នក​ទទួល​ស្គាល់​ថា អត្រា​តម្លៃ​ទីផ្សារ​ក្នុង​ពេល​បច្ចុប្បន្ន​អាច​ខុស​គ្នា​ច្រើន​ពី​អត្រា​តម្លៃ​ដែល​មាន​មុន​ហេតុការណ៍​បែប​នេះ។
    7. ពួកយើង​មិន​ធានា​ឡើយ​ថា គេហ​ទំព័រ​នេះ​ឬ​ម៉ាស៊ីនមេ​ដែល​ផ្ដល់​ជូន​គេហ​ទំព័រ​នេះ​មិន​មាន​មេរោគ​ឬ​បញ្ហា, ខ្លឹមសារ​របស់​វា​ត្រឹមត្រូវ, វា​នឹង​គ្មាន​ភាពរអាក់រអួល ឬ​បញ្ហា​ត្រូវ​បាន​កែ​តម្រូវ។ ពួកយើង​នឹង​មិន​ទទួល​ខុសត្រូវ ឬ​ទទួល​រ៉ាប់រង​ចំពោះ​អ្នក​ឡើយ ទាក់ទង​នឹង​ការខាតបង់​គ្រប់​ប្រភេទ​ដែល​កើត​មានពី​សកម្មភាព​ដែល​បាន​ធ្វើ ឬ​ក៏​ធ្វើ​ឡើង​ដោយ​ផ្អែក​តាម​ធនធាន ឬ​ព័ត៌មាន​នៅ​លើ​គេហ​ទំព័រ​នេះ។
  6. ការដោះ​បន្ទុក PAXFUL និង​ការធានា​សង

    1. ប្រសិន​បើ​អ្នក​មាន​វិវាទ​ជាមួយ​អ្នក​ប្រើប្រាស់​សេវាកម្ម​របស់​ពួកយើង​ម្នាក់ ឬ​ច្រើន​នាក់ អ្នក​ដោះ​បន្ទុក Paxful សម្ព័ន្ធ​ញាតិ​និង​ក្រុមហ៊ុន​ផ្ដល់​សេវា​របស់ Paxful ព្រមទាំង​គ្រប់​មន្ត្រី នាយក បុគ្គលិក ភ្នាក់ងារ និង​តំណាង​​របស់​ពួកគេ​រៀងៗ​ខ្លួន​ឱ្យ​រួច​ផុត​ពី​ការអះអាង ការទាមទារ និង​ការខូចខាត (ជាក់ស្ដែង និង​ជា​ទណ្ឌកម្ម) គ្រប់​ប្រភេទ និង​គ្រប់​ចរិត​លក្ខណៈ​ទាំងអស់​ដែល​កើត​ឡើង​ពី ឬ​ពាក់ព័ន្ធ​នឹង​វិវាទ​បែប​នេះ ទោះ​ក្នុង​លក្ខណៈ​ក៏​ដោយ។ អ្នក​យល់ព្រម​ធានា​សង និង​ការពារ Paxful សម្ព័ន្ធ​ញាតិ​របស់ Paxful ព្រមទាំង​គ្រប់​មន្ត្រី នាយក បុគ្គលិក ភ្នាក់ងារ និង​តំណាង​របស់​ពួកគេ​រៀងៗ​ខ្លួន​ឱ្យ​ផុត​ពី​ការអះអាង ឬ​ការទាមទារ​ទាំងឡាយ (រួម​មាន​ថ្លៃ​មេធាវី និង​ការផាក​ពិន័យ ថ្លៃ​ឈ្នួល ឬ​ទណ្ឌកម្ម​ទាំងឡាយ​ដែល​ដាក់​ចេញ​ដោយ​អាជ្ញាធរ​និយតកម្ម) ដែល​កើត​ឡើង​ពី ឬ​ពាក់ព័ន្ធ​នឹង​ការបំពាន​កិច្ចព្រមព្រៀង​នេះ​ដោយ​រូប​អ្នក ឬ​ការបំពាន​របស់​អ្នក​ទៅ​លើ​ច្បាប់ វិធាន ឬ​បទ​បញ្ញត្តិ​ណា​មួយ ឬ​មួយ​ក៏​សិទ្ធិ​របស់​ភាគ​ទី​បី​ណា​មួយ។
  7. ប្រតិបត្តិការ​នៅ​លើ​ទីផ្សារ​របស់ PAXFUL

    គេហ​ទំព័រ​នេះ​អនុញ្ញាត​ឱ្យ​អ្នក​ប្រើប្រាស់​ដាក់​ចេញ​ការផ្ដល់ជូន​សម្រាប់​ទិញ ឬ​លក់​ទ្រព្យ​ឌីជីថល។

    នៅ​ពេល​អ្នក​ប្រើប្រាស់​ចាប់ផ្ដើម​ធ្វើ​ប្រតិបត្តិការ​ទិញ ឬ​លក់​ទ្រព្យ​ឌីជីថល ប្រតិបត្តិការ​នេះ​ត្រូវ​បាន​បញ្ចប់ ដោយ​អនុលោម​តាម​កិច្ចព្រមព្រៀង​នេះ និង​លក្ខខណ្ឌ​បន្ថែម (បើ​មាន) ដែល​ត្រូវ​បាន​រៀបរាប់​លម្អិត​ដោយ​អ្នក​ប្រើប្រាស់ ឬភាគី​ជា​ដៃគូ​ជួញដូរ​របស់​អ្នក​ប្រើប្រាស់។ សម្រាប់​ការណែនាំ​ជា​ជំហានៗ​ទាក់ទង​នឹង​ការទិញ និង​ការលក់​ទ្រព្យ​ឌីជីថល​នៅ​លើ​ទីផ្សារ​ Paxful សូម​ចូល​មើល https://support.paxful.com/support/solutions/150000191612

    លក្ខខណ្ឌ​ទូទៅ​ដូច​ខាង​ក្រោម​អនុវត្ត​ចំពោះ​ប្រតិបត្តិការ​នីមួយៗ​ដែល​មាន​រៀបរាប់​នៅ​ខាង​ក្រោម​នេះ៖

    1. ការទិញ​ទ្រព្យ​ឌីជីថល​តាម​ការដាក់​ចេញ​ការផ្ដល់ជូន។

      នៅ​ពេល​ទិញ​ទ្រព្យ​ឌីជីថល​នៅ​លើ​ទីផ្សារ Paxful៖

      1. មិន​មាន​ថ្លៃ​សេវា​ឃ្លាំង​បញ្ញើ​សុវត្ថិភាព​ដែល​តម្រូវ​ឱ្យ​អ្នក​ទិញ​បង់​នៅ​ក្នុង​ប្រតិបត្តិការ​លើ​ទីផ្សារ​របស់​ពួកយើង​ទេ។
      2. ការផ្ដល់ជូន​ពី​ភាគី​ជា​ដៃគូ​ជួញដូរ​លើ Paxful មាន​លក្ខខណ្ឌ​របស់​ពួកគេ​ផ្ទាល់ ហើយ​ការផ្ដល់ជូន​នីមួយៗ​នឹង​មាន​អត្រា​ប្ដូរ ល្បឿន​ប្ដូរ និង​លក្ខខណ្ឌ​ផ្សេង​ទៀត​ដែល​ដាក់​ចេញ​ដោយ​អ្នក​លក់​ខុសៗ​គ្នា។ តាម​រយៈ​ការទទួល​យក​ការផ្ដល់ជូន​របស់​អ្នក​លក់ អ្នក​យល់ព្រម​គោរព​តាម​លក្ខខណ្ឌ​នៃ​ការផ្ដល់ជូន​នោះ។ លក្ខខណ្ឌ​ដែល​បាន​កំណត់​ដោយ​អ្នក​លក់​មាន​សុពលភាព​ក្នុង​គ្រប់​កាលៈទេសៈ​ទាំងអស់ លើកលែង​តែ​នៅ​ពេល​លក្ខខណ្ឌ​ទាំង​នោះ​ផ្ទុយ​នឹង​ឬ​បំពាន​លើ​កិច្ចព្រមព្រៀង​នេះ ខុស​ច្បាប់ មិន​សម​ហេតុផល ឬ​ពិបាក​នឹង​គោរព​តាម (ផ្អែក​តាម​ការសម្រេច​ទាំង​ស្រុង និង​ជា​ដាច់ខាត​របស់ Paxful) ឬ​ក្នុង​ករណី​ដែល​អ្នក​ប្រើប្រាស់​ទាំង​សងខាង​យល់ព្រម​ផ្លាស់ប្ដូរ​លក្ខខណ្ឌ​នៃ​ការផ្ដល់ជូន​នោះ។ អ្នក​ទទួល​ខុស​ត្រូវ​ក្នុង​ការអាន​ដោយ​ប្រុង​ប្រយ័ត្ន​នូវ​លក្ខខណ្ឌ​ផ្ដល់ជូន​របស់​អ្នក​លក់ និង​អនុវត្ត​តាម​លក្ខខណ្ឌ​ទាំង​នោះ​យ៉ាង​តឹងរ៉ឹង។ ប្រសិន​បើ​អ្នក​មិន​អនុវត្ត​តាម​លក្ខខណ្ឌ​នៃ​ការផ្ដល់ជូន​ទេ ប្រាក់​បង់​របស់​អ្នក​នឹង​មិន​ត្រូវ​បាន​ទទួល​យក​ឡើយ។ មិន​ត្រូវ​ប្រគល់​ប្រាក់​បង់​ទេ ប្រសិន​បើ​អ្នក​មិនគោរព​តាម​លក្ខខណ្ឌ​ទាំងអស់​ដែល​បាន​ដាក់​ចេញ​នៅ​ក្នុង​ការផ្ដល់ជូន។ ប្រសិន​បើ​អ្នក​ប្រគល់​ប្រាក់​បង់​ដោយ​មិន​គោរព​​តាម​លក្ខខណ្ឌ នោះ PAXFUL មិន​អាច​ជួយ​អ្នក​ក្នុង​ដំណើរការ​ដោះស្រាយ​វិវាទ ដើម្បី​បាន​ប្រាក់​បង់​របស់​អ្នក​មក​វិញ​ឡើយ។
      3. ការផ្ទៀងផ្ទាត់​ប្រាក់​បង់ និង​ការផ្ដល់​ការណែនាំ ដើម្បី​ដោះ​សោ​ទ្រព្យ​ឌីជីថល​ពី​ឃ្លាំង​បញ្ញើ​សុវត្ថិភាព Paxful គឺ​ជា​កាតព្វកិច្ច​របស់​អ្នក​លក់​ទាំងស្រុង និង​មិន​មែន​ជា​របស់ Paxful ទេ។ បន្ទាប់​ពី​បំពេញ​តាម​លក្ខខណ្ឌ​របស់​អ្នក​លក់​បាន​យ៉ាង​ត្រឹមត្រូវ ប្រសិន​បើ​អ្នក​លក់​មិន​បញ្ចេញ​ទ្រព្យ​ឌីជីថល​ឱ្យ​អ្នក​ទេ សូម​រាយការណ៍​អំពី​បញ្ហា​នេះ​ភ្លាម​តាម​រយៈ​ប៊ូតុង​វិវាទ​ដែល​បាន​កំណត់​នៅ​ក្នុង​ការជជែក​អំពី​ប្រតិបត្តិការ​ជាក់លាក់​នោះ។ ផ្នែក​ជំនួយ Paxful នឹង​ពិនិត្យ​មើល និង​ដោះស្រាយ​វិវាទ។ ដំណើរការ​ដោះស្រាយ​វិវាទ​នេះ​មាន​រៀបរាប់​បន្ថែម​ទៀតនៅ​ក្នុង “ផ្នែក​ទី 8 - វិវាទ​ប្រតិបត្តិការ​តាម​រយៈ​ដំណើរការ​ដោះស្រាយ​វិវាទ​របស់ Paxful”។ ប្រសិន​បើ​អ្នក​មិន​គោរព​តាម​ដំណើរការ​ដោះស្រាយ​វិវាទ​នេះ​ទេ Paxful នឹង​មិន​អាច​ជួយ​អ្នក​ក្នុង​បញ្ហា​នេះ​ឡើយ។
    2. ការលក់​ទ្រព្យ​ឌីជីថល

      នៅ​ពេល​លក់​ទ្រព្យ​ឌីជីថល​នៅ​លើ​ទីផ្សារ Paxful៖

      1. អ្នក​លក់​ត្រូវ​តែ​ផ្ទៀងផ្ទាត់ និង​ដំណើរការ​ប្រាក់​បង់​ក្នុង​រយៈ​ពេល​សមស្រប និង​តាម​ពេល​កំណត់​ជាក់លាក់​ដែល​បាន​បញ្ជាក់​នៅក្នុង​លក្ខខណ្ឌ​ផ្ដល់​ជូន។ បន្ទាប់​ពី​អ្នក​ទិញ​បាន​ប្រគល់​ប្រាក់​បង់​ឱ្យ​អ្នក​ដោយ​គោរព​តាម​លក្ខខណ្ឌផ្ដល់ជូន អ្នក​មាន​កាតព្វកិច្ច និង​ទទួល​ខុស​ត្រូវ​ទាំង​ស្រុង​ក្នុង​ការផ្ទៀងផ្ទាត់ និង​ដំណើរការ​ប្រាក់​បង់​ភ្លាមៗ រួច​ហើយ​ដោះ​សោ​ទ្រព្យ​ឌីជីថល​ពី​ឃ្លាំង​បញ្ញើ​សុវត្ថិភាព Paxful និង​បញ្ចេញ​ទៅ​ឱ្យ​អ្នក​ទិញ។ ប្រសិន​បើ​អ្នក​មិន​អនុវត្ត​តាម​ការណែនាំ​នៅ​លើ​ការផ្ដល់ជូន​ទេ អ្នក​ប្រហែល​មិន​មាន​សិទ្ធិ​ទទួល​បាន​ទ្រព្យ​ឌីជីថល​របស់​អ្នក​ដែល​បាន​ចាក់​សោ​មក​វិញ​ទេ។
      2. ក្នុង​នាម​ជា​អ្នក​លក់ អ្នក​ទទួល​យក​ហានិភ័យ​ទាំងអស់ និង​ទទួល​រ៉ាប់រង​ទាំងស្រុង​លើ​ការបំពាន​ណាមួយ​ចំពោះ​កិច្ចព្រមព្រៀង​នេះ​ដែល​កើត​មាន​តាម​រយៈ​ការលក់​ទ្រព្យ​ឌីជីថល។ គ្រប់​ពន្ធទាំងអស់​ដែល​ត្រូវ​បង់​ជា​ទំនួស​ខុស​ត្រូវ​របស់​អ្នក។ ក្នុង​នាម​ជា​អ្នក​លក់​ទ្រព្យ​ឌីជីថល អ្នក​ត្រូវ Paxful គិត​ថ្លៃ​សេវា​សម្រាប់​ការចាក់​សោ​ទ្រព្យ​ឌីជីថល​ក្នុង​ឃ្លាំង​បញ្ញើ​សុវត្ថិភាព​របស់ Paxful នៅ​អំឡុង​ពេល​លក់។ លើក​លែង​តែ​មាន​ការកំណត់​ក្រៅ​ពី​នេះ​ក្នុង​ការសម្រេច​ទាំងស្រុង និង​ជា​ដាច់ខាត​របស់ Paxful នោះ Paxful នឹង​មិន​ផ្ដល់​សំណង​លើ​ការខាត​បង់​ទាំងឡាយ​ដល់​អ្នក​លក់​ឡើយ មិន​ថា​ការខាត​បង់​នេះ​កើត​ឡើង​ដោយសារ​ការបំពាន​កិច្ចព្រមព្រៀង​នេះ ការក្លែង​បន្លំ ឬ​ករណី​ផ្សេង​ទៀត​នោះ​ទេ ហើយ​ទោះ​ក្នុង​ស្ថានភាព​ណា​ក៏​ដោយ ក៏​ថ្លៃ​សេវា​របស់​ពួកយើង​នឹង​មិន​ត្រូវ​បាន​បង្វិល​សង​វិញ​ដែរ។
      3. ប្រាក់​បង់​ទាំងឡាយ​ដែល​ទទួល​បាន​គួរ​តែ​ត្រូវ​បាន​ដំណើរការ​ឱ្យ​ចប់​សព្វគ្រប់ និង​បញ្ជាក់​ថា​អ្នក​បាន​ទទួល មុន​ពេល​ដោះ​សោ​ទ្រព្យ​ឌីជីថល​ពី​ឃ្លាំង​បញ្ញើ​សុវត្ថិភាព Paxful។ Paxful មិន​ទទួល​ខុស​ត្រូវ​លើ​ការខាត​បង់​របស់​អ្នក​ឡើយ ប្រសិន​បើ​អ្នក​ដោះ​សោ​ទ្រព្យ​ឌីជីថល មុន​ពេល​អ្នក​ទទួល​បាន និង​ធ្វើ​ការផ្ទៀងផ្ទាត់​ប្រាក់​បង់​ត្រឹមត្រូវ។ អ្នក​ត្រូវ​តែ​យក​ចិត្ត​ទុក​ដាក់ និង​ឆ្លើយតប​ទៅ​អ្នក​ទិញ។ អ្នក​គួរ​តែ​បិទ​ដំណើរការ​ការផ្ដល់ជូន​ដែល​អសកម្ម​ទាំងឡាយ។
      4. ការផ្សព្វផ្សាយ​ទាំងឡាយ​អំពី​គេហ​ទំព័រ​របស់​អ្នក​ផ្ទាល់​នៅ​ក្នុង​ផ្នែក​ណា​មួយ​លើ​ទីផ្សារ​របស់ Paxful (ដូចជា​ជីវប្រវត្តិ​របស់​អ្នក លក្ខខណ្ឌ​ផ្ដល់​ជូន ឬ​ការជជែក​អំពី​ប្រតិបត្តិការ​ជាដើម) ដែល​សម្រួល​ដល់​ការទិញ ឬ​លក់​ទ្រព្យ​ឌីជីថល​នៅ​ក្រៅ​សេវាកម្ម​របស់ Paxful ត្រូវ​បាន​ហាម​ឃាត់​ជា​ដាច់ខាត។ ក្នុង​ករណី​មាន​កម្រិត អ្នក​អាច​ចែក​រំលែក​គេហ​ទំព័រ​របស់​អ្នក​នៅ​ក្នុង​ការណែនាំ​អំពី​ប្រតិបត្តិការសម្រាប់​ឱ្យ​អ្នក​លក់​ទទួល​បាន​ប្រាក់​បង់ ដើម្បី​បញ្ចប់​ប្រតិបត្តិការ​តែ​ប៉ុណ្ណោះ (ឧ. ការដំណើរការ​បណ្ណ​ឥណពន្ធ/ពន្ធទាណ​របស់​ភាគី​ទី​បី​ដែល​ទទួល​បាន​ការទុក​ចិត្ត) ឱ្យ​តែ​ការប្រើប្រាស់​គេហ​ទំព័រ​ខាង​ក្រៅ​នោះ​មាន​បញ្ជាក់​ច្បាស់​នៅ​ក្នុង​លក្ខខណ្ឌ​ផ្ដល់​ជូន ហើយ​គេហ​ទំព័រ​បែប​នោះ​មិន​អាច​មាន​ការផ្សព្វផ្សាយ​ទាំងឡាយ​ផ្សេង​ទៀត ឬ​ព័ត៌មាន​ទំនាក់ទំនង​របស់​អ្នក​ឡើយ។
    3. អនុលោមភាព

      1. Paxful និង​សេវាកម្ម​របស់​ក្រុមហ៊ុន​មិន​មាន​ជាប់​សម្ព័ន្ធ ឬ​ជាប់​ពាក់ព័ន្ធ​ជាមួយ ឬ​មួយ​ក៏​ទទួល​បាន​ការគាំទ្រ​ឬ​ឧបត្ថម្ភ​ដោយ​ភាគី​ទី​បី​ទេ រួម​មានជាអាទិ៍​អ្នក​ចេញ​កាត​កាដូ។ ពាណិជ្ជ​សញ្ញា ម៉ាក និង​គ្រឿង​សម្គាល់​ផ្សេង​ទៀត​ដែល​បាន​បង្ហាញ​គឺ​ជា​ទ្រព្យ​សម្បត្តិ​របស់​ម្ចាស់​រៀងៗ​ខ្លួន​ទាំងស្រុង។ Paxful និង​សេវាកម្ម​របស់​ខ្លួន​មិន​ត្រូវ​បាន​គាំទ្រ ឬ​ឧបត្ថម្ភ​ដោយ ឬ​មួយ​ក៏​ជាប់​ពាក់ព័ន្ធ​ឬ​ជាប់​សម្ព័ន្ធ​ជាមួយ​ម្ចាស់​ទាំង​នេះ​ឡើយ ទោះ​ក្នុង​លក្ខណៈ​ណា​ក៏​ដោយ។
      2. Paxful មិន​មែន​ជា​អ្នក​ផ្គត់ផ្គង់​កាត​កាដូ​ដែល​មាន​អាជ្ញាបណ្ណ ឬ​អ្នក​ចែកចាយ​ដែល​ទទួល​បាន​សិទ្ធិ​អនុញ្ញាត​ពី​អ្នក​ចេញ​កាត​កាដូ​ទេ។ គ្រប់​កាត​កាដូ​ដែល​អ្នក​ទទួល​បាន​ពី​អ្នក​ប្រើប្រាស់​ដោយ​ផ្ទាល់​តាម​រយៈ​ទីផ្សារ Paxful ស្ថិត​ក្រោម​លក្ខខណ្ឌ​របស់​អ្នក​ជំនួញ​ភាគី​ទី​បី​ដែល​ចេញ​កាត​ឱ្យ​អ្នក​ប្ដូរ​យក​បាន (“អ្នក​ចេញ”)។ Paxful មិន​ទទួល​ខុស​ត្រូវ​ឡើយ​ចំពោះ​ការធ្វើ​ឬ​មិន​ធ្វើ​សកម្មភាព​ពី​អ្នក​ចេញ​ទាំងឡាយ ឬ​ក៏​ថ្លៃ​សេវា កាល​បរិច្ឆេទ​ផុត​កំណត់ ការពិន័យ ឬ​លក្ខខណ្ឌ​ទាំងឡាយ​ពាក់ព័ន្ធ​នឹង​កាត​កាដូ​របស់​អ្នក​ចេញ​ដែល​ទទួល​បាន​តាម​រយៈ​ទីផ្សារ​របស់ Paxful។ តាម​រយៈ​ការទទួល​បាន​កាត​កាដូ​ពី​អ្នក​ប្រើប្រាស់ អ្នក​ទទួល​ស្គាល់​ថា អ្នក​បាន​អាន​លក្ខខណ្ឌ​របស់​កាត​កាដូ និង​បញ្ជាក់​ចំពោះ Paxful ថា អ្នក​មាន​សិទ្ធិ​ប្រើប្រាស់​កាត​កាដូ​ទាំង​នោះ​ស្រប​តាម​លក្ខខណ្ឌ​របស់​អ្នក​ចេញ​កាត​កាដូ ឬ​ច្បាប់​ជា​ធរមាន។
      3. ការជួញដូរ​កណ្ដាល ឬ​ការលក់​កាត​កាដូ​ឡើង​វិញ​ត្រូវ​បាន​ហាម​ឃាត់​ជា​ដាច់​ខាត​នៅ​លើ​គេហ​ទំព័រ និង​ទីផ្សារ​របស់​ពួកយើង។ អ្នក​ត្រូវ​តែ​ជា​ម្ចាស់​ពេញ​សិទ្ធិ​របស់​កាត​កាដូ ហើយ​នៅពេល PAXFUL ស្នើសុំ អ្នក​យល់ព្រម​ផ្ដល់​ភស្តុតាង​ត្រឹមត្រូវ (ដូចជា​បង្កាន់​ដៃ​ជាដើម) ដើម្បី​បញ្ជាក់​ភាពជា​ម្ចាស់​កាត​កាដូ​របស់​អ្នក។ PAXFUL មិន​ធ្វើ​ការអះអាង បញ្ជាក់ ឬ​ធានា​ឡើយ​ថា វិធី​បង់ប្រាក់​ទាំងឡាយ​របស់​ភាគី​ទី​បី​នៅ​លើ​គេហ​ទំព័រ​នេះ​នឹង​អនុញ្ញាត​ឱ្យ​ប្រតិបត្តិការ​ដំណើរការ​តាម​សេវាកម្ម​របស់ PAXFUL ឬ​ក៏​សេវាកម្ម​របស់​ពួកយើង​នឹង​អាច​ដំណើរការ​បាន​ជាមួយ​វិធី​បង់ប្រាក់​ទាំងឡាយ​របស់​ភាគី​ទី​បី​នៅ​លើ​គេហ​ទំព័រ​របស់​ពួកយើង ឬ​មួយ​ក៏​វិធី​ទាំង​នេះ​នឹង​ដំណើរការ​លើ​សេវាកម្ម​របស់​ពួកយើង។ អ្នក​មិន​គួរ​ប្រើប្រាស់​វិធី​បង់ប្រាក់​របស់​ភាគី​ទី​បី​បែប​នេះ​ដោយ​គ្មាន PAXFUL ទេ ប្រសិន​បើ​ភាគី​ទី​បី​មិន​អនុញ្ញាត
      4. អ្នក​ទទួល​ខុស​ត្រូវ​ទាំងស្រុង​ក្នុង​ការគោរព​តាម​ច្បាប់ និង​បទបញ្ញត្តិ​ទាំងអស់​ក្នុង​ដែនដី​ដែល​អ្នក​ធ្វើ​ប្រតិបត្តិការ​ជួញដូរ។
      5. ប្រតិបត្តិការ​ទាំងអស់​ត្រូវ​តែ​ធ្វើ​ឡើង​នៅ​ក្នុង​ប្រព័ន្ធ Paxful។ ការបញ្ជូន​ប្រតិបត្តិការ​ទៅ​ខាង​ក្រៅ​ប្រព័ន្ធ Paxful ឬ​ការដោះដូរ​ព័ត៌មាន​លម្អិត​សម្រាប់​ទាក់ទង​នៅ​ខាង​ក្រៅ​ត្រូវ​បាន​ហាម​ឃាត់​ជា​ដាច់ខាត។
    4. ដែន​កំណត់​ក្នុង​ការផ្ទេរ។ ផ្អែក​តាម​ការសម្រេច​ទាំងស្រុង​របស់​ពួកយើង ពួកយើង​អាច​ដាក់​ចេញ​ដែន​កំណត់ ឬ​ដាក់​កំហិត​លើ​ទំហំ ប្រភេទ ឬ​របៀប​ដំណើរការ​នៃ​ប្រតិបត្តិការ​ផ្ទេរ​ដែល​បាន​ស្នើ​ទាំងឡាយ ដូចជា​ដែន​កំណត់​លើ​ចំនួន​ទ្រព្យ​ឌីជីថល​សរុប​ដែល​អាច​ដាក់​ផ្សាយ​សម្រាប់​លក់​ជាដើម។
    5. គ្មាន​ការធានា​ទេ។ Paxful មិន​ធានា​ថា អ្នក​នឹង​អាច​លក់​ទ្រព្យ​ឌីជីថល​នៅ​លើ​ទីផ្សារ​របស់ Paxful ទេ។ សកម្មភាព​ទិញ ឬ​លក់​ទ្រព្យ​ឌីជីថល​តាម​ទីផ្សារ​របស់ Paxful មិន​ធានា​ឡើយ​ថា អ្នក​នឹង​អាច​ទិញ ឬ​លក់​ទ្រព្យ​ឌីជីថល​តាម​ទីផ្សារ​នេះ​នៅ​ពេល​ក្រោយ​បាន។
    6. ទំនាក់ទំនង។ ពុំ​មាន​អ្វី​នៅ​ក្នុង​កិច្ចព្រមព្រៀង​នេះ​ដែល​មាន​ចេតនា ឬ​ក៏​នឹង​បង្កើត​ភាពជា​ដៃគូ ការបណ្ដាក់​ទុន​រួម​គ្នា ទីភ្នាក់ងារ ការពិគ្រោះ​យោបល់ ឬ​អាណត្តិព្យាបាលភាព​ណា​មួយ​នោះ​ទេ ពោល​គឺអ្នក និង Paxful មាន​ភាពឯករាជ្យ​ពី​គ្នា។
    7. ភាពត្រឹមត្រូវ​នៃ​ព័ត៌មាន។ អ្នក​បញ្ជាក់ និង​ធានា​ថា ព័ត៌មាន​ទាំងឡាយ​ដែល​អ្នក​ផ្ដល់​មក​តាម​សេវាកម្ម​មាន​ភាពត្រឹមត្រូវ និង​ពេញលេញ។ អ្នក​យល់ព្រម និង​ទទួល​ស្គាល់​ថា Paxful មិន​ទទួល​ខុស​ត្រូវ​ចំពោះ​កំហុស ឬ​ភាពខ្វះ​ចន្លោះ​របស់​អ្នក​ទាក់ទង​នឹង​ប្រតិបត្តិការ​ណា​មួយ​ដែល​បាន​ចាប់ផ្ដើម​តាម​សេវាកម្ម​ឡើយ ឧទាហរណ៍ ប្រសិន​បើ​អ្នក​វាយ​ខុស​អាសយដ្ឋាន​កាបូប ឬ​ផ្ដល់​ព័ត៌មាន​មិន​ត្រឹមត្រូវ។ ពួកយើង​ពិត​ជា​លើក​ទឹក​ចិត្ត​ឱ្យ​អ្នក​ពិនិត្យ​មើល​ព័ត៌មាន​លម្អិត​អំពី​ប្រតិបត្តិការ​របស់​អ្នក​ដោយ​ប្រុង​ប្រយ័ត្ន មុន​ពេល​បញ្ចប់​ប្រតិបត្តិការ​តាម​រយៈសេវាកម្ម។
    8. គ្មាន​ការលុបចោល ឬ​ការកែប្រែ​សកម្មភាព​កាបូប​ទេ។ បន្ទាប់​ពី​ព័ត៌មាន​លម្អិត​អំពី​ប្រតិបត្តិការ​ត្រូវ​បាន​ដាក់​បញ្ជូន​ទៅ​បណ្ដាញ​រូបិយបណ្ណ​ឌីជីថល​តាម​សេវាកម្ម Paxful មិន​អាច​ជួយ​អ្នក​ក្នុង​ការលុបចោល ឬ​កែប្រែ​ប្រតិបត្តិការ​របស់​អ្នក​បាន​ទេ។ Paxful មិន​មាន​សិទ្ធិ​គ្រប់គ្រង​លើ​បណ្ដាញ​រូបិយបណ្ណ​ឌីជីថល​ណា​មួយ​ទេ ហើយ​ក៏​មិន​មាន​លទ្ធភាព​សម្រួល​ដល់​សំណើ​សុំ​លុបចោល ឬ​កែ​ប្រែទាំងឡាយ​ដែរ។ Paxful មិន​រក្សា​ទុក ឬ​គ្រប់គ្រង​ទ្រព្យ​ឌីជីថល​ទាំងឡាយ​ដែល​បាន​ចាក់​សោ​ឡើយ។ ទ្រព្យ​ឌីជីថល​ត្រូវ​បាន​កត់ត្រា​ទុក​លើ​បណ្ដាញ ឬ Blockchain រៀងៗ​ខ្លួន​របស់​ទ្រព្យ​ឌីជីថល​ទាំង​នេះ​ជានិច្ច។ ប្រតិបត្តិការ​ជួញដូរ​រូបិយបណ្ណ​ឌីជីថល​ទាំងអស់​កើត​ឡើង​នៅ​ក្នុង​បណ្ដាញ​រូបិយបណ្ណ​ឌីជីថល មិន​មែន​នៅ​លើ Paxful ទេ។ មិន​មាន​ការធានា​ថា ប្រតិបត្តិការនឹង​ដំណើរការ​លើ​បណ្ដាញ​រូបិយបណ្ណ​ឌីជីថល​នោះ​ទេ។ ប្រសិន​បើ​ច្បាប់​តម្រូវ ឬ​ប្រសិន​បើ​ពួកយើង​គិត​ថា ប្រតិបត្តិការ​ទាំង​នេះ​ផ្ទុយ​នឹង​លក្ខខណ្ឌ​របស់​ពួកយើង​នៅ​ក្នុង​កិច្ចព្រមព្រៀង​នេះ នោះ Paxful រក្សា​សិទ្ធិ​ក្នុង​ការបដិសេធ​មិន​ដំណើរការ​ប្រតិបត្តិការ​ណា​មួយ។ តាម​រយៈ​កិច្ចព្រមព្រៀង​នេះ អ្នក​យល់ព្រម និង​ទទួល​ស្គាល់​ថា អ្នក​ទទួល​ខុស​ត្រូវ​ទាំងស្រុង​លើ​គ្រប់​សកម្មភាព​ដែល​កើត​ឡើង​ក្នុង​កាបូប​របស់​អ្នក និង​រ៉ាប់រង​លើ​ហានិភ័យ​ទាំងអស់​ចំពោះ​ការចូល​ប្រើប្រាស់​កាបូប​របស់​អ្នក​ដែល​មាន​ការអនុញ្ញាត ឬ​គ្មាន​ការអនុញ្ញាត ស្របតាម​ការអនុញ្ញាត​ជា​អតិបរមា​ដោយ​ច្បាប់។
    9. ពន្ធ។ អ្នក​មាន​ទំនួល​ខុស​ត្រូវ​ក្នុង​ការកំណត់​ថា​តើ​អ្នក​ត្រូវ​បង់​ពន្ធ​អ្វីខ្លះ (បើ​មាន) សម្រាប់​ប្រតិបត្តិការ​ជួញដូរ​ដែល​ត្រូវ​អ្នក​ដាក់​បញ្ជូន​ព័ត៌មាន​លម្អិត​តាម​សេវាកម្ម ហើយ​អ្នក​ទទួល​ខុស​ត្រូវ​ក្នុង​ការរាយការណ៍ និង​ផ្ញើ​ពន្ធ​ត្រឹមត្រូវ​ទៅ​អាជ្ញាធរ​ពន្ធដារ​សមស្រប។ អ្នក​យល់ព្រម​ថា Paxful មិន​ទទួល​ខុស​ត្រូវ​ឡើយ​លើ​ការកំណត់​ថា​តើ​អ្នក​ត្រូវ​បង់​ពន្ធ​ដែរ​រឬ​ទេ​សម្រាប់​ប្រតិបត្តិការ​ជួញដូរ​រូបិយបណ្ណ​ឌីជីថល​របស់​អ្នក ឬ​លើ​ការប្រមូល រាយការណ៍ ដក​ហូត ឬ​ផ្ញើ​ពន្ធ​ទាំងឡាយ​ដែល​កើត​ចេញ​ពី​ប្រតិបត្តិការ​ជួញដូរ​រូបិយបណ្ណ​ឌីជីថល​ទាំងឡាយ។
    10. កេរ្តិ៍​ឈ្មោះ​អ្នក​ប្រើប្រាស់។ នៅ​ពេល​អ្នក​ចូលរួម​ធ្វើ​ប្រតិបត្តិការ ពួកយើង​អនុញ្ញាត​ឱ្យ​អ្នក​ប្រើប្រាស់​ផ្សេង​ទៀត​ផ្ដល់​មតិ​ប្រតិកម្ម​អំពី​បទពិសោធន៍​ទំនាក់ទំនង​របស់​ពួកគេ​ជាមួយ​អ្នក។ ពួកយើង​ក៏​អនុញ្ញាត​ឱ្យ​អ្នក​ប្រើប្រាស់​រាយការណ៍​ផងដែរ ប្រសិន​បើ​អ្នក​ប្រើប្រាស់​ទាំង​នេះ​ជឿ​ថា អ្នក​បាន​បំពាន​កិច្ចព្រមព្រៀង​នេះ​ក្នុង​លក្ខណៈ​ណា​មួយ។ ការរាយការណ៍​ទាំង​នេះ​មាន​លក្ខណៈ​សម្ងាត់ ប៉ុន្តែ​ពួកយើង​អាច​ប្រើប្រាស់​ការរាយការណ៍​ទាំង​នេះ​ក្នុង​ពេល​មាន​វិវាទ ដូច​មាន​រៀបរាប់​នៅ​ក្នុង​ផ្នែក​ទី 8។
    11. ប្រវត្តិ​ប្រតិបត្តិការ។ អ្នក​អាច​មើល​ប្រវត្តិ​ប្រតិបត្តិការ​របស់​អ្នក​តាម​រយៈ​គណនី​របស់​អ្នក។ អ្នក​យល់ព្រម​ថា ទោះបី​ជា​សេវាកម្ម​ខកខាន​មិន​បាន​ផ្ដល់​ការបញ្ជាក់​បែប​នេះ​ក្ដី ក៏​មិន​នាំ​ឱ្យ​លក្ខខណ្ឌ​នៃ​ប្រតិបត្តិការ​បែបនេះ​ខូចខាត ឬ​គ្មាន​សុពលភាព​ដែរ។
    12. Paxful Pay។ Paxful បាន​ផ្ដល់​សិទ្ធិ​ឱ្យ​អ្នក​ជំនួញ​ជាក់លាក់​ទទួល​យក Paxful ជា​វិធី​បង់ប្រាក់​សម្រាប់​ការទិញ​ទំនិញ និង​សេវាកម្ម​តាម​អ៊ីនធឺណិត (“អ្នក​ជំនួញ​ដែល​មាន​ការអនុញ្ញាត”)។ អ្នក​អាច​បង់​ប្រាក់​ឱ្យ​អ្នក​ជំនួញ​ដែល​មាន​ការអនុញ្ញាត ដោយ​ជ្រើសរើស​ជម្រើស “Paxful Pay” នៅ​ពេល​ទូទាត់​ប្រាក់​បញ្ចប់ ឬ​នៅ​ពេល​បង់ប្រាក់។ Paxful Pay នឹង​នាំ​អ្នក​មក​ទីផ្សារ​របស់​ពួកយើង ដើម្បី​ចូល​ប្រើប្រាស់​ទ្រព្យ​ឌីជីថល​ដែល​មាន​នៅ​ក្នុង​គណនី​របស់​អ្នក ឬ​ភ្ជាប់​ទំនាក់ទំនង​អ្នក​ជាមួយ​អ្នក​លក់។ ប្រសិន​បើ​អ្នក​ទិញ​ទ្រព្យ​ឌីជីថល​ពី​អ្នក​លក់ ដើម្បី​បញ្ចប់​ប្រតិបត្តិការ លក្ខខណ្ឌ​ដែល​មាន​ចែង​នៅ​ក្នុង​ផ្នែក​ទី 7.1 នៃ​កិច្ចព្រមព្រៀង​នេះ​នឹង​ត្រូវ​បាន​អនុវត្ត។
    13. ទំនិញ​អ្នក​ជំនួញ។ Paxful មិន​ទទួល​ខុស​ត្រូវ​ចំពោះ​ទំនិញ ឬ​សេវាកម្ម​ទាំងឡាយ​ដែល​អ្នក​អាច​ទិញ​ពី​អ្នក​ជំនួញ​ដែល​មាន​ការអនុញ្ញាត ដោយ​ប្រើប្រាស់​គណនី​របស់​អ្នក ឬ​ផលិតផល Paxful Pay ទេ។ ប្រសិន​បើ​អ្នក​មាន​វិវាទ​ជាមួយ​អ្នក​ជំនួញ​ដែល​មាន​ការអនុញ្ញាត​ណា​ម្នាក់ អ្នក​គួរ​តែ​ដោះស្រាយ​វិវាទ​ជាមួយ​អ្នក​ជំនួញ​ដែល​មាន​ការអនុញ្ញាត​នោះ​ដោយ​ផ្ទាល់។
    14. ការបញ្ជូន​ត្រឡប់​វិញ និង​ការបង្វិល​ប្រាក់​សង។ នៅ​ពេល​អ្នក​ទិញ​ទំនិញ ឬ​សេវាកម្ម​ពី​ភាគី​ទី​បី​ដោយ​ប្រើប្រាស់​គណនី​របស់​អ្នក ការទិញ​ដែល​បាន​បញ្ចប់​នោះ​មិន​អាច​កែ​ប្រែ​វិញ​បាន​ទេ។ ពួកយើង​មិន​ដំណើរការ​ការបង្វិល​ប្រាក់​សង ឬ​ការបញ្ជូន​ត្រឡប់​វិញ​ទេ។ ផ្អែក​តាម​ការសម្រេច​ទាំងស្រុង​របស់​ខ្លួន និង​ដោយ​គោរព​តាម​គោលការណ៍​របស់​ខ្លួន អ្នក​ជំនួញ​ដែល​មាន​ការអនុញ្ញាត​អាច​ឱ្យ​បញ្ជូន​ត្រឡប់​វិញ ផ្ដល់​ប្រាក់​សម្រាប់​ចំណាយ​ក្នុង​ហាង ឬ​ផ្ដល់​ជា​កាត​កាដូ។
    15. Paxful ធ្វើ​ការគិត​ថ្លៃ​ពី​សេវាកម្ម ហើយ​ថ្លៃ​សេវា​ដែល​មាន​នឹង​បង្ហាញ​ឱ្យ​ឃើញ មុន​ពេល​អ្នក​ប្រើប្រាស់​សេវាកម្ម​ណា​មួយ​ដែល​មាន​គិត​ថ្លៃ​សេវា។ សូម​មើល “ថ្លៃ​សេវា Paxful” ដើម្បី​ទទួល​បាន​ព័ត៌មាន​លម្អិត​បន្ថែម។ ថ្លៃ​សេវា​របស់​ពួកយើង​អាច​មាន​ការប្រែប្រួល ហើយ Paxful រក្សា​សិទ្ធិ​ក្នុង​ការកែ​តម្រូវ​តម្លៃ និង​ថ្លៃ​សេវា​របស់​ខ្លួន​នៅ​ពេល​ណា​ក៏​បាន។
  8. វិវាទ​ប្រតិបត្តិការ​តាម​រយៈ​ដំណើរការ​ដោះស្រាយ​វិវាទ​របស់ Paxful

    1. វិវាទ​ប្រតិបត្តិការ។ ក្នុង​ករណី​ភាគច្រើន វិធី​ងាយស្រួល​បំផុត​ក្នុង​ការដោះស្រាយ​វិវាទ​គឺ​ឱ្យ​អ្នក​ទិញ​និង​អ្នក​លក់​ជជែក​គ្នា សហការ​គ្នា​ដើម្បី​ស្វែងយល់​អំពី​អ្វី​ដែល​បាន​កើតឡើង និង​បង្កើត​បាន​ជា​ដំណោះស្រាយ​ដែល​អាច​ទទួល​យក​បាន។ នៅ​ពេល​អ្នក​ទិញ និង​អ្នក​លក់​មិន​អាច​រក​ដំណោះស្រាយ​ដែល​អាច​ទទួល​យក​បាន ក្រុម​ផ្ដល់​ជំនួយ​របស់ Paxful (“ផ្នែក​ជំនួយ Paxful”) អាច​ជួយ​បាន។ ភាគី​នីមួយៗ​សុទ្ធ​តែ​អាច​ចាប់ផ្ដើម​ដំណើរការ​ដោះស្រាយ​វិវាទ​​សម្រាប់​ប្រតិបត្តិការ (“ប្រតិបត្តិការ​ដែល​ជួប​វិវាទ” ឬ “វិវាទ”) បាន។ វិវាទ​អាច​ត្រូវ​បាន​ចាប់ផ្ដើម​តែ​នៅ​លើ​ប្រតិបត្តិការ​ដែល​អ្នក​ទិញ​សម្គាល់​ថា​បាន​បង់​ពេញលេញ​ប៉ុណ្ណោះ។ ជា​ទូទៅ មិន​អាច​ចាប់ផ្ដើម​វិវាទ ត្រឡប់​វិញ ឬ​ផ្លាស់ប្ដូរ​ប្រតិបត្តិការ​បាន​ឡើយ ប្រសិន​បើ​ប្រតិបត្តិការ​ទាំង​នោះ​មិន​ត្រូវ​បាន​អ្នក​ទិញ​សម្គាល់​ថា​បាន​បង់​ពេញលេញ ឬ​ក៏​ត្រូវ​បាន​អ្នក​ទិញបោះបង់ ត្រូវ​បាន​បោះបង់​ដោយ​ស្វ័យប្រវត្តិ​ដោយសារ​តែ​ផុត​ចន្លោះ​ពេល​ដូច​បាន​កំណត់​នៅ​ក្នុង​ការផ្ដល់ជូន ធ្លាប់​បាន​ជួប​វិវាទ​និង​ដោះស្រាយ​រួច ឬ​មួយ​ក៏​ក្នុង​ករណី​ដែល​អ្នក​លក់​បាន​បញ្ចេញ​ទ្រព្យ​ឌីជីថល​ឱ្យ​អ្នក​ទិញ​រួច។
    2. ដំណើរការ​ដោះស្រាយ​វិវាទ។ ខាង​ក្រោម​នេះ​ជា​ជំហាន​នានា​ដែល​ផ្នែក​ជំនួយ Paxful អនុវត្ត ក្នុង​ករណី​ដែល​មាន​វិវាទ។

      1. ការចាប់ផ្ដើម

        អ្នក​អាច​ចាប់ផ្ដើម​វិវាទ​ដោយ​ចូល​គណនី Paxful របស់​អ្នក បើក​ប្រតិបត្តិការ​ដែល​អ្នក​ចង់​ចាប់ផ្ដើម​វិវាទ និង​ជ្រើសរើស​ប៊ូតុង “វិវាទ”។ ប៊ូតុង “វិវាទ” នឹង​ដំណើរការ​តែ​ក្នុង​ករណី​ដែល​ប្រតិបត្តិការ​ត្រូវ​បាន​សម្គាល់​ថា​បាន​បង់​ពេញលេញ​ដោយ​អ្នក​ទិញ​ប៉ុណ្ណោះ។ បន្ទាប់​ពី​អ្នក​ចាប់ផ្ដើម​វិវាទ អ្នក​នឹង​ជ្រើសរើស​ប្រភេទ​វិវាទ​ពី​ជម្រើស​ដែល​បង្ហាញ​ជូន រួច​រៀបរាប់​អំពី​បញ្ហា​ដែល​នាំ​ឱ្យ​មាន​វិវាទ​របស់​អ្នក។

        ប្រសិន​បើ​អ្នក​ជា​អ្នក​លក់ ជម្រើស​ដែល​បង្ហាញ​ជូន​សម្រាប់​រៀបរាប់​អំពី​វិវាទ​របស់​អ្នក​មាន​ដូច​ខាង​ក្រោម៖

        • អ្នក​ធ្វើ​ឱ្យ​រូបិយបណ្ណ​គ្រីបតូ​ជាប់​ក្នុង​ឃ្លាំង (ឧ. អ្នក​ទិញ​ដែល​មិន​ឆ្លើយតប) – អ្នក​ទិញ​បាន​សម្គាល់​ប្រតិបត្តិការ​ថា​បាន​បង់​ពេញលេញ ប៉ុន្តែ​មិន​ឆ្លើយតប និង​អសកម្ម។
        • បញ្ហា​ក្នុង​ការបង់​ប្រាក់ – អ្នក​ទិញ​សកម្ម និង​បាន​ព្យាយាម​បង់​ប្រាក់ ប៉ុន្តែ​មាន​បញ្ហា​ជាមួយ​ការបង់ប្រាក់។
        • ផ្សេង​ទៀត – ជម្រើស​បើក​ចំហ​ដែល​អ្នក​អាច​រៀបរាប់​អំពី​ប្រភេទ​បញ្ហា​ដែល​នាំ​ឱ្យ​មាន​វិវាទ។ អ្នក​ទិញ​នឹង​អាច​មើល​ការរៀបរាប់​របស់​អ្នក​បាន។

        ប្រសិន​បើ​អ្នក​ជា​អ្នក​ទិញ ជម្រើស​ដែល​បង្ហាញ​ជូន​សម្រាប់​រៀបរាប់​អំពី​វិវាទ​របស់​អ្នក​មាន​ដូច​ខាង​ក្រោម៖

        • អ្នក​លក់​មិន​ឆ្លើយតប – អ្នក​បាន​បង់ប្រាក់ ប៉ុន្តែ​អ្នក​លក់​មិន​ឆ្លើយតប និង​អសកម្ម។
        • បញ្ហា​ក្នុង​ការបង់​ប្រាក់ – អ្នក​បាន​បង់​ប្រាក់ តែ​អ្នក​លក់​អះអាង​ថា មាន​បញ្ហា​ជាមួយ​ការបង់​ប្រាក់​​នោះ និង​បដិសេធ​មិន​ព្រម​បញ្ចេញ​ទ្រព្យ​ឌីជីថល​ឱ្យ។
        • ផ្សេង​ទៀត – ជម្រើស​បើក​ចំហ​ដែល​អ្នក​អាច​រៀបរាប់​អំពី​ប្រភេទ​បញ្ហា​ដែល​នាំ​ឱ្យ​មាន​វិវាទ។ អ្នក​លក់​នឹង​អាច​មើល​ការរៀបរាប់​របស់​អ្នក​បាន។
      2. ការជូន​ដំណឹង

        បន្ទាប់​ពី​វិវាទ​ត្រូវ​បាន​ដាក់​បញ្ជូន ផ្នែក​ជំនួយ Paxful នឹង​ជូន​ដំណឹង​ដល់​ភាគី​ម្ខាង​ទៀត​តាម​អ៊ីមែល និង​ផ្ញើ​សារ​តាម​មុខងារ​ជជែក​អំពី​ប្រតិបត្តិការ​ដែល​អ្នក​ទិញ និង​អ្នក​លក់​អាច​ប្រើ​បាន​នៅ​ក្នុង​ទីផ្សារ ដោយ​ជូន​ដំណឹង​ភាគី​ទទួល​ថា វិវាទ​ត្រូវ​បាន​ចាប់ផ្ដើម។ ប្រសិន​បើ​ប្រតិបត្តិការ​ណា​មួយ​របស់​អ្នក​កំពុង​ជួប​វិវាទ ផ្នែក​ជំនួយ Paxful នឹង​ជម្រាប​អ្នក​អំពី​ប្រតិបត្តិការ​ដែល​កំពុង​ជួប​វិវាទ និង​មូលហេតុ​វិវាទ។

      3. ការឆ្លើយតប

        ពិនិត្យ​មើល​វិវាទ និង​ពន្យល់​ប្រាប់​ផ្នែក​ជំនួយ Paxful អំពី​អ្វី​ដែល​បាន​កើត​ឡើង។ រួម​បញ្ចូល​ភស្តុតាង​ទាំងឡាយ​ដែល​អ្នក​មាន ដើម្បី​គាំទ្រ​ដល់​ការពន្យល់​របស់​អ្នក ដូចជា​ឯកសារ​បញ្ជាក់​ការបង់ ភស្តុតាង​បញ្ជាក់​កម្មសិទ្ធិ ឬ​ភស្តុតាង​ដែល​បង្ហាញ​ថា​អ្នក​បាន ឬ​មិន​បាន​ទទួល​ប្រាក់​បង់។

      4. ការពិនិត្យ​មើល​របស់ Paxful

        ប្រតិបត្តិការ​ដែល​ជួប​វិវាទ​នឹង​ត្រូវ​ផ្នែក​ជំនួយ Paxful ស៊ើប​អង្កេត ហើយ​នឹង​ធ្វើ​ការសម្រេច ដោយ​ផ្អែក​លើ​ភស្តុតាង​ដែល​ភាគី​ទាំង​ពីរ​ផ្ដល់​មក។ ផ្នែក​ជំនួយ Paxful ដោះស្រាយ​វិវាទ​ដោយ​វាយ​តម្លៃ​លើ​កត្តា​ផ្សេងៗ ដូច​មាន​រៀបរាប់​នៅ​ខាង​ក្រោម​នៅ​ក្នុង​ផ្នែក​ទី 8។

    3. ការពិនិត្យ​មើល​វិវាទ។ ក្នុង​ពេល​ពិនិត្យ​មើល​វិវាទ ផ្នែក​ជំនួយ Paxful អាច​ផ្ដល់​ការណែនាំ​ដែល​អ្នក​ចាំបាច់​ត្រូវ​អនុវត្ត​តាម។ ការណែនាំ​ដែល​បាន​ផ្ដល់​ជូន​អ្នក​អាច​តម្រូវ​ឱ្យ​អ្នក​ផ្ដល់​ភស្តុតាង​បន្ថែម ដូចជា​ឯកសារ​ផ្ទៀងផ្ទាត់​អត្តសញ្ញាណ​បន្ថែម ឯកសារ​បញ្ជាក់​ការបង់ ភស្តុតាង​ជា​រូបថត សំឡេង ឬ​វីដេអូ​ណា​មួយ ឬ​មួយ​ក៏​ឯកសារ​ទាំងឡាយ​ផ្សេង​ទៀត​ដែល Paxful គិត​ថា​ពាក់ព័ន្ធ ហើយ​អាច​តម្រូវ​ឱ្យ​អ្នក​ផ្ដល់​ភស្តុតាង​បែប​នោះ​ក្នុង​ចន្លោះ​ពេល​កំណត់​មួយ។ ការមិន​អនុវត្ត​តាម​ការណែនាំ​អាច​នាំ​ឱ្យ​អ្នក​ចាញ់​ប្រៀប ពេល​ដោះស្រាយ​វិវាទ។ ជា​ធម្មតា ផ្នែក​ជំនួយ Paxful នឹង​ជូន​ដំណឹង​អំពី​ការសម្រេច​របស់​ខ្លួន​តាម​មុខងារ​ជជែក​អំពី​ប្រតិបត្តិការ​នៅ​ក្នុង​ទីផ្សារ​ក្នុង​រយៈ​ពេល 30 ថ្ងៃ គិត​ចាប់​ពី​ពេល​ទទួល​បាន​វិវាទ ប៉ុន្តែ​ក្នុង​កាលៈទេសៈ​មួយ​ចំនួន ដំណើរការ​នេះ​អាច​ចំណាយ​ពេល​យូរ​ជាង​នេះ។
    4. ការមិន​ឆ្លើយតប។ នៅ​ពេល​អ្នក​ចូលរួម​ធ្វើ​ប្រតិបត្តិការ អ្នក​ចាំបាច់​ត្រូវ​រក្សា​ភាពសកម្ម និង​ភាពអាច​ទាក់ទង​បាន ចាប់​ពី​ពេល​ដែល​ប្រតិបត្តិការ​ចាប់ផ្ដើម​រហូត​ដល់​ពេល​ប្រតិបត្តិការ​ត្រូវ​បាន​បញ្ចប់ បោះបង់ ឬ​ដោះស្រាយ។ នេះ​មាន​ន័យ​ថា អ្នក​ត្រូវ​តែ​អាច​ឆ្លើយតប​ទៅ​នឹង​សំណើ​ពី​ផ្នែក​ជំនួយ Paxful នៅ​ក្នុង​ប្រតិបត្តិការ​ដែល​ជួប​វិវាទ​ក្នុង​ចន្លោះ​ពេល​ដែល​ផ្នែក​ជំនួយ Paxful បាន​កំណត់។ បើ​មិន​ដូច្នោះ​ទេ អ្នក​អាច​ត្រូវ​បាន​ចាត់​ទុក​ថា​មិន​ឆ្លើយតប ហើយ​អ្នក​អាច​ចាញ់​ប្រៀប ពេល​ដោះស្រាយ​វិវាទ។
    5. ការដក​ហូត​ប្រាក់​វិញ។ អាស្រ័យ​លើ​វិធី​បង់ប្រាក់​ដែល​បាន​ប្រើ​សម្រាប់​ប្រតិបត្តិការ ភាគី​មួយ​អាច​ប្រឈម​នឹង​ហានិភ័យ​បន្ថែម​ទៀត បើ​ទោះបី​ជា​ភាគី​នោះ​មាន​ប្រៀប​ក្នុង​ដំណើរការ​ដោះស្រាយ​វិវាទ​របស់ Paxful ក៏​ដោយ។ ដំណើរការ​ដោះស្រាយ​វិវាទ​ដែល​បាន​ចែង​នៅ​ក្នុង​កិច្ចព្រមព្រៀង​នេះ​គឺ​ដាច់​ដោយ​ឡែក​ពី​ដំណោះស្រាយ​ទាំងឡាយ​ដែល​អ្នក​ទិញ ឬ​អ្នក​លក់​អាច​មាន​តាម​រយៈ​វិធី​បង់ប្រាក់​ដែល​បាន​ប្រើ​សម្រាប់​ប្រតិបត្តិការ។ Paxful មិន​មាន​កាតព្វកិច្ចចាប់ផ្ដើម ឬ​ដោះស្រាយ​ការដក​ហូត​ប្រាក់​វិញ​ទេ និង​មិន​ទទួល​ខុស​ត្រូវ​ឡើយ ប្រសិន​បើ​ភាគី​មួយ​លុបចោល ដក​ហូត​ប្រាក់​វិញ ឬ​ចាប់ផ្ដើម​វិវាទ​ប្រតិបត្តិការ​តាម​មធ្យោបាយ​ដែល​ត្រូវ​បាន​ផ្ដល់ជូន​ដល់​ភាគី​នោះ​តាម​រយៈ​វិធី​បង់ប្រាក់​ដែល​បាន​ប្រើ​ក្នុង​ប្រតិបត្តិការ រួម​ទាំង​ក្រោយ​ពេល​វិវាទ​ត្រូវ​បាន​បិទ។
    6. ការដោះស្រាយ​វិវាទ។ ក្នុង​ករណី​ទូទៅ​បំផុត ប្រតិបត្តិការ​ដែល​ជួប​វិវាទ​ត្រូវ​បាន​ដោះស្រាយ​ដោយ​ផ្នែក​ជំនួយ Paxful ដែល​បញ្ជូន​ទ្រព្យ​ឌីជីថល​ជាប់​វិវាទ​ទៅ​អ្នក​ទិញ ឬ​អ្នក​លក់​ក្នុង​ប្រតិបត្តិការ​ដែល​ជួប​វិវាទ បន្ទាប់​ដំណើរការ​ដោះស្រាយ​វិវាទ​ត្រូវ​បាន​បញ្ចប់។

      ខាង​ក្រោម​នេះ​ជា​ស្ថានភាព​ដែល​បាន​ជ្រើសរើស​ជូន​អ្នក ដើម្បី​ជួយ​ឱ្យ​អ្នក​​យល់​អំពី​របៀប​ដែល Paxful អាច​ដោះស្រាយ​ប្រតិបត្តិការ​ដែល​ជួប​វិវាទ។ នេះ​មិន​មាន​ន័យ​ថា បញ្ជី​នេះ​ពេញលេញ​ទេ។ ដំណោះស្រាយ​វិវាទ​ណា​មួយ​នឹង​រង​ឥទ្ធិពល​ពី​ស្ថានភាព​ពិត​ជាក់លាក់​ក្នុង​វិវាទ​នោះ និង​ភស្តុតាង​ដែល​អ្នក​ប្រើប្រាស់​ផ្ដល់​មក។

      អ្នក​ទិញ​អាច​មាន​ប្រៀប​ក្នុង​ការដោះស្រាយ​វិវាទ​ដោយ​ផ្នែក​ជំនួយ Paxful​ នៅ​ពេល​យ៉ាង​ហោច​ណាស់​លក្ខខណ្ឌ​ណា​មួយ​ដូច​ខាង​ក្រោម​ពិត៖

      • អ្នក​ទិញ​បាន​បង់​ប្រាក់​សម្រាប់​ប្រតិបត្តិការ​តាម​ការណែនាំ​ដើម​ដំបូង​នៃ​ការផ្ដល់ជូន​របស់​អ្នក​លក់ ព្រមទាំង​បាន​ផ្ដល់​ភស្តុតាង​គ្រប់គ្រាន់​ដែល​បញ្ជាក់​ថា ការបង់ប្រាក់​ត្រូវ​បាន​ធ្វើ​ឡើង​តាម​ការណែនាំ​ទាំង​នេះ។ បន្ទាប់​ពី​អ្នក​ទិញ​បាន​បំពេញ​តាម​គ្រប់​លក្ខខណ្ឌ​របស់​អ្នក​លក់​ដែល​បាន​ដាក់​ផ្សាយ​នៅ​ពេល​អ្នក​ទិញ​ទទួល​យក និង​បាន​បង់​ប្រាក់​សម្រាប់​ប្រតិបត្តិការ​ហើយ ការបដិសេធ​មិន​ព្រម​បញ្ចប់​ប្រតិបត្តិការ​របស់​អ្នក​លក់​គឺជា​ការបំពាន​ដល់​កិច្ចព្រមព្រៀង​នេះ។
      • អ្នក​លក់​ប្រែ​ជា​មិន​ឆ្លើយតប និង​មិន​បាន​ផ្ដល់​ការឆ្លើយតប​គ្រប់គ្រាន់​ក្នុង​ចន្លោះ​ពេល​ដែល​ផ្នែក​ជំនួយ Paxful ស្នើសុំ។
      • ប្រាក់​ត្រូវ​បាន​បង់​ឱ្យ​ភាគី​ទី​បី​សម្រាប់​ប្រតិបត្តិការ​ជួញដូរ ឬ​ប្រាក់​ត្រូវ​បាន​បង់​ទៅ​គណនី​ទូទាត់​ប្រាក់​ដែល​មិន​បាន​ចុះឈ្មោះ​ក្នុង​នាម​អ្នក​លក់។

      អ្នក​លក់​អាច​មាន​ប្រៀប​ក្នុង​ការដោះស្រាយ​វិវាទ​ដោយ​ផ្នែក​ជំនួយ Paxful​ នៅ​ពេល​លក្ខខណ្ឌ​ណា​មួយ​ដូច​ខាង​ក្រោម​ពិត៖

      • អ្នក​ទិញ​មិន​បាន​បង់​ប្រាក់ មិន​បាន​ផ្ដល់​ប្រាក់​បង់​ពេញលេញ ឬ​មិន​បាន​ផ្ដល់​ប្រាក់​បង់​សម្រាប់​ប្រតិបត្តិការ​តាម​ការណែនាំ​ដើម​ដំបូង​នៃ​ការផ្ដល់​ជូន​របស់​អ្នក​លក់។
      • ប្រាក់​បង់​ពី​អ្នក​ទិញ​ត្រូវ​បាន​ឃាត់​ទុក ផ្អាក បង្កក ឬ​បញ្ឈប់​ដោយ​ក្រុមហ៊ុន​ផ្ដល់​សេវា​ទូទាត់​ប្រាក់ ឬ​ភាគី​ដំណើរការ​ការទូទាត់​ប្រាក់។ នេះ​រួម​បញ្ចូល​ទាំង​ស្ថានភាព​ដែល​អ្នក​ទិញ​បាន​ដក​ហូត​ប្រាក់​វិញ ឬ​បាន​ចាប់ផ្ដើម​វិវាទ​សម្រាប់​ការបង់ប្រាក់ តាម​រយៈ​ធនាគារ ឬ​អ្នក​ចេញ​បណ្ណ​ទូទាត់​ប្រាក់។
      • អ្នក​ទិញ​ប្រែ​ជា​មិន​ឆ្លើយតប និង​មិន​បាន​ផ្ដល់​ការឆ្លើយតប​គ្រប់គ្រាន់​ក្នុង​ចន្លោះ​ពេល​ដែល​ផ្នែក​ជំនួយ Paxful ស្នើសុំ។
      • ប្រាក់​ត្រូវ​បាន​បង់​ដោយ​ភាគី​ទី​បី​សម្រាប់​ប្រតិបត្តិការ​ជួញដូរ ឬ​ប្រាក់​ត្រូវ​បាន​បង់​ពី​គណនី​ទូទាត់​ប្រាក់​ដែល​មិន​បាន​ចុះឈ្មោះ​ក្នុង​នាម​អ្នក​ទិញ។

      ប្រសិន​បើ​អ្នក​ទិញ ឬ​អ្នក​លក់​នៃ​ប្រតិបត្តិការ​ដែល​ជួប​វិវាទ​ផ្ដល់​ព័ត៌មាន​ក្លែង​បន្លំ​ឬ​ឯកសារ​ក្លែង​បន្លំ ឬ​ធ្វើ​ការអះអាង​មិន​ពិត ឬ​ប្រើ​ល្បិច​បោក​បញ្ឆោត នោះ​វិវាទ​អាច​ត្រូវ​បាន​ដោះស្រាយ​ភ្លាមៗ ដោយ​ឱ្យ​អ្នក​ប្រើប្រាស់​នោះ​ចាញ់​ប្រៀប ហើយ​គណនី​របស់​អ្នក​ប្រើប្រាស់​នោះ​អាចត្រូវ​បាន​ផ្អាក ឬ​បញ្ឈប់​ភ្លាមៗ ផ្អែក​តាម​ការសម្រេច​ទាំងស្រុង​ពី​ផ្នែក​ជំនួយ Paxful។

      ក្នុង​ស្ថានភាព​មួយ​ចំនួន​ដែល​ភាគី​ទាំង​សង​ខាង​សុទ្ធ​តែ​មិន​បំពេញ​តាម​លក្ខខណ្ឌ ឬ​ក៏​ក្នុង​ករណី​ផ្សេង​ទៀត​ដែល​មិន​ច្បាស់ ឬ​មិន​អាច​កំណត់​បាន​ថា ភាគី​ណា​មួយ​បាន​បំពេញ​តាម​លក្ខខណ្ឌ​ក្នុង​ដំណោះស្រាយ​វិវាទ ផ្អែក​តាម​ការវិនិច្ឆ័យ​ទាំងស្រុង និង​ជា​ដាច់ខាត​របស់ Paxful នោះ Paxful អាច​សម្រេច​ដោះស្រាយ​វិវាទ​ដោយ​បែងចែក​ទ្រព្យឌីជីថល​ដែល​ជាប់​វិវាទ​ឱ្យ​អ្នក​ទិញ និង​អ្នក​លក់​ស្មើ​គ្នា ឬ​មិន​ស្មើ​គ្នា។

    7. បណ្ដឹង​តវ៉ា។ ប្រសិន​បើ​អ្នក​ជឿ​ថា Paxful បាន​ដោះស្រាយ​វិវាទ​ក្នុង​លក្ខណៈ​មួយ​ដែល​មិន​អនុលោម​តាម​កិច្ចព្រមព្រៀង​នេះ អ្នក​មាន​សិទ្ធិ​ដាក់​បណ្ដឹង​តវ៉ា។ ដើម្បី​ស្នើសុំ​ប្ដឹង​តវ៉ា អ្នក​ត្រូវ​ជូន​ដំណឹង​មក​ពួកយើង​ជា​លាយលក្ខណ៍​អក្សរ​ភ្លាមៗ ដោយ​ទាក់ទង​មក​ផ្នែក​ជំនួយ​អតិថិជន Paxful មិន​យូរ​ជាង 10 ថ្ងៃ គិត​តាម​ប្រតិទិន បន្ទាប់​ពី​ការជូន​ដំណឹង​អំពី​ការសម្រេច​របស់​ផ្នែក​ជំនួយ Paxful ត្រូវ​បាន​បញ្ជូន​ឱ្យ​អ្នក ហើយ​ផ្ដល់​មក​ពួកយើង​នូវ​ព័ត៌មាន​លម្អិត និង​ភស្តុតាង​គ្រប់គ្រាន់​ដែល​គាំទ្រ​ដល់​ករណី​ស្នើសុំ​របស់​អ្នក។ បណ្ដឹង​តវ៉ា​របស់​អ្នក​គួរ​តែ​បញ្ជាក់​យ៉ាង​ច្បាស់​ថា ផ្អែក​តាម​លក្ខខណ្ឌ​នៃ​កិច្ចព្រមព្រឿង​នេះ អ្នក​ជឿជាក់​ថា Paxful ដោះស្រាយ​វិវាទ​មិន​ត្រឹមត្រូវ​យ៉ាង​ដូចម្ដេច និង​ផ្ដល់​ភស្តុតាង​នៃ​ការសម្រេច​មិន​ត្រឹមត្រូវ​នោះ។

      សូម​ចំណាំ​ថា មិន​ថា​ក្នុង​ដំណើរការ​វិវាទ ឬ​នៅ​គ្រប់​ពេល​ដែល​អ្នក​ប្រើប្រាស់​សេវាកម្ម​របស់​ពួកយើង​ជា​ទូទៅ​ទេ អ្នក​មាន​កាតព្វកិច្ច​ប្រើប្រាស់​ពាក្យពេចន៍​សាមញ្ញ និង​គោរព​អ្នក​ប្រើប្រាស់​ម្ខាង​ទៀត និង​ផ្នែក​ជំនួយ Paxful។ សូម​មើល​ព័ត៌មាន​ទូទៅ​នៅ “ផ្នែក​ទី 13 - ការប្រើប្រាស់​ដែល​ត្រូវ​បាន​ហាមឃាត់”។

    8. ការសម្រេច​ចុង​ក្រោយ។ អ្នក​ទទួល​ស្គាល់ និង​យល់ព្រម​ថា ការសម្រេច​របស់ Paxful ទាក់ទង​នឹង​វិវាទ​មាន​លក្ខណៈ​ដាច់​ស្រេច ចុង​ក្រោយ និង​ចង​កាតព្វកិច្ច​ដូច​បានរៀបរាប់​នៅ​ក្នុង​កិច្ចព្រមព្រៀង​នេះ។ Paxful នឹង​មិន​មាន​ទំនួស​ខុស​ត្រូវ​ចំពោះ​អ្នក​ទិញ និង​អ្នក​លក់​ឡើយ ទាក់ទង​នឹង​ការសម្រេច​របស់​ខ្លួន។
  9. ថ្លៃ​សេវា​សម្រាប់​ការប្រើប្រាស់​សេវាកម្ម PAXFUL

    1. ការបង្កើត​កាបូប​គឺ​ឥត​គិត​ថ្លៃ​ទេ។ Paxful ធ្វើ​ការគិត​ថ្លៃ​ពី​សេវាកម្ម ហើយ​ថ្លៃ​សេវា​ដែល​មាន​នឹង​បង្ហាញ​ឱ្យ​ឃើញ មុន​ពេល​អ្នក​ប្រើប្រាស់​សេវាកម្ម​ណា​មួយ​ដែល​មាន​គិត​ថ្លៃ​សេវា។ សូម​មើល “ថ្លៃ​សេវា Paxful” ដើម្បី​ទទួល​បាន​ព័ត៌មាន​លម្អិត​បន្ថែម។ ថ្លៃ​សេវា​របស់​ពួកយើង​អាច​មាន​ការប្រែប្រួល ហើយ Paxful រក្សា​សិទ្ធិ​ក្នុង​ការកែ​តម្រូវ​តម្លៃ និង​ថ្លៃ​សេវា​របស់​ខ្លួន​នៅ​ពេល​ណា​ក៏​បាន។
  10. គ្មាន​សិទ្ធិ​លុបចោល​ថ្លៃ​រុករក​រ៉ែ​គ្រីបតូ ឬ​សេវាកម្ម​ទេ

    1. ប្រសិន​បើ​អ្នក​ប្រើប្រាស់​សេវាកម្ម​ដែល​មាន​គិត​ថ្លៃ ឬ​អ្នក​ចាប់ផ្ដើម​ប្រតិបត្តិការ​ដែល​មាន​ថ្លៃ​រុករក​រ៉ែ​គ្រីបតូ​តាម​សេវាកម្ម អ្នក​នឹង​មិន​មាន​សិទ្ធិ​ទទួល​បាន​ប្រាក់​បង្វិល​សង ឬ​សំណង​ឡើយ បន្ទាប់​ពី​អ្នក​បាន​បញ្ជាក់​ថា អ្នក​ចង់​បន្ត​ជាមួយ​សេវាកម្ម ឬ​ប្រតិបត្តិការ​នោះ។
  11. ការបញ្ឈប់​សេវាកម្ម

    1. ផ្អែក​តាម​ការសម្រេច​ទាំងស្រុង​របស់​ពួកយើង និង​ដោយ​គ្មាន​ការគិត​ថ្លៃ​ពី​អ្នក ពួកយើង​អាច​កែប្រែ​ឬ​បញ្ឈប់​ចំណែក​ណា​មួយ​នៃ​សេវាកម្ម​របស់​ពួកយើង​ជា​បណ្ដោះ​អាសន្ន ឬ​ជា​អចិន្ត្រៃយ៍​នៅ​ពេល​ណា​ក៏​បាន ដោយ​ជូន​ដំណឹង ឬ​មិន​ជូន​ដំណឹង​ជា​មុន។
  12. ការផ្អាក ឬ​ការបញ្ឈប់​សេវាកម្ម និង​គណនី ការកម្រិត​សិទ្ធិ​ចូល​ប្រើប្រាស់​កាបូប​របស់​អ្នក

    1. ផ្អែក​តាម​ការសម្រេច​ទាំងស្រុង និង​ជា​ដាច់ខាត​របស់​ពួកយើង ពួកយើង​អាច (ក) ផ្អាក ដាក់​កំហិត ឬ​បញ្ឈប់​សិទ្ធិ​ចូល​ប្រើប្រាស់​សេវាកម្ម​ណា​មួយ ឬ​ទាំងអស់​ដោយ​រូប​អ្នក (រួម​ទាំង​ការកម្រិត​សិទ្ធិ​ចូល​ប្រើប្រាស់​កាបូប​របស់​អ្នក) និង/ឬ (ខ) បិទ​ដំណើរការ ឬ​លុបចោល​គណនី​របស់​អ្នក​ភ្លាមៗ និង​ដោយ​គ្មាន​ការជូន​ដំណឹង​ជា​មុន ប្រសិន​បើ៖ (i) ពួកយើង​ត្រូវ​បាន​តម្រូវ​ដោយ​ច្បាប់ ដីកា​កោះ​ហៅ ដីកា​តុលាការ ឬ​ការបញ្ជា​ដោយ​ភ្ជាប់​កាតព្វកិច្ច​ជា​ធរមាន​ពី​អាជ្ញាធរ​រដ្ឋាភិបាល​​ដែល​មើល​ទៅ​មាន​សុពលភាព (ii) ពួកយើង​សង្ស័យ​ដោយ​សម​ហេតុផល​ថា អ្នក​បាន ឬ​អាច​ធ្វើ​សកម្មភាព​ដែល​បំពាន​កិច្ចព្រមព្រៀង​នេះ (iii) ការប្រើប្រាស់​គណនី​របស់​អ្នក​ស្ថិត​ក្រោម​បណ្ដឹង​វិវាទ​ដែល​មិន​ទាន់​សម្រេច ការស៊ើប​អង្កេត ឬ​នីតិ​វិធី​ប្ដឹង​ណា​មួយ​របស់​រដ្ឋាភិបាល និង/ឬ​ពួកយើង​យល់​ឃើញ​ថា សកម្មភាព​គណនី​របស់​អ្នក​មាន​ហានិភ័យ​មិន​អនុលោម​តាម​ច្បាប់ ឬ​បទបញ្ញត្តិ​ខ្ពស់​ឡើង (iv) ដៃគូ​សេវាកម្ម​របស់​ពួកយើង​មិន​អាច​ជួយ​ឱ្យ​ការប្រើប្រាស់​របស់​អ្នក​ដំណើរការ​បាន (v) អ្នក​ធ្វើ​សកម្មភាព​ណា​មួយ​ដែល​ពួកយើង​ចាត់​ទុក​ថា​គេចវេះ​ពី​ការគ្រប់គ្រង និង​នីតិ​វិធី​របស់​ពួកយើង ឬ​មួយ​ក៏ (vi) ពួកយើង​គិត​ថា​ចាំបាច់​ត្រូវ​ធ្វើ​ដូច្នោះ ដើម្បី​ការពារ​ពួកយើង អ្នក​ប្រើប្រាស់​របស់​ពួកយើង (រួម​ទាំង​អ្នក) ឬ​បុគ្គលិក​របស់​ពួកយើង​ឱ្យ​ជៀស​ផុត​ពី​គ្រោះថ្នាក់ ឬ​ការខាត​បង់។ ប្រសិន​បើ​ពួកយើង​ប្រើប្រាស់​សិទ្ធិ​របស់​ពួកយើង ដើម្បី​កម្រិត ឬ​បដិសេធ​មិន​ឱ្យ​អ្នក​​ចូល​ប្រើប្រាស់​សេវាកម្ម ពួកយើង​នឹង​មិន​ទទួល​ខុស​ត្រូវ​លើ​ផល​វិបាក​ទាំងឡាយ​ដែល​អាច​កើត​មាន​ដោយសារ​តែ​ការបដិសេធ​ដែល​មិន​ឱ្យ​អ្នក​ចូល​ប្រើប្រាស់​សេវាកម្ម​ពី​ពួកយើង​ទេ រួម​ទាំង​ការពន្យារ​ពេល ការខូចខាត ឬ​ភាពលំបាក​ដែល​អ្នក​អាច​ទទួល​រង។
    2. ប្រសិន​បើ​ដោយសារ​មូលហេតុ​ណា​មួយ ពួកយើង​ផ្អាក ឬ​បិទ​គណនី​របស់​អ្នក បញ្ឈប់​អ្នក​ពី​ការប្រើប្រាស់​សេវាកម្ម ឬ​កម្រិត​សិទ្ធិ​ចូល​ប្រើប្រាស់​កាបូប​របស់​អ្នក ពួកយើង​នឹង​ព្យាយាយម​ផ្ដល់​ការជូន​ដំណឹង​ដល់​អ្នក​អំពី​សកម្មភាព​របស់​ពួកយើង លើក​លែង​តែ​ដីកា​តុលាការ ឬ​ដំណើរការ​ផ្លូវ​ច្បាប់​ផ្សេង​ទៀត​ហាម​មិន​ឱ្យ​ពួកយើង​ផ្ដល់​ការជូន​ដំណឹង​បែប​នេះ​ដល់​អ្នក។ អ្នក​ទទួល​ស្គាល់​ថា ការសម្រេច​របស់​ពួកយើង​ក្នុង​ការធ្វើ​សកម្មភាព​ជាក់លាក់ ដែល​រួមមាន​ការកម្រិត​សិទ្ធិ​ចូល​ប្រើប្រាស់ ការផ្អាក ឬ​ការបិទ​គណនី​ឬ​កាបូប​របស់​អ្នក​ជាដើម អាច​ផ្អែក​តាម​លក្ខខណ្ឌ​សម្ងាត់​ដែល​មាន​សារៈសំខាន់​សម្រាប់​ការគ្រប់គ្រង​ហានិភ័យ និង​ពិធីការ​សុវត្ថិភាព​របស់​ពួកយើង។ អ្នក​យល់ព្រម​ថា PAXFUL មិន​មាន​កាតព្វកិច្ច​បញ្ចេញ​ព័ត៌មាន​លម្អិត​អំពី​ការគ្រប់គ្រង​ហានិភ័យ និង​នីតិ​វិធី​សុវត្ថិភាព​របស់​ខ្លួន​ដល់​អ្នក​នោះ​ទេ។ ក្នុង​ករណី​ដែល​ពួកយើង​ផ្អាក​គណនី ឬ​សិទ្ធិ​ចូល​ប្រើប្រាស់​កាបូប​របស់​អ្នក បន្ទាប់​ពី​លែង​មាន​ហេតុផល​ត្រូវ​ផ្អាក​ទៀត ពួកយើង​នឹង​ព្យាយាម​ដក​ការផ្អាក​នោះ​វិញ​ឱ្យ​បាន​ឆាប់​បំផុត​តាម​ដែល​អាច​ធ្វើ​បាន ក៏​ប៉ុន្តែ​ពួកយើង​មិន​មាន​កាតព្វកិច្ច​ជូន​ដំណឹង​អ្នក​អំពី​ពេល​វេលា (បើ​មាន) ដែល​ការផ្អាក​នោះ​នឹង​ត្រូវ​បាន​ដក​ចេញ​នោះ​ទេ។
    3. ប្រសិន​បើ​អ្នក​មាន​រក្សា​ទុក​ទ្រព្យ​ឌីជីថល​នៅ​ក្នុង​កាបូប Paxful របស់​អ្នក ហើយ​មិន​មាន​សកម្មភាព​នៅ​ក្នុង​គណនី​របស់​អ្នក​ក្នុង​រយៈ​ពេល​មួយ​ដែល​បាន​កំណត់​ដោយ​ច្បាប់​ជា​ធរមាន ពួកយើង​អាច​ចាំបាច់​ត្រូវ​រាយការណ៍​អំពី​ទ្រព្យ​ឌីជីថល​ដែល​នៅ​សល់​ក្នុង​គណនី​របស់​អ្នក​ថា​ជា​ទ្រព្យ​សម្បត្តិដែល​គ្មាន​អ្នក​ទាមទារ​យក អនុលោម​តាម​ច្បាប់​ស្ដីពី​ទ្រព្យ​ដែល​បាន​បោះបង់​ចោល និង​ការប្រគល់​ទ្រព្យ​ឱ្យ​រដ្ឋ។ បើ​ករណី​នេះ​កើត​ឡើង ពួកយើង​នឹង​ព្យាយាម​ផ្ដល់​ការជូន​ដំណឹង​ជា​លាយលក្ខណ៍​អក្សរ​ដល់​អ្នក​តាម​ភាពសមស្រប។ ប្រសិន​បើ​អ្នក​មិន​ឆ្លើយតប​ទៅ​នឹង​ការជូន​ដំណឹង​នេះ​ក្នុង​រយៈ​ពេល​ប្រាំ​ពីរ (7) ថ្ងៃ​នៃ​ថ្ងៃ​ធ្វើការ គិត​ចាប់​ពី​ពេល​ទទួល​បាន ឬ​ក៏​តាម​ច្បាប់​តម្រូវ​ទេ ពួកយើង​អាច​ចាំបាច់​ត្រូវ​​បញ្ជូន​ទ្រព្យ​ឌីជីថល​បែប​នេះ​ទៅ​យុត្តាធិការ​ដែល​មាន​ជា​ធរមាន ក្នុង​លក្ខណៈ​ជា​ទ្រព្យ​សម្បត្តិ​គ្មាន​អ្នក​ទាមទារ​យក។ ពួកយើង​រក្សា​សិទ្ធិ​ក្នុង​ការដក​យក​ថ្លៃគណនី​អសកម្ម ឬ​ថ្លៃ​រដ្ឋបាល​ផ្សេង​ទៀត​ពី​ទ្រព្យ​ឌីជីថល​ដែល​គ្មាន​អ្នក​ទាមទារ​យក​បែប​នេះ ស្រប​តាម​ការអនុញ្ញាត​ដោយ​ច្បាប់​ជា​ធរមាន។
    4. We reserve the right to reverse internally received Digital Assets to your Paxful Wallet back to the originating account if the owner of the originating account successfully demonstrates that the Digital Assets were transferred to your Paxful Wallet in error, and if there has been no activity in your account for a period of 24 months. If this occurs, we will use reasonable efforts to provide written notice to you. If you fail to respond to any such notice within 14 days, we may be required to reverse Digital Assets to the owner of the originating account.
  13. ការប្រើប្រាស់​ដែល​បាន​ហាមឃាត់

    1. នៅ​ពេល​ចូល​ដំណើរការ ឬ​ប្រើប្រាស់​សេវាកម្ម អ្នក​យល់ព្រម​ថា អ្នក​នឹង​ប្រើប្រាស់​សេវាកម្ម​ដោយ​អនុលោម​តាម​លក្ខខណ្ឌ​នៅ​ក្នុង​កិច្ចព្រមព្រៀង​នេះ (រួម​ទាំង​គោលការណ៍​ឯកជនភាព) និង​មិន​ប្រព្រឹត្ត​អំពើ​ខុស​ច្បាប់​ទេ ហើយ​អ្នក​ទទួល​ខុស​ត្រូវ​ទាំងស្រុង​ចំពោះ​ទង្វើ​របស់​អ្នក ពេល​ប្រើប្រាស់​សេវាកម្ម​របស់​ពួកយើង។ ដោយ​មិន​កម្រិត​លើ​ភាពទូទៅ​នៃ​អ្វី​ដែល​បាន​រៀបរាប់ អ្នក​យល់ព្រម​ថា អ្នក​នឹង​មិន៖
      1. ប្រើប្រាស់​សេវាកម្ម​របស់​ពួកយើង​ក្នុង​លក្ខណៈ​ណា​មួយ​ដែល​អាច​បង្អាក់ រំខាន បង្ក​ផល​អវិជ្ជមាន ឬ​រារាំង​អ្នក​ប្រើប្រាស់​ផ្សេង​ទៀត​មិន​ឱ្យ​រីករាយ​ជាមួយ​សេវាកម្ម​របស់​ពួកយើង​បាន​ពេញលេញ ឬ​មួយ​ក៏​អាច​បង្ខូច បិទ ធ្វើ​ឱ្យ​លើស​បន្ទុក ឬ​ធ្វើ​ឱ្យ​ខូច​មុខងារ​ដំណើរការ​នៃ​សេវាកម្ម​របស់​ពួកយើង មិន​ថា​ក្នុង​លក្ខណៈ​ណា​ក៏​ដោយ;
      2. ចូលរួម​ក្នុង​សកម្មភាព​ដែល​អាច​បំពាន ឬ​ជួយ​ដល់​ការបំពាន​ច្បាប់ នីតិ​ក្រម បទ​បញ្ជា ឬ​បទបញ្ញត្តិ​ណា​មួយ ក៏​ដូចជា​កម្មវិធី​ដាក់​ទណ្ឌកម្ម​ដែល​បាន​អនុវត្ត​នៅ​ក្នុង​ប្រទេស​ដែល​ពួកយើង​ធ្វើ​អាជីវកម្ម​ឬ​ដំណើរការ ឬ​ក៏​ពាក់ព័ន្ធ​នឹង​ផល​កម្រៃ​ពី​សកម្មភាព​ខុស​ច្បាប់​ណា​មួយ; បោះផ្សាយ ចែកចាយ ឬ​ផ្សព្វផ្សាយ​ធនធាន ឬ​ព័ត៌មាន​ខុស​ច្បាប់;
      3. បង្អាក់​ដល់​អ្នក​ប្រើប្រាស់​ផ្សេង​ទៀត​ក្នុង​ការចូល​ដំណើរការ ឬ​ប្រើប្រាស់​សេវាកម្ម​ណា​មួយ​របស់​ពួកយើង; បង្ខូច​កេរ្តិ៍ឈ្មោះ ធ្វើ​ទុក្ខទោស ជំរិត បៀតបៀន ឈ្លប​តាមដាន គំរាមកំហែង ឬ​មួយ​ក៏​រំលោភ​ឬ​បំពាន​សិទ្ធិ​ស្រប​ច្បាប់ (រួម​មាន​ជាអាទិ៍​សិទ្ធិ​ឯកជនភាព ការឃោសនា និង​កម្មសិទ្ធិ​បញ្ញា) របស់​អ្នក​ប្រើប្រាស់​ដទៃ​ទៀត; ញុះញង់ គំរាម​កំហែង សម្រួល ផ្សព្វផ្សាយ ឬ​លើក​ទឹក​ចិត្ត​ឱ្យ​មាន​ការស្អប់ខ្ពើម ការប្រកាន់​ពូជសាសន៍ ឬ​អំពើ​ហិង្សា​លើ​អ្នក​ដទៃ; ចាប់​យក ឬ​ប្រមូល​ព័ត៌មាន​អំពី​អ្នក​ប្រើប្រាស់​ដទៃ​ទៀត​ពី​គេហ​ទំព័រ​របស់​ពួកយើង;
      4. ចូលរួម​ក្នុង​សកម្មភាព​ណា​មួយ​ដើម្បី​បោក​ប្រាស់ បង្ខូច​កេរ្តិ៍​ឈ្មោះ ឬ​បង្ក​ការខូចខាត​ណា​មួយ​ដល់ Paxful ឬ​អ្នក​ប្រើប្រាស់​របស់​ពួកយើង; ឬ​មួយ​ក៏​ផ្ដល់​​មក Paxful ឬ​ទៅ​អ្នក​ប្រើប្រាស់​ផ្សេង​ទៀត (ឬ​ដូច​ដែល​បាន​ផ្ដល់​ជូន​ឬ​ស្នើសុំ​ឱ្យ​ផ្ដល់ជូន​ដោយ​អនុលោម​តាម​កិច្ចព្រមព្រៀង​នេះ) នូវ​ព័ត៌មាន​មិន​ពិត មិន​ត្រឹមត្រូវ បោក​បញ្ឆោត ឬ​នាំ​ឱ្យ​យល់​ខុស​ណា​មួយ​ទាក់ទង​នឹង​សេវាកម្ម​របស់​ពួកយើង;
      5. ចម្លង​មេរោគ, Trojan, Worm, Logic Bomb ឬ​ធាតុ​គ្រោះថ្នាក់​ទាំងឡាយ​ផ្សេង​ទៀត​ទៅ​ក្នុង​សេវាកម្ម; ប្រើប្រាស់​កម្មវិធី​មនុស្ស​យន្ត, Spider, Crawler, Scraper ឬ​មធ្យោបាយ​ដំណើរការ​ស្វ័យប្រវត្តិ​ទាំងឡាយ​ផ្សេង​ទៀត ឬ​ក៏​ផ្ទៃ​ប្រើប្រាស់​ដែល​ពួកយើង​មិន​បាន​ផ្ដល់​ជូន ដើម្បី​ចូល​ប្រើប្រាស់​សេវាកម្ម​របស់​ពួកយើង ឬ​ដើម្បី​ស្រង់​យក​ទិន្នន័យ; ព្យាយាម​គេចវេះ​ពី​បច្ចេកទេស​ត្រង​ខ្លឹមសារ​ទាំងឡាយ​ដែល​ពួកយើង​ប្រើ ឬ​ព្យាយាម​ចូល​ប្រើប្រាស់​សេវាកម្ម​ឬ​ផ្នែក​ណា​មួយ​នៃ​សេវាកម្ម​របស់​ពួកយើង​ដែល​អ្នក​មិន​មាន​សិទ្ធិ​ចូល​ប្រើប្រាស់; ឬ​មួយ​ក៏​ដាក់​នៅ​កន្លែង​ណា​មួយ​ក្នុង​ទីផ្សារ​របស់ Paxful នូវ​ការផ្សាយ​ពាណិជ្ជកម្ម ឬ​ការផ្សព្វផ្សាយ​ណា​មួយ​ដែល​នឹង​សម្រេួល​ដល់​ការទិញ ឬ​លក់​ទ្រព្យ​ឌីជីថល​នៅ​ក្រៅ​សេវាកម្ម​របស់ Paxful;
      6. ចូលរួម​ក្នុង​ប្រតិបត្តិការ​ពាក់ព័ន្ធ​នឹង​គ្រឿង​វត្ថុ​ដែល​បំពាន ឬ​រំលោភ​លើ​ការរក្សា​សិទ្ធិ ពាណិជ្ជ​សញ្ញា សិទ្ធិ​ឃោសនា​ឬ​ឯកជនភាព ឬ​ក៏​សិទ្ធិជា​ម្ចាស់​កម្មសិទ្ធិ​ទាំងឡាយ​ផ្សេង​ទៀត​​ក្រោម​ច្បាប់ ឬ​ធនធាន​ដែល​មាន​អាជ្ញាបណ្ណ​ផ្សេង​ទៀត ដោយ​គ្មាន​ការអនុញ្ញាត​សមស្រប​ពី​ម្ចាស់​កម្មសិទ្ធិ; ប្រើប្រាស់​កម្មសិទ្ធិ​បញ្ញា ឈ្មោះ ឬ​រូប​សញ្ញា​របស់ Paxful រួម​ទាំង​ការប្រើប្រាស់​ពាណិជ្ជ​សញ្ញា ឬ​សញ្ញា​សម្គាល់​សេវា Paxful ដោយ​គ្មាន​ការយល់ព្រម​ជា​លាយលក្ខណ៍​អក្សរ​ពី​ពួកយើង​ជា​មុន ឬ​ក្នុង​លក្ខណៈ​មួយ​ដែល​បង្ក​ការខូចខាត​ដល់ Paxful ឬ​ម៉ាក Paxful; ចូល​រួម​សកម្មភាព​ណា​មួយ​ដែល​បង្ហាញ​ដោយ​ប្រយោល​នូវ​ការគាំទ្រ​ពី ឬ​ការជាប់​សម្ព័ន្ធ​ជាមួយ Paxful ដែល​មិន​ពិត; ឬ​ក៏​អភិវឌ្ឍ​កម្មវិធី​ភាគី​ទី​បី​ដែល​ធ្វើ​អន្តរកម្ម​ជាមួយ​សេវាកម្ម​របស់​ពួកយើង​ដោយ​គ្មាន​ការយល់ព្រម​ជា​លាយលក្ខណ៍​ពី​យើង​ជា​មុន; ឬ​មួយ​ក៏
      7. លើក​ទឹក​ចិត្ត ឬ​បញ្ចុះបញ្ចូល​ភាគី​ណា​មួយ​ឱ្យ​ចូលរួម​ក្នុង​សកម្មភាព​ណា​មួយ​ដែល​ត្រូវ​បាន​ហាម​ឃាត់​នៅ​ក្នុង​ផ្នែក​ទី 13 នេះ។
  14. កម្មសិទ្ធិ​បញ្ញា

    1. ដោយ​អនុលោម​តាម​លក្ខខណ្ឌ​នៅ​ក្នុង​កិច្ចព្រមព្រៀង​នេះ ពួកយើង​ផ្ដល់​ជូន​អ្នក​នូវ​អាជ្ញាបណ្ណ​មាន​កម្រិត​ដែល​មិន​ផ្ដាច់​មុខ និង​មិន​អាច​ផ្ទេរ​បាន ដើម្បី​ចូល​ដំណើរការ និង​ប្រើប្រាស់​សេវាកម្ម គេហ​ទំព័រ និង​ខ្លឹមសារ ធនធាន និង​ព័ត៌មាន​ពាក់ព័ន្ធ (ជា​រួម​ហៅ​ថា “ខ្លឹមសារ”) សម្រាប់​គោល​បំណង​ដែល​ទទួល​បាន​ការយល់ព្រម​ម្ដង​ម្កាល​ពី Paxful តែ​ប៉ុណ្ណោះ។ ការប្រើប្រាស់​គេហ​ទំព័រ ឬ​ខ្លឹមសារ​សម្រាប់​គោល​បំណង​ណា​មួយ​ផ្សេង​ទៀត​ត្រូវ​បាន​ហាមឃាត់​យ៉ាង​ជាក់ច្បាស់ ហើយ​សិទ្ធិ សិទ្ធិ​កម្មសិទ្ធិ និង​ផល​ប្រយោជន៍​ទាំងអស់​ផ្សេង​ទៀតនៅ​ក្នុង​សេវាកម្ម គេហ​ទំព័រ ឬ​ខ្លឹមសារ គឺ​ជា​ទ្រព្យ​​ផ្ដាច់​មុខ​របស់ Paxful។ អ្នក​យល់ព្រម​ថា ប្រសិន​បើ​គ្មាន​ការយល់ព្រម​ជា​លាយលក្ខណ៍​អក្សរ​ពី Paxful ជា​មុន​ទេ អ្នក​នឹង​មិន​ចម្លង បញ្ជូន ចែកចាយ លក់ ផ្ដល់​អាជ្ញាបណ្ណ ធ្វើ​វិស្វកម្ម​បញ្ច្រាស កែប្រែ បោះផ្សាយ ឬ​ចូលរួម​ក្នុ​ការផ្ទេរ​ឬ​លក់ បង្កើត​ស្នាដៃ​ក្លាយ ឬតាម​មធ្យោបាយ​ណា​មួយ​ផ្សេង​ទៀត ​ជញ្ជក់​ផល​ប្រយោជន៍​ពី​ខ្លឹមសារ​ណា​មួយ​ឡើយ មិន​ថា​ទាំង​មូល ឬ​តែ​មួយ​ផ្នែក​នោះ​ទេ។ អ្នក​មិន​ត្រូវ​ចម្លង យក​តម្រាប់​តាម ឬ​ប្រើប្រាស់​ពាណិជ្ជ​សញ្ញា សញ្ញា​ដែល​បាន​ចុះ​បញ្ជី រូប​សញ្ញា ឬ​កម្មសិទ្ធិ​បញ្ញា​ណា​មួយ​របស់ Paxful ដោយ​គ្មាន​ការយល់ព្រម​ជា​លាយលក្ខណ៍​អក្សរ​ពី Paxful ជា​មុន​ទេ។
    2. ថ្វីត្បិត​តែ​ពួកយើង​មាន​បំណង​ផ្ដល់​ជូន​ខ្លឹមសារ​ត្រឹមត្រូវ​ទាន់​ពេល​វេលា​នៅ​លើ​គេហ​ទំព័រ Paxful ក៏​ដោយ ក៏​គេហ​ទំព័រ​របស់​ពួកយើង (រួមមាន​ជាអាទិ៍​ខ្លឹមសារ) អាច​មិន​ត្រឹមត្រូវ មិន​ពេញលេញ ឬ​មិន​មាន​បច្ចុប្បន្នភាព​ទាំងស្រុង​ជានិច្ច​នោះ​ទេ ហើយ​ក៏​អាច​រួម​មាន​ភាពមិន​ត្រឹមត្រូវ​ផ្នែក​បច្ចេកទេស ឬ​កំហុស​វាយ​បញ្ចូល​ផងដែរ។ ដើម្បី​បន្ត​ខិតខំ​ក្នុង​ការផ្ដល់​ជូន​ព័ត៌មាន​ឱ្យ​បាន​ពេញលេញ និង​ត្រឹមត្រូវ​បំផុត​តាម​ដែល​អាច​ធ្វើ​បាន​ដល់​អ្នក ព័ត៌មាន​អាច​ត្រូវ​បាន​ផ្លាស់ប្ដូរ ឬ​ធ្វើ​បច្ចុប្បន្នភាព​ម្ដងម្កាល​ដោយ​គ្មាន​ការជូន​ដំណឹង​ឡើយ រួមមាន​ជាអាទិ៍​ព័ត៌មាន​ទាក់ទង​នឹង​គោលការណ៍ ផលិតផល និង​សេវាកម្ម​របស់​ពួកយើង។ ហេតុ​នេះ​ហើយ អ្នក​គួរ​តែ​ផ្ទៀងផ្ទាត់​ព័ត៌មាន​ទាំងអស់ មុន​ពេល​ពឹងផ្អែក​លើ​វា។ អ្នក​ទទួល​ខុស​ត្រូវ​ទាំង​ស្រុង​លើ​ការសម្រេច​ចិត្ត​ទាំងអស់​ដែល​ផ្អែក​លើ​ព័ត៌មាន​នៅ​លើ​គេហ​ទំព័រ Paxful ហើយ​ពួកយើង​មិន​ទទួល​ខុស​ត្រូវ​លើ​ការ​សម្រេច​ចិត្ត​បែប​នេះ​ឡើយ។ ព័ត៌មាន​ដែល​បាន​ផ្ដល់​ជូន​ដោយ​ភាគី​ទី​បី​គឺ​សម្រាប់​គោល​បំណង​ផ្ដល់​ជា​ព័ត៌មាន​តែ​ប៉ុណ្ណោះ ហើយ Paxful មិន​ធ្វើ​ការបញ្ជាក់ ឬ​ធានា​ចំពោះ​ភាពត្រឹមត្រូវ​នៃ​ព័ត៌មាន​បែប​នេះ​ទេ។ តំណ​ភ្ជាប់​ទៅ​កាន់​ធនធាន​ភាគី​ទី​បី (រួមមាន​ជា​អាទិ៍​គេហ​ទំព័រ) អាច​ត្រូវ​បាន​ផ្ដល់​ជូន​សម្រាប់​បង្ក​ភាពងាយស្រួល ប៉ុន្តែ​មិន​ស្ថិត​ក្រោម​ការគ្រប់គ្រង​របស់​ពួកយើង​ឡើយ។ អ្នក​ទទួល​ស្គាល់ និង​យល់ព្រម​ថា ពួកយើង​មិន​ទទួល​ខុស​ត្រូវ​លើ​ផ្នែក​ណា​មួយ​នៃ​ព័ត៌មាន ខ្លឹមសារ ឬ​សេវាកម្ម​ដែល​មាន​នៅ​ក្នុង​ធនធាន​ទាំងឡាយ​របស់​ភាគី​ទី​បី ឬ​ក៏​លើ​គេហ​ទំព័រ​ភាគី​ទី​បី​ទាំងឡាយ​ដែល​អាច​ចូល​ប្រើប្រាស់​បាន ឬ​តភ្ជាប់​ទៅ​គេហ​ទំព័រ Paxful ឡើយ។
  15. មតិ​កែ​លម្អ និង​ការដាក់​បញ្ជូន​របស់​អ្នក​ប្រើប្រាស់

    1. Paxful តែងតែ​ស្វែងរក​វិធី​កែ​លម្អ​គេហ​ទំព័រ និង​សេវាកម្ម​របស់​ខ្លួន។ ប្រសិន​បើ​មាន​គំនិត ឬ​យោបល់​ទាក់ទង​នឹង​ការកែ​លម្អ ឬ​ការបន្ថែម​លើ​គេហ​ទំព័រ ឬ​សេវាកម្ម​របស់ Paxful នោះ Paxful ចង់​ស្ដាប់​ឮ​ពី​អ្នក។ ទោះបី​ជា​យ៉ាង​ណា​ក៏​ដោយ ការដាក់​បញ្ជូន​ទាំងឡាយ​នឹង​ស្ថិត​ក្រោម​លក្ខខណ្ឌ​នៅ​ក្នុងកិច្ចព្រមព្រៀង​នេះ។
    2. ទោះ​ក្នុង​កាលៈទេសៈ​ណា​ក៏​ដោយ ក៏​មិន​មាន​ន័យ​ថា គ្រប់​ការបញ្ចេញ​គំនិត ឬ​មតិ​កែ​លម្អ​ណា​មួយ ឬ​ក៏​ធនធាន​ពាក់ព័ន្ធ​ណា​មួយ​ទៅ​ដល់ Paxful ឬ​បុត្រ​សម្ព័ន្ធ ក្រុមហ៊ុន​មេ ឬ​ក្រុមហ៊ុន​សម្ព័ន្ធ​ញាតិ​ទាំងឡាយ​របស់ Paxful ឬ​ក៏​មន្ត្រី នាយក អ្នក​គ្រប់គ្រង សមាជិក អ្នក​ចូល​ហ៊ុន បុគ្គលិក និង​ភ្នាក់ងាណា​ម្នាក់​រ​បស់​ពួកគេ ឬ​អ្នក​ស្នង​មរតក អ្នក​បន្ត​វេន តំណាង និង​អ្នក​ទទួល​ការចាត់តាំង​ណា​ម្នាក់​របស់​បុគ្គល​ទាំង​នេះ (តែ​ឯង​ហៅ​ថា “ភាគី Paxful” និង​ជា​រួម​ហៅ​ថា “បណ្ដា​ភាគី Paxful”) តម្រូវ​ឱ្យ​មាន​កាតព្វកិច្ច​ណា​មួយ​ក្នុង​ការរក្សា​ការសម្ងាត់ ឬ​ការរំពឹង​ត្រូវ​ផ្ដល់​ប្រាក់​តបស្នង​ដែរ។
    3. តាម​រយៈ​ការដាក់​បញ្ជូន​គំនិត ឬ​មតិ​កែ​លម្អ ឬ​ធនធាន​ពាក់ព័ន្ធ​ណា​មួយ​ដែល​នឹង​ស្ថិត​ក្រោម​កម្មសិទ្ធិ​បញ្ញា (“ស្នាដៃ”) ដល់ Paxful ឬ​ភាគី Paxful ណា​មួយ មាន​ន័យ​ថា ចំពោះ​ស្នាដៃ​ដែល​បាន​ដាក់​បញ្ជូន អ្នក​ផ្ដល់​ជូន Paxful នូវ​អាជ្ញាបណ្ណ​មិន​ផ្ដាច់​មុខ អចិន្ត្រៃយ៍ គ្មាន​សួយសារ​ជា​លក្ខណៈ​សកល ដើម្បី​ប្រើប្រាស់​ខ្លឹមសារ​ទាំងអស់​នៃ​គំនិត និង​មតិ​កែ​លម្អ​បែប​នេះ​សម្រាប់​គោល​បំណង​ណា​ក៏​បាន។ លើស​ពី​នេះ ស្រប​តាម​ការអនុញ្ញាត​ជា​អតិបរមា​នៃ​ច្បាប់​សហរដ្ឋ​អាមេរិក អ្នក​កំពុង​លះបង់​សិទ្ធិ​សីលធម៌​ទាំងឡាយ​ដែល​អ្នក​អាច​មាន​ចំពោះ​ស្នាដៃ​នេះ ព្រមទាំង​កំពុង​បញ្ជាក់​និង​ធានា​ចំពោះ​ភាគី Paxful នោះ​ថា ស្នាដៃ​នេះ​កើត​ចេញ​ពី​អ្នក​ទាំងស្រុង ដោយ​គ្មាននរណា​ផ្សេង​ទៀត​ដែល​មាន​សិទ្ធិ​ណា​មួយ​ចំពោះ​ស្នាដៃ​នេះ​ឡើយ ហើយ​ប្រសិន​បើ​ចង់ បណ្ដា​ភាគី Paxful ទាំងអស់​អាច​ប្រើប្រាស់​ស្នាដៃ និង​ធនធាន​ពាក់ព័ន្ធ​ដូច​ដែល​បាន​ផ្ដល់​មក ឬ​ដូច​ដែល​បាន​កែប្រែ​ដោយ​ភាគី Paxful ណា​មួយ ដោយ​គ្មាន​សួយសារ និង​មិន​ចាំបាច់​ទទួល​បាន​ការអនុញ្ញាត ឬ​អាជ្ញាបណ្ណ​ពី​ភាគី​ទី​បី​ណា​មួយ​ឡើយ។
    4. អ្នក​យល់ព្រម​បន្ថែម​ទៀត​ថា Paxful អាច​ផ្ដល់​អាជ្ញាបណ្ណ​បន្ត​ឱ្យ​បណ្ដា​ភាគី Paxful ទាំងឡាយ ដើម្បី​ប្រើប្រាស់​ស្នាដៃ និង​ធនធាន​ណា​មួយ​ដែល​អ្នក​បាន​ដាក់​បញ្ជូន​មក​ក្នុង​លក្ខណៈ​ណា​ក៏​បាន។
    5. ពួកយើង​មាន​សិទ្ធិ​លុប​ការដាក់​ផ្សាយ​ណា​មួយ​របស់​អ្នក​នៅ​លើ​គេហ​ទំព័រ ដោយ​ផ្អែក​តាម​ការសម្រេច​ជា​ដាច់ខាត​របស់​ពួកយើង ដោយ​មិន​ចាំបាច់​ជូន​ដំណឹង ឬ​ផ្ដល់​ហេតុផល​ទេ។
  16. របៀប​ទាក់ទង​មក​ពួកយើង

    ពួកយើង​សូម​ណែនាំ​ឱ្យ​អ្នក​ចូល​ទៅ​កាន់​ទំព័រ​សំណួរ​ដែល​គេ​សួរ​ញឹកញាប់​របស់​ពួកយើង មុន​ពេល​ទាក់ទង​មក​ពួកយើង។ ក្នុង​ករណី​ដែល​ទំព័រ​សំណួរ​ដែល​គេ​សួរ​ញឹកញាប់​មិន​មាន​ព័ត៌មាន​ដែល​អ្នក​កំពុង​ស្វែងរក​ទេ Paxful ផ្ដល់​ជំនួយ​ពេញ 24/7។ អ្នក​អាច​ទាក់ទង​មក​ពួកយើង​តាម​រយៈ​ធាតុ​ក្រាហ្វិក​សម្រាប់​ជំនួយ​របស់​ពួកយើង​ដែល​ស្ថិត​នៅ​លើ​ទំព័រ​សំណួរ​ដែល​គេ​សួរ​ញឹកញាប់។

  17. ប្រធានសក្តិ

    1. ពួកយើង​នឹង​មិន​ទទួល​ខុស​ត្រូវ​ចំពោះ​ការពន្យារ​ពេល ការមិន​ដំណើរការ ឬ​ការរាំងស្ទះ​ដល់​សេវាកម្ម​ដែល​បណ្ដាល​មក​ពី​ដើម​ហេតុ ឬ​ស្ថានភាព​ណា​មួយ​ដោយ​ផ្ទាល់ ឬ​ដោយ​ប្រយោល ដែល​ហួស​ពី​សមត្ថភាព​គ្រប់គ្រង​សមហេតុផល​របស់​ពួកយើង​ទេ រួមមាន​ជាអាទិ៍​បម្រែបម្រែល​ទីផ្សារ​ធ្ងន់ធ្ងរ ការពន្យារ​ពេល​ឬ​ការខកខាន​ទាំងឡាយ​ដោយសារ​តែ​គ្រោះ​ធម្មជាតិ​ណា​មួយ សកម្មភាព​អាជ្ញាធរ​ស៊ីវិល​ឬ​យោធា សកម្មភាព​ភេរវជន វិបត្តិ​ស៊ីវិល សង្គ្រាម កូដកម្ម​ឬ​ជម្លោះ​ពលកម្ម​ផ្សេង​ទៀត អគ្គិភ័យ ភាពរអាក់រអួល​នៃ​សេវា​ទូរគមនាគមន៍ សេវា​អ៊ីនធឺណិត ឬ​ក៏​សេវា​ពី​ក្រុមហ៊ុន​ផ្ដល់​សេវា​បណ្ដាញ ការខូច​គ្រឿង​សម្ភារ​និង/ឬ​កម្មវិធី គ្រោះ​មហន្តរាយ​ផ្សេង​ទៀត ឬ​ហេតុការណ៍​ណា​មួយ​ផ្សេង​ទៀត​ដែល​ហួស​ពី​សមត្ថភាព​គ្រប់គ្រង​សម​ហេតុផល​របស់​ពួកយើង ហើយ​នឹង​មិន​ប៉ះពាល់​ដល់​សុពលភាព និង​ភាពអាច​អនុវត្ត​បាន​នៃ​បទ​បញ្ញត្តិ​ទាំងឡាយ​ផ្សេង​ទៀត​ទេ។
  18. ចរិត​លក្ខណៈ​នៃ​កិច្ចព្រមព្រៀង

    1. កិច្ចព្រមព្រៀង​នេះ​បង្កើត​ជា​ការព្រមព្រៀង​ទាំងមូល​រវាង​អ្នក និង Paxful ទាក់ទង​នឹង​ប្រធានបទ​នៃ​លក្ខខណ្ឌ​នៅ​ក្នុង​កិច្ចព្រមព្រៀង​នេះ ហើយ​កិច្ចព្រមព្រៀង​នេះលុបចោល ឬ​ជំនួស​ឱ្យ​ការយោគយល់​គ្នា និង​កិច្ចព្រមព្រៀង​មុនៗ​ទាំងឡាយ​រវាង​អ្នក និង Paxful ពាក់ព័ន្ធ​នឹង​ប្រធាន​បទ​នេះ។ អ្នក​មិន​អាច​ផ្ទេរ​សិទ្ធិ ឬ​កាតព្វកិច្ច​ណា​មួយ​របស់​អ្នក​ក្រោម​កិច្ចព្រមព្រៀង​នេះ ដោយ​គ្មាន​ការយល់ព្រម​ជា​លាយលក្ខណ៍​អក្សរ​របស់​ពួកយើង​ជា​មុន​ទេ។