ការជូនដំណឹងអំពីឯកជនភាព Paxful, Inc.
Paxful, Inc. (ឬហៅបានថា “Paxful” “ពួកយើង” ឬ “របស់ពួកយើង”) ចាត់វិធានការការពារឯកជនភាពរបស់អ្នក។ នៅក្នុងការជូនដំណឹងអំពីឯកជនភាពនេះ (“ការជូនដំណឹង”) ពួកយើងពណ៌នាប្រភេទព័ត៌មានផ្ទាល់ខ្លួនដែលពួកយើងអាចប្រមូលយកពីអ្នក ទាក់ទិននឹងការប្រើប្រាស់គេហទំព័ររបស់ពួកយើងដោយរូបអ្នក ដែលរួមមានជាអាទិ៍ https://paxful.com/, កាបូប Paxful, ប្រព័ន្ធជួញដូរ Bitcoin លើអ៊ីនធឺណិត, កម្មវិធីឧបករណ៍ចល័ត, ទំព័របណ្ដាញសង្គម ឬទ្រព្យលើអ៊ីនធឺណិតផ្សេងទៀតរបស់ពួកយើង (ជារួមហៅថា “គេហទំព័រ”) ឬក៏នៅពេលអ្នកប្រើប្រាស់ផលិតផល សេវាកម្ម ខ្លឹមសារ លក្ខណៈពិសេស បច្ចេកវិទ្យា ឬមុខងារណាមួយដែលពួកយើងផ្ដល់ជូន (ជារួមហៅថា “សេវាកម្ម”)។
ការជូនដំណឹងនេះត្រូវបានបង្កើតឡើង ដើម្បីជួយឱ្យអ្នកទទួលបានព័ត៌មានអំពីការអនុវត្តឯកជនភាពរបស់ពួកយើង និងដើម្បីជួយឱ្យអ្នកយល់ដឹងអំពីជម្រើសឯកជនភាពរបស់អ្នក នៅពេលអ្នកប្រើប្រាស់គេហទំព័រ និងសេវាកម្មរបស់ពួកយើង។ សូមចំណាំថា ការផ្ដល់ជូនសេវាកម្មរបស់ពួកយើងអាចមានភាពខុសៗគ្នាទៅតាមតំបន់។
កំណែភាសាអង់គ្លេសនៃការជូនដំណឹងអំពីឯកជនភាពនេះនឹងដើរតួជាលិខិតតុបករណ៍ដើមដែលយកជាគោលសម្រាប់គ្រប់គោលបំណង។ ក្នុងករណីដែលមានចំណុចខុសគ្នាណាមួយរវាងកំណែភាសាអង់គ្លេសនៃការជូនដំណឹងអំពីឯកជនភាពនេះ និងការបកប្រែតាមក្រោយទាំងឡាយទៅជាភាសាណាមួយផ្សេងទៀត កំណែភាសាអង់គ្លេសនឹងធ្វើការគ្រប់គ្រង និងត្រូវយកជាគោល។
ព័ត៌មានផ្ទាល់ខ្លួនដែលពួកយើងប្រមូលយក
ពួកយើងប្រមូលយកព័ត៌មានដែលទាក់ទងនឹងអ្នក (“ទិន្នន័យផ្ទាល់ខ្លួន”) នៅពេលអ្នកប្រើប្រាស់គេហទំព័រនេះ សេវាកម្មរបស់ពួកយើង ឬនៅក្នុងបរិបទនៃទំនាក់ទំនងរបស់ពួកយើងជាមួយអ្នក។ ប្រភេទទិន្នន័យផ្ទាល់ខ្លួនដែលពួកយើងអាចទទួលបានពីអ្នក អាចរួមមាន៖
ទិន្នន័យជីវប្រវត្តិ ដែលរួមមាន៖
- ឈ្មោះ
- អាសយដ្ឋានអ៊ីមែល
- លេខទូរសព្ទ
- ប្រទេស
- អាសយដ្ឋានពេញលេញ
- ថ្ងៃខែឆ្នាំកំណើត
ព័ត៌មានលម្អិតអំពីគណនី Paxful ដែលរួមមាន៖
- ឈ្មោះអ្នកប្រើប្រាស់
- ព័ត៌មានក្នុងកម្រងព័ត៌មានអ្នកប្រើប្រាស់នៅផ្នែក “ជីវប្រវត្តិ”
- រូបកម្រងព័ត៌មាន
- កាលបរិច្ឆេទចូលរួម
- រូបិយបណ្ណលំនាំដើម
- ល្វែងម៉ោង
- ភាសាលំនាំដើម
សកម្មភាពគណនី Paxful ដែលរួមមាន៖
- សារជជែកអំពីការជួញដូរ (ដែលអាចមានព័ត៌មានហិរញ្ញវត្ថុ ប្រសិនបើអ្នកផ្ដល់ឱ្យអ្នកលក់)
- ឯកសារភ្ជាប់ក្នុងការជជែកអំពីការជួញដូរ
- សកម្មភាពជួញដូរ
- ប្រវត្តិប្រតិបត្តិការ
- ឈ្មោះសម្ព័ន្ធ
- លេខកូដសម្ព័ន្ធ
- តំណសម្ព័ន្ធ
- ប្រតិបត្តិការសម្ព័ន្ធ
- ការផ្ដល់ជូនដែលបានបង្កើត
- លក្ខខណ្ឌផ្ដល់ជូន
- ការណែនាំអំពីការជួញដូរ
- ការជូនដំណឹងអំពីគណនី
- ស្ថានភាពគណនី
ទិន្នន័យទាក់ទិននឹងកាបូបទ្រព្យឌីជីថលរបស់អ្នក ដែលរួមមាន៖
- កូនសោឯកជន
- កូនសោសាធារណៈ
- សមតុល្យកាបូប
- ប្រតិបត្តិការដែលបានទទួល
- ប្រតិបត្តិការដែលបានផ្ញើ
ទិន្នន័យដែលបានប្រមូលទាក់ទិននឹងអនុលោមភាពនៃ “ការស្គាល់អត្តសញ្ញាណអតិថិជន” (KYC) ដែលរួមមាន៖
- ឯកសារសម្គាល់ខ្លួនដែលចេញដោយរដ្ឋាភិបាល
- ឯកសារបញ្ជាក់អាសយដ្ឋាន
- រូបថត ប្រសិនបើអ្នកជ្រើសរើសថាផ្ដល់មកពួកយើង នៅពេលពួកយើងស្នើ
- វីដេអូ ប្រសិនបើអ្នកជ្រើសរើសថាផ្ដល់មកពួកយើង នៅពេលពួកយើងស្នើ
ទិន្នន័យប្រើប្រាស់ឧបករណ៍ និងគេហទំព័រ ដែលរួមមាន៖
- អាសយដ្ឋាន IP
- លេខកូដឃុកឃី និង/ឬលេខកូដឧបករណ៍ផ្សេងទៀត
- ព័ត៌មានទាក់ទិននឹងការចូលប្រើប្រាស់គេហទំព័រនេះដោយរូបអ្នក ដូចជាសេចក្ដីលម្អិតអំពីឧបករណ៍ កាលបរិច្ឆេទ និងម៉ោងជាដើម
- ចំណូលចិត្តភាសា
- ព័ត៌មានទាក់ទងនឹងសកម្មភាពដែលបានធ្វើ ពេលប្រើប្រាស់គេហទំព័រនេះ
Mobile application usage data, including:
- Session data: IP address, version of the operating system, brand and model of the device, unique identifiers of the device, browser used, information about the time the Application was accessed, name and parameters of the network connection.
- Information about applications installed on the User’s device (metadata from applications): application name, application identifier and version, device identifier and checksum. Detecting malicious apps and protecting users from fraud are the main reasons for collecting information about installed apps.
- Information on actions taken while using the mobile application
- Crash and application errors diagnostics data
របៀបដែលពួកយើងប្រើប្រាស់ទិន្នន័យរបស់អ្នក
គោលបំណងអាជីវកម្មរបស់ពួកយើងក្នុងការប្រមូលយក ប្រើប្រាស់ បន្តរក្សាទុក និងចែករំលែកទិន្នន័យផ្ទាល់ខ្លួនរបស់អ្នកអាចរួមមាន៖
- ដើម្បីផ្ដល់សេវាកម្មតាមរយៈការដំណើរការគេហទំព័រនេះសម្រាប់ករណីដូចជា៖
- ចុះឈ្មោះ បង្កើត និងរក្សាគណនីរបស់អ្នក
- ផ្ទៀងផ្ទាត់អត្តសញ្ញាណរបស់អ្នក និង/ឬការចូលប្រើប្រាស់គណនីរបស់អ្នក ឬជួយអ្នកលក់ក្នុងការផ្ទៀងផ្ទាត់អត្តសញ្ញាណរបស់អ្នក
- ចាប់ផ្ដើម សម្រួល ដំណើរការ និង/ឬធ្វើប្រតិបត្តិការ
- ទាក់ទងជាមួយអ្នកទាក់ទងនឹងគណនីរបស់អ្នក ឬសេវាកម្មទាំងឡាយដែលអ្នកប្រើ
- ធ្វើការពិនិត្យមើលភាពគួរជឿទុកចិត្តបាន, KYC ឬការពិនិត្យមើលស្រដៀងគ្នាផ្សេងៗទៀត
- វាយតម្លៃពាក្យសុំ ឬ
- ប្រៀបធៀបព័ត៌មានដើម្បីផ្ទៀងផ្ទាត់ និងបញ្ជាក់ភាពត្រឹមត្រូវ។
- ដើម្បីគ្រប់គ្រងហានិភ័យនិងការពារអ្នក អ្នកដទៃ ព្រមទាំងគេហទំព័រ និងសេវាកម្ម។
- ដើម្បីផ្ដល់បទពិសោធន៍ប្រើប្រាស់ស្របតាមអ្នក និងចំណូលចិត្តរបស់អ្នក។
- ដើម្បីយល់ដឹងអំពីអតិថិជន រួមជាមួយរបៀបដែលពួកគេប្រើប្រាស់ និងធ្វើអន្តរកម្មជាមួយគេហទំព័រនិងសេវាកម្មបានកាន់តែប្រសើរ។
- ដើម្បីធ្វើទីផ្សារទៅអ្នក។
- ដើម្បីផ្ដល់សេវាកម្ម ធ្វើការផ្ដល់ជូន និងផ្ដល់ការផ្សព្វផ្សាយដែលស្របតាមអ្នកនៅលើគេហទំព័ររបស់ពួកយើង និងគេហទំព័រភាគីទីបី។
- ដើម្បីផ្ដល់ឱ្យអ្នកនូវជម្រើស មុខងារ និងការផ្ដល់ជូនផ្អែកតាមទីតាំង។
- ដើម្បីអនុវត្តតាមគោលការណ៍ និងកាតព្វកិច្ចរបស់ពួកយើង ដែលរួមមានជាអាទិ៍ការបញ្ចេញព័ត៌មាន និងការឆ្លើយតបទៅនឹងសំណើទាំងឡាយពីអាជ្ញាធរអនុវត្តច្បាប់និង/ឬនិយតករ ដោយអនុលោមតាមច្បាប់ វិធាន បទបញ្ញត្តិ ដីកាតុលាការឬបញ្ជារដ្ឋាភិបាល អាជ្ញាធរនិយតកម្មរបស់ដែនដីដែលមានសមត្ថកិច្ច សំណើសុំបង្ហាញព័ត៌មាន ឬដំណើរការច្បាប់ស្រដៀងគ្នាដែលពាក់ព័ន្ធ។
- ដើម្បីដោះស្រាយវិវាទ ប្រមូលថ្លៃសេវា ឬដោះស្រាយបញ្ហា។
- ដើម្បីផ្ដល់សេវាកម្មអតិថិជនដល់អ្នក ឬក៏ប្រាស្រ័យទាក់ទងជាមួយអ្នក។
- ដើម្បីគ្រប់គ្រងអាជីវកម្មរបស់ពួកយើង។
ពួកយើងក៏អាចដំណើរការទិន្នន័យផ្ទាល់ខ្លួនក្នុងគោលបំណងផ្សេងៗទៀតផងដែរ ដោយផ្អែកលើការយល់ព្រមរបស់អ្នក នៅពេលទាមទារដោយច្បាប់ជាធរមាន។
ប្រភពនៃទិន្នន័យផ្ទាល់ខ្លួនដែលពួកយើងប្រមូលយក
ពួកយើងប្រមូលទិន្នន័យផ្ទាល់ខ្លួនពីប្រភពមួយចំនួន ដែលរួមមាន
- ពីអ្នកផ្ទាល់៖ ពួកយើងប្រមូលទិន្នន័យផ្ទាល់ខ្លួនពីអ្នកផ្ទាល់ នៅពេលអ្នកប្រើប្រាស់គេហទំព័រ ឬសេវាកម្មរបស់ពួកយើង ទាក់ទងជាមួយពួកយើង ឬឆ្លើយឆ្លងជាមួយពួកយើងដោយផ្ទាល់។
- ពីក្រុមហ៊ុនផ្ដល់សេវា និង/ឬស្ថាប័នដំណើរការទិន្នន័យដែលជួយពួកយើងក្នុងការផ្ដល់ជូនគេហទំព័រ ឬសេវាកម្ម៖ ពួកយើងអាចជួលក្រុមហ៊ុនផ្ដល់សេវាធ្វើការក្រោមការណែនាំរបស់ពួកយើង និងតាងនាមឱ្យពួកយើង ដើម្បីជួយសម្រួលដល់បទពិសោធន៍របស់អ្នកក្នុងការប្រើប្រាស់គេហទំព័រ ឬសេវាកម្ម។ ក្រុមហ៊ុនផ្ដល់សេវាទាំងនេះអាចប្រមូលព័ត៌មានអំពីអ្នក និងផ្ដល់ព័ត៌មាននេះមកពួកយើង។
- ពីអ្នកប្រើប្រាស់ផ្សេងទៀតនៅលើគេហទំព័រ Paxful ឬពីសម្ព័ន្ធញាតិដែលបានរួមបញ្ចូលជាមួយគេហទំព័រ ឬសេវាកម្ម Paxful៖ អ្នកប្រើប្រាស់ផ្សេងទៀតអាចផ្ដល់ព័ត៌មានអំពីអ្នកមកពួកយើង ទាក់ទងនឹងប្រតិបត្តិការ ឬការជជែក។ សម្ព័ន្ធញាតិក៏អាចផ្ដល់ព័ត៌មានមកពួកយើងអំពីអ្នកដែរ ទាក់ទងនឹងការឆ្លើយឆ្លង ឬប្រតិបត្តិការរបស់អ្នកជាមួយសម្ព័ន្ធញាតិទាំងនេះ។
- ពីភាគីទីបីដែលអាចជួយពួកយើងផ្ទៀងផ្ទាត់អត្តសញ្ញាណ ទប់ស្កាត់ការក្លែងបន្លំ និងការពារសុវត្ថិភាពប្រតិបត្តិការ។
- ពីភាគីទីបីដែលអាចជួយពួកយើងវាយតម្លៃលើភាពគួរជឿទុកចិត្តបាន ឬស្ថានភាពហិរញ្ញវត្ថុរបស់អ្នក។
- ពីភាគីទីបីដែលអាចជួយពួកយើងវិភាគទិន្នន័យផ្ទាល់ខ្លួន កែលម្អគេហទំព័រឬសេវាកម្មឬក៏បទពិសោធន៍របស់អ្នកលើនោះ ធ្វើទីផ្សារផលិតផលឬសេវាកម្ម ឬមួយក៏ផ្សព្វផ្សាយនិងធ្វើការផ្ដល់ជូនពិសេសដល់អ្នក។
- ពីប្រព័ន្ធបណ្ដាញសង្គម ប្រសិនបើអ្នកធ្វើអន្តរកម្មជាមួយពួកយើងតាមបណ្ដាញសង្គម។
របៀបដែលពួកយើងចែករំលែកទិន្នន័យ
ក្រោមកាលៈទេសៈជាក់លាក់ ពួកយើងអាចបង្ហាញទិន្នន័យផ្ទាល់ខ្លួនជាក់លាក់ដល់បុគ្គលផ្សេងទៀត។ ប្រភេទបុគ្គលដែលពួកយើងអាចចែករំលែកទិន្នន័យផ្ទាល់ខ្លួនជាមួយ រួមមាន៖
- ក្រុមហ៊ុនផ្ដល់សេវា និង/ឬស្ថាប័នដំណើរការទិន្នន័យ៖ ពួកយើងអាចចែករំលែកទិន្នន័យផ្ទាល់ខ្លួនជាមួយក្រុមហ៊ុនផ្ដល់សេវាជាភាគីទីបីដែលបម្រើសេវា និងបំពេញតួនាទីក្រោមការណែនាំរបស់ពួកយើង និងតាងនាមឱ្យពួកយើង។ ឧទាហរណ៍ ក្រុមហ៊ុនផ្ដល់សេវាជាភាគីទីបីទាំងនេះអាចផ្ដល់ជូនសេវាកម្មដល់អ្នក ផ្ទៀងផ្ទាត់អត្តសញ្ញាណរបស់អ្នក ជួយដំណើរការប្រតិបត្តិការ ធ្វើការផ្សាយពាណិជ្ជកម្មអំពីផលិតផលនិងសេវាកម្មរបស់ពួកយើងទៅអ្នក ឬក៏ផ្ដល់ជំនួយអតិថិជន។
- ភាគីផ្សេងទៀតក្នុងប្រតិបត្តិការ ដូចជាអ្នកលក់ជាដើម៖ ពួកយើងអាចចែករំលែកព័ត៌មានជាមួយអ្នកចូលរួមផ្សេងទៀតក្នុងប្រតិបត្តិការជួញដូររបស់អ្នក រួមទាំងអ្នកប្រើប្រាស់ផ្សេងទៀតដែលមានទ្រព្យឌីជីថលសម្រាប់ឱ្យអ្នកទិញ។
- ស្ថាប័នហិរញ្ញវត្ថុ និងក្រុមហ៊ុនផ្សេងទៀតដែលចូលរួមជួយអ្នកក្នុងការបង់ប្រាក់សម្រាប់ប្រតិបត្តិការ
- សម្ព័ន្ធញាតិដែលទទួលបានការណែនាំបន្តពីគេហទំព័ររបស់ពួកយើង
- ភាគីទីបីផ្សេងទៀតសម្រាប់គោលបំណងអាជីវកម្មរបស់ពួកយើង ឬក៏ដូចដែលអនុញ្ញាតឬតម្រូវដោយច្បាប់ ដូចជា៖
- ដើម្បីអនុវត្តតាមកាតព្វកិច្ចផ្លូវច្បាប់ បទបញ្ញត្តិ ឬកិច្ចសន្យា ឬក៏តាមដំណើរការផ្លូវច្បាប់ ឬបទញ្ញត្តិ (ដូចជាដីកាបង្គាប់ ឬដីកាកោះហៅរបស់តុលាការដែលមានសុពលភាពជាដើម)
- ដើម្បីបង្កើត អនុវត្ត ឬការពារការទាមទារស្របច្បាប់
- ជាការឆ្លើយតបទៅនឹងសំណើពីទីភ្នាក់ងាររដ្ឋាភិបាល ដូចជាអាជ្ញាធរអនុវត្តច្បាប់ ឬដីកាតុលាការជាដើម
- ដើម្បីអនុវត្តលក្ខខណ្ឌប្រើប្រាស់សេវាគេហទំព័រ ឬគោលការណ៍ផ្ទៃក្នុងរបស់ពួកយើង
- ដើម្បីជៀសវាងគ្រោះថ្នាក់ដល់រាងកាយ ឬការខាតបង់ផ្នែកហិរញ្ញវត្ថុ ក្នុងពេលស៊ើបអង្កេតសកម្មភាពដែលសង្ស័យថាខុសច្បាប់ ឬខុសច្បាប់ពិតៗ ឬក៏ដើម្បីការពារសិទ្ធិ ទ្រព្យសម្បត្តិ ឬសុវត្ថិភាពរបស់ពួកយើងឬអ្នកដទៃ
- ដើម្បីសម្រួលដល់ការទិញ ឬលក់អាជីកម្ម Paxful ទាំងមូល ឬមួយផ្នែក។ ឧទាហរណ៍ ដោយចែករំលែកទិន្នន័យជាមួយក្រុមហ៊ុនដែលគ្រោងនឹងទិញយកពួកយើង ឬដែលពួកយើងរួមបញ្ចូលជាមួយ ឬមួយក៏
- ដើម្បីគាំទ្រដល់មុខងារសវនកម្ម អនុលោមភាព និងអភិបាលកិច្ចសាជីវកម្ម។
ការផ្ទេរទិន្នន័យឆ្លងប្រទេស
សូមចំណាំថា ពួកយើងអាចផ្ទេរទិន្នន័យផ្ទាល់ខ្លួនដែលពួកយើងប្រមូលបានអំពីអ្នកទៅប្រទេសផ្សេងទៀតដែលមិនមែនជាប្រទេសប្រមូលយកព័តមានដើមដំបូង។ ប្រទេសទាំងនោះប្រហែលមិនមានច្បាប់ការពារទិន្នន័យដូចគ្នានឹងប្រទេសដែលអ្នកបានផ្ដល់ព័ត៌មានដំបូងទេ។ នៅពេលពួកយើងផ្ទេរទិន្នន័យផ្ទាល់ខ្លួនរបស់អ្នកទៅប្រទេសផ្សេង ពួកយើងចាត់វិធានការដែលត្រូវបានបង្កើតឡើង ដើម្បីធានាថា ការផ្ទេរអនុលោមតាមច្បាប់ជាធរមាន។
ឃុកឃី និងការផ្សាយពាណិជ្ជកម្មតាមអ៊ីនធឺណិត
- ឃុកឃីគឺជាឯកសារអត្ថបទតូចមួយដែលគេហទំព័ររក្សាទុកនៅលើកុំព្យូទ័រ ឬឧបករណ៍ចល័តរបស់អ្នក នៅពេលអ្នកចូលមើលគេហទំព័រ។
- គេហទំព័ររបស់ពួកយើងប្រើប្រាស់ឃុកឃី និងបច្ចេកវិទ្យាតាមដាន ដើម្បីដំណើរការ និងកំណត់ការផ្សាយពាណិជ្ជកម្មដែលអ្នកអាចចាប់អារម្មណ៍។ ដើម្បីទទួលបានព័ត៌មានបន្ថែម សូមចូលមើលគោលការណ៍ឃុកឃីរបស់ពួកយើង។
- Paxful អាចសហការជាមួយបណ្ដាញផ្សាយពាណិជ្ជកម្មភាគីទីបី ដើម្បីបង្ហាញការផ្សាយពាណិជ្ជកម្មនៅលើគេហទំព័រ Paxful ឬគេហទំព័រភាគីទីបី។ គេហទំព័រ និងបណ្ដាញផ្សាយពាណិជ្ជកម្មភាគីទីបីទាំងនេះមិនស្ថិតក្រោមការគ្រប់គ្រងរបស់ Paxful ទេ។ ដៃគូបណ្ដាញផ្សាយពាណិជ្ជកម្មប្រើប្រាស់បច្ចេកវិទ្យាទិន្នន័យ ដើម្បីប្រមូលព័ត៌មានអំពីសកម្មភាពលើអ៊ីនធឺណិតរបស់អ្នកក្នុងគោលបំណងផ្ដល់ការផ្សាយពាណិជ្ជកម្មដែលផ្ដោតលើអ្នក ដោយផ្អែកតាមចំណូលចិត្តរបស់អ្នក។ ប្រសិនបើអ្នកមិនចង់ឱ្យគេប្រើប្រាស់ព័ត៌មាននេះសម្រាប់គោលបំណងផ្សាយពាណិជ្ជកម្មដែលផ្ដោតលើអ្នកទេ អ្នកអាចបញ្ឈប់បានដោយចូលទៅកាន់៖
សូមចំណាំថា ការធ្វើបែបនេះមិនមានន័យថា អ្នកនឹងឈប់ទទួលបានការផ្សាយពាណិជ្ជកម្មនោះទេ។ អ្នកនឹងបន្តទទួលបានការផ្សាយពាណិជ្ជកម្មទូទៅដែលមិនផ្អែកលើចំណូលចិត្តជាក់លាក់របស់អ្នកឡើយ។ អ្នកអាចគ្រប់គ្រងលើការប្រើប្រាស់ឃុកឃីក្នុងកម្រិតកម្មវិធីរុករកតាមអ៊ីនធឺណិតនីមួយៗ។ ប្រសិនបើអ្នកបដិសេធឃុកឃី អ្នកនៅតែអាចប្រើប្រាស់គេហទំព័ររបស់ពួកយើងបានដដែល ប៉ុន្តែលទ្ធភាពប្រើប្រាស់មុខងារ ឬផ្នែកមួយចំនួននៅលើគេហទំព័ររបស់ពួកយើងអាចមានកម្រិត។
ការបន្តរក្សាទិន្នន័យ
ពួកយើងបន្តរក្សាទិន្នន័យក្នុងរយៈពេលដែលចាំបាច់សម្រាប់គោលបំណងដែលទិន្នន័យត្រូវបានប្រមូលយក ឬក្នុងរយៈពេលដែលតម្រូវដោយច្បាប់ជាធរមាន។ នេះមានន័យថា អាចបន្តរក្សាទិន្នន័យផ្ទាល់ខ្លួនក្រោយពេលបញ្ចប់ប្រតិបត្តិការ។ ពួកយើងនឹងព្យាយាមលុបទិន្នន័យផ្ទាល់ខ្លួនរបស់អ្នក បន្ទាប់ពីលែងត្រូវការវាសម្រាប់គោលបំណងអាជីវកម្មទាំងឡាយដូចរៀបរាប់នៅខាងលើ។
សុវត្ថិភាពទិន្នន័យ
Paxful បានអនុវត្តវិធានការរក្សាសុវត្ថិភាព ដើម្បីការពារទិន្នន័យផ្ទាល់ខ្លួនរបស់អ្នក រួមទាំងវិធានការដែលត្រូវបានបង្កើតឡើង ដើម្បីកុំឱ្យមានការបាត់បង់ ការប្រើប្រាស់ខុស រួមជាមួយការលួចចូលប្រើប្រាស់និងការបញ្ចេញទិន្នន័យផ្ទាល់ខ្លួន។ ទោះបីយ៉ាងណាក៏ដោយ Paxful មិនអាចធ្វើឱ្យប្រាកដ ឬធានាលើសុវត្ថិភាពឬភាពសម្ងាត់នៃព័ត៌មានដែលអ្នកបញ្ជូនមកពួកយើង ឬក៏ទទួលបានពីពួកយើងតាមអ៊ីនធឺណិតឬការតភ្ជាប់ឥតខ្សែនោះទេ។ ការផ្ទេរទិន្នន័យតាមអ៊ីនធឺណិតតែងតែប្រឈមនឹងហានិភ័យខ្លះ ទោះបីជា Paxful ព្យាយាមការពារ ក្រោយពេលខ្លួនទទួលបានទិន្នន័យក៏ដោយ។
កុមារអាយុក្រោម 18 ឆ្នាំ
គេហទំព័ររបស់ Paxful មិនមែនសម្រាប់កុមារដែលមានអាយុក្រោម 18 ឆ្នាំទេ។ ពួកយើងមិនប្រមូលទិន្នន័យដោយចេតនាពីកុមារក្រោមអាយុ 18 ឆ្នាំដោយគ្មានការយល់ព្រមដែលបានបញ្ជាក់ត្រឹមត្រូវពីឪពុកម្ដាយទេ។ ប្រសិនបើពួកយើងដឹងថា ពួកយើងបានប្រមូលព័ត៌មាន រួមទាំងទិន្នន័យផ្ទាល់ខ្លួន ពីបុគ្គលក្រោមអាយុ 18 ឆ្នាំដោយគ្មានការយល់ព្រមពីឪពុកម្ដាយ នោះពួកយើងនឹងលុបព័ត៌មាននោះភ្លាមៗ។
ការកែប្រែការជូនដំណឹងអំពីឯកជនភាព
Paxful រក្សាសិទ្ធិក្នុងការផ្លាស់ប្ដូរការជូនដំណឹងនេះយូរៗម្ដង។ ពួកយើងនឹងជូនដំណឹងអ្នកតាមអ៊ីមែល ឬតាមរយៈការជូនដំណឹងច្បាស់លាស់នៅលើទំព័រដើមនៃគេហទំព័រ Paxful អំពីការកែប្រែលើការជូនដំណឹងនេះ ដោយដាក់ផ្សាយកំណែប្រែថ្មីនៃការជូនដំណឹងនេះនៅទីនេះ។ ពួកយើងសូមណែនាំឱ្យអ្នកចូលមើលគេហទំព័រនេះជាប្រចាំ ដើម្បីមើលថាតើមានការផ្លាស់ប្ដូរណាមួយដែរឬទេ។
ទាក់ទងមកពួកយើង
ប្រសិនបើអ្នកមានសំណួរណាមួយអំពីការជូនដំណឹងនេះ ឬចង់សាកសួរមកពួកយើងទាក់ទងនឹងទិន្នន័យផ្ទាល់ខ្លួន ឬឯកជនភាព សូមទាក់ទងមកពួកយើងតាម៖ [email protected]
សេចក្ដីបន្ថែម EEA
ការបញ្ចេញព័ត៌មានដូចខាងក្រោមអនុវត្តចំពោះ និងសម្រាប់តែបុគ្គលដែលរស់នៅតំបន់សេដ្ឋកិច្ចអឺរ៉ុប (EEA) ប៉ុណ្ណោះ។
ស្ថាប័នគ្រប់គ្រងទិន្នន័យ
ស្ថាប័នគ្រប់គ្រងទិន្នន័យផ្ទាល់ខ្លួនរបស់អ្នកគឺ Paxful, Inc.។
មូលដ្ឋានគតិយុត្តិសម្រាប់ការដំណើរការទិន្នន័យផ្ទាល់ខ្លួន
- ក្នុងករណីដែលពួកយើងប្រើប្រាស់ទិន្នន័យផ្ទាល់ខ្លួន ដើម្បីបំពេញកាតព្វកិច្ចតាមកិច្ចសន្យា ឬសំណើពីអ្នកទាក់ទងនឹងកិច្ចសន្យាណាមួយ នោះមាត្រាទី 6(1)(b) នៃបទបញ្ញត្តិស្ដីពីការការពារទិន្នន័យទូទៅ (“GDPR”) គឺជាមូលដ្ឋានគតិយុត្តិសម្រាប់ការដំណើរការទិន្នន័យរបស់ពួកយើង។
- ក្នុងករណីដែលពួកយើងប្រើប្រាស់ទិន្នន័យផ្ទាល់ខ្លួន ដើម្បីអនុវត្តតាមកាតព្វកិច្ចផ្លូវច្បាប់ក្រោមច្បាប់សហភាពអឺរ៉ុប ឬច្បាប់របស់រដ្ឋសមាជិក នោះមាត្រាទី 6(1)(c) នៃ GDPR គឺជាមូលដ្ឋានគតិយុត្តិសម្រាប់ការដំណើរការទិន្នន័យរបស់ពួកយើង។
- ក្នុងករណីដែលពួកយើងប្រើប្រាស់ទិន្នន័យផ្ទាល់ខ្លួន ដើម្បីការពារផលប្រយោជន៍សំខាន់ៗរបស់រូបវន្តបុគ្គល នោះមាត្រាទី 6(1)(d) នៃ GDPR គឺជាមូលដ្ឋានគតិយុត្តិសម្រាប់ការដំណើរការទិន្នន័យរបស់ពួកយើង។
- ក្នុងករណីដែលពួកយើងប្រើប្រាស់ទិន្នន័យផ្ទាល់ខ្លួន ដើម្បីស្វែងរកផលប្រយោជន៍អាជីវកម្មស្របច្បាប់របស់ពួកយើង នោះមាត្រាទី 6(1)(f) នៃ GDPR គឺជាមូលដ្ឋានគតិយុត្តិសម្រាប់ការដំណើរការទិន្នន័យរបស់ពួកយើង។ បញ្ជីផលប្រយោជន៍អាជីវកម្មស្របច្បាប់របស់ពួកយើងស្ថិតនៅក្នុងផ្នែកខាងលើដែលមានចំណងជើងថា “របៀបដែលពួកយើងប្រើប្រាស់ទិន្នន័យរបស់អ្នក”។
សិទ្ធិការពារទិន្នន័យអឺរ៉ុប
ច្បាប់អឺរ៉ុបផ្ដល់ជូនសិទ្ធិជាក់លាក់ដល់អ្នកទាក់ទិននឹងទិន្នន័យផ្ទាល់ខ្លួនរបស់អ្នក ដែលរួមមាន៖
- សិទ្ធិស្នើសុំចូលប្រើប្រាស់ និងកែតម្រូវទិន្នន័យផ្ទាល់ខ្លួនរបស់អ្នក។
- សិទ្ធិស្នើសុំឱ្យ Paxful លុបទិន្នន័យផ្ទាល់ខ្លួនជាក់លាក់ទាក់ទងនឹងអ្នក។
- សិទ្ធិចល័តទិន្នន័យដែលរួមបញ្ចូលទាំងសិទ្ធិស្នើសុំឱ្យផ្ទេរទិន្នន័យផ្ទាល់ខ្លួនជាក់លាក់ដែលអ្នកបានផ្ដល់មកពួកយើង ពីខាងពួកយើងទៅកាន់ស្ថាប័នគ្រប់គ្រងទិន្នន័យមួយផ្សេងទៀត។
- សិទ្ធិដកហូតនៅពេលណាក៏បាននូវការយល់ព្រមដែលអ្នកបានផ្ដល់មក Paxful ដើម្បីប្រមូល ប្រើប្រាស់ ឬចែករំលែកទិន្នន័យរបស់អ្នក។ សូមចំណាំថា ការដកហូតការយល់ព្រមមិនប៉ះពាល់ដល់ភាពស្របច្បាប់នៃការដំណើរការទិន្នន័យផ្ទាល់ខ្លួនរបស់អ្នកដោយ Paxful មុនពេលអ្នកដកហូតការយល់ព្រមទេ។
- សិទ្ធិជំទាស់ការដំណើរការទិន្នន័យផ្ទាល់ខ្លួនរបស់អ្នកពី Paxful ដោយផ្អែកលើស្ថានភាពជាក់លាក់របស់អ្នក។
- សិទ្ធិស្នើសុំឱ្យ Paxful រឹតបន្តឹងការដំណើរការទិន្នន័យផ្ទាល់ខ្លួនរបស់អ្នក ប្រសិនបើស្របតាមលក្ខខណ្ឌគតិយុត្តិជាក់លាក់សម្រាប់ការរឹតបន្តឹង។
- សិទ្ធិដាក់បណ្ដឹងទៅកាន់អាជ្ញាធរត្រួតពិនិត្យរបស់អឺរ៉ុប។
សូមចំណាំថា ច្បាប់ជាធរមានអាចផ្ដល់ការលើកលែងនានាចំពោះសិទ្ធិណាមួយក្នុងចំណោមសិទ្ធិទាំងនេះ អនុញ្ញាតឱ្យ Paxful បដិសេធសំណើរបស់អ្នក ឬអនុញ្ញាតឱ្យ Paxful មានរយៈពេលបន្ថែមក្នុងការធ្វើសកម្មភាព ផ្អែកលើសំណើរបស់អ្នក។ Paxful ក៏អាចទាក់ទងទៅអ្នក ដើម្បីផ្ទៀងផ្ទាត់អត្តសញ្ញាណរបស់អ្នក ដូចដែលច្បាប់អនុញ្ញាត មុនពេលធ្វើសកម្មភាព ផ្អែកលើសំណើរបស់អ្នក។ ដើម្បីប្រើប្រាស់សិទ្ធិណាមួយក្នុងចំណោមសិទ្ធិទាំងនេះ សូមទាក់ទងមកពួកយើង ដូចបានចែងនៅក្នុងផ្នែកខាងលើដែលមានចំណងជើងថា “ទាក់ទងមកពួកយើង”។
ការផ្ទេរឆ្លងប្រទេស
ពួកយើងអាចផ្ទេរទិន្នន័យផ្ទាល់ខ្លួនទាក់ទងនឹងអ្នករស់នៅ EEA ទៅប្រទេសដែលគណៈកម្មការអឺរ៉ុបមិនទាន់រកឃើញថា ផ្ដល់ការការពារគ្រប់គ្រាន់ រួមទាំងសហរដ្ឋអាមេរិក។ សម្រាប់ការផ្ទេរបែបនេះណាមួយ Paxful អនុវត្តវិធានរក្សាសុវត្ថិភាពដែលត្រូវបានបង្កើតឡើង ដើម្បីធានាថា ទិន្នន័យផ្ទាល់ខ្លួនរបស់អ្នកទទួលបានកម្រិតការពារគ្រប់គ្រាន់។ ប្រសិនបើអ្នកស្ថិតនៅក្នុង EEA នោះ Paxful នឹងផ្ទេរទិន្នន័យផ្ទាល់ខ្លួនរបស់អ្នក តែក្នុងករណីដែល៖ ប្រទេសដែលទិន្នន័យផ្ទាល់ខ្លួននឹងផ្ទេរទៅកាន់ ទទួលបានសេចក្ដីសម្រេចលើភាពគ្រប់គ្រាន់ពីគណៈកម្មការអឺរ៉ុប; ភាគីទទួលទិន្នន័យផ្ទាល់ខ្លួនស្ថិតនៅក្នុងសហរដ្ឋអាមេរិក និងបានទទួលស្គាល់ក្របខ័ណ្ឌការពារសិទ្ធិឯកជនភាពនៅអាមេរិក-អឺរ៉ុប; Paxful បានអនុវត្តវិធានរក្សាសុវត្ថិភាពសមស្របទាក់ទងនឹងការផ្ទេរនេះ ដូចជាតាមរយៈការព្រមព្រៀងជាមួយភាគីទទួលលើប្រការកិច្ចសន្យាស្តង់ដារនៅសហភាពអឺរ៉ុបជាដើម ឬមួយក៏មានការលើកលែងតាមផ្លូវច្បាប់ជាធរមានចំពោះការហាមឃាត់ក្នុងការផ្ទេរជាទូទៅ ផ្អែកតាម GDPR។ ដើម្បីទទួលបានច្បាប់ចម្លងនៃនីតិវិធីដែល Paxful បានអនុវត្តក្នុងការគាំទ្រដល់ការផ្ទេរទិន្នន័យផ្ទាល់ខ្លួនខាងក្រៅ EEA សូមទាក់ទងមកពួកយើង ដូចបានចែងក្នុងផ្នែក “ទាក់ទងមកពួកយើង” ខាងលើ។
សេចក្ដីបន្ថែមរដ្ឋកាលីហ្វ័រញ៉ា
ការបញ្ចេញព័ត៌មានដូចខាងក្រោមអនុវត្តចំពោះ និងសម្រាប់តែអ្នករស់នៅរដ្ឋកាលីហ្វ័រញ៉ាប៉ុណ្ណោះ។
សិទ្ធិឯកជនភាពរបស់អ្នកនៅរដ្ឋកាលីហ្វ័រញ៉ា
ក្នុងករណីដែលពួកយើងបញ្ចេញព័ត៌មានជាក់លាក់ដែលអាចកំណត់អត្តសញ្ញាណផ្ទាល់ខ្លួនរបស់អ្នកទៅភាគីទីបីដែលប្រើប្រាស់ទិន្នន័យនេះក្នុងគោលបំណងធ្វើទីផ្សាររបស់ពួកគេដោយផ្ទាល់ នោះអ្នកមានសិទ្ធិស្នើសុំព័ត៌មានបន្ថែមអំពីភាគីទទួលព័ត៌មានរបស់អ្នក។ ដើម្បីប្រើប្រាស់សិទ្ធិនេះ សូមទាក់ទងមកពួកយើង ដូចបានរៀបរាប់នៅក្នុងផ្នែកខាងលើដែលមានចំណងជើងថា “ទាក់ទងមកពួកយើង”។
ការបញ្ចេញព័ត៌មានក្នុងករណី "កុំតាមដាន"
គេហទំព័ររបស់ពួកយើងមិនត្រូវបានរចនាឡើង ដើម្បីឆ្លើយតបនឹងសញ្ញា ឬសំណើ “កុំតាមដាន” នោះទេ។