គោលការណ៍ AML
Paxful, Inc. និង Paxful USA, Inc. (តែឯង និងជារួមហៅថា “ក្រុមហ៊ុន”) ដែលបានចុះបញ្ជីជាសាជីវកម្មក្រោមច្បាប់នៃរដ្ឋដេឡាវែរ ផ្ដល់ជូនសេវាកម្មតាមរយៈទីផ្សារជួញដូររវាងបុគ្គលនិងបុគ្គល (“P2P”) ដែលដំណើរការតាមអ៊ីនធឺណិតសម្រាប់ការទិញ និងលក់ទ្រព្យឌីជីថល។
ក្រុមហ៊ុននេះត្រូវបានចុះបញ្ជីជាអាជីវកម្មផ្ដល់សេវារូបិយបណ្ណជាមួយបណ្ដាញអនុវត្តច្បាប់ប្រឆាំងនឹងឧក្រិដ្ឋកម្មហិរញ្ញវត្ថុ (“FinCEN”) របស់ក្រសួងរតនាគារសហរដ្ឋអាមេរិក។ គោលការណ៍ និងនីតិវិធីប្រឆាំងនឹងការលាងសម្អាតប្រាក់ (“AML”) របស់ Paxful ត្រូវបានបង្កើតឡើង ដើម្បីរារាំងសកម្មភាពខុសច្បាប់លើប្រព័ន្ធនេះ ការពារអ្នកប្រើប្រាស់ អាជីវកម្ម ព្រមទាំងរូបិយបណ្ណឌីជីថលនិងសហគមន៍ក្នុងសេវាហិរញ្ញវត្ថុពីការកេងប្រវ័ញ្ចដោយឧក្រិដ្ឋជន។ ក្រុមហ៊ុនអនុលោមតាមលក្ខខណ្ឌតម្រូវក្នុងច្បាប់ស្ដីពីការសម្ងាត់ធនាគារ រួមជាមួយបទបញ្ញត្តិនិងគោលការណ៍ណែនាំដែលពាក់ព័ន្ធរបស់ FinCEN។
ជាផ្នែកមួយនៃគោលការណ៍អនុលោមភាពរបស់ Paxful គោលការណ៍ និងនីតិវិធីស្គាល់អត្តសញ្ញាណអតិថិជន (“KYC”) សម្រាប់អតិថិជនជាបុគ្គល និងស្ថាប័នត្រូវបានតាក់តែងឡើង ដើម្បីផ្ដល់លទ្ធភាពឱ្យក្រុមហ៊ុនបង្កើតជំនឿសមហេតុផលថា ក្រុមហ៊ុនស្គាល់អត្តសញ្ញាណពិតប្រាកដនៃអតិថិជនដែលបានឆ្លងកាត់ការពិនិត្យផ្ទៀងផ្ទាត់។ គោលការណ៍អនុវត្តចំពោះគ្រប់អ្នកប្រើប្រាស់ទាំងអស់នៅលើប្រព័ន្ធ ហើយគ្រប់បុគ្គលិក អ្នកពិគ្រោះយោបល់ មន្ត្រី ម្ចាស់ និងនាយករបស់ក្រុមហ៊ុនត្រូវគោរពតាមគោលការណ៍បែបនេះ។
ដោយប្រើប្រាស់វិធីសាស្ត្រផ្អែកតាមហានិភ័យជាផ្នែកមួយនៃអនុលោមភាពសម្រាប់ KYC និង AML, Paxful បានចាត់វិធានការដូចខាងក្រោម៖
- ការចាត់តាំងប្រធានផ្នែកអនុលោមភាពដែលមានជំនាញនិងឯករាជ្យភាពក្នុងកម្រិតគ្រប់គ្រាន់ ទទួលខុសត្រូវលើការត្រួតពិនិត្យអនុលោមភាពតាមច្បាប់ បទបញ្ញត្តិ វិធាន និងគោលការណ៍ណែនាំឧស្សាហកម្ម
- ការបង្កើត និងរក្សាគោលការណ៍ KYC, ការយកចិត្តទុកដាក់ស្គាល់អតិថិជន (CDD) និងការពង្រឹងការយកចិត្តទុកដាក់ស្គាល់ (EDD) ដែលផ្អែកតាមហានិភ័យ
- ការបង្កើតកម្រិតផ្ទៀងផ្ទាត់អ្នកប្រើប្រាស់របស់ក្រុមហ៊ុនផ្អែកតាមហានិភ័យ (សូមមើលអត្ថបទប្លក់នេះ)
- ការសហការតាមសំណើពីភ្នាក់ងារអនុវត្តច្បាប់ និងតាមលក្ខខណ្ឌតម្រូវផ្នែកច្បាប់ក្នុងតំបន់
- ការរាយការណ៍អំពីសកម្មភាពគួរឱ្យសង្ស័យ (“SAR”);
- ការបណ្ដុះបណ្ដាល BSA/AML/OFAC ទូទាំងក្រុមហ៊ុន
- ការប្រើប្រាស់ប្រព័ន្ធប្រឆាំងនឹងការក្លែងបន្លំផ្សេងៗ
- ការបន្តតាមដានប្រតិបត្តិការផ្អែកតាមវិធាន
- ការស៊ើបអង្កេតដោយប្រើប្រាស់ការវិភាគ Blockchain
ពួកយើងរាយការណ៍អំពីសកម្មភាពគួរឱ្យសង្ស័យ ប្រសិនបើពួកយើងដឹង សង្ស័យ ឬមានមូលហេតុសង្ស័យថា សកម្មភាពគួរឱ្យសង្ស័យបានកើតឡើងនៅលើប្រព័ន្ធរបស់ពួកយើង។ ជារឿយៗ ប្រតិបត្តិការគួរឱ្យសង្ស័យជាប្រតិបត្តិការដែលមិនស៊ីសង្វាក់គ្នានឹងអាជីវកម្មដែលស្គាល់ថាស្របច្បាប់ សកម្មភាពផ្ទាល់ខ្លួន ឬប្រតិបត្តិការផ្ទាល់ខ្លួនរបស់អ្នកប្រើប្រាស់ឡើយ។ ប្រធានផ្នែកអនុលោមភាពរបស់ពួកយើងធ្វើការពិនិត្យមើល និងស៊ើបអង្កេតសកម្មភាពគួរឱ្យសង្ស័យ ដើម្បីកំណត់ថាតើព័ត៌មានគ្រប់គ្រាន់ត្រូវបានប្រមូលយកហើយឬនៅ ដើម្បីមានហេតុផលសមស្របក្នុងការរាយការណ៍អំពីសកម្មភាពគួរឱ្យសង្ស័យ។ ប្រធានផ្នែកអនុលោមភាពរបស់ពួកយើងរក្សាកំណត់ត្រា និងឯកសារគាំទ្រសម្រាប់ការរាយការណ៍អំពីសកម្មភាពគួរឱ្យសង្ស័យទាំងអស់។
ក្រុមហ៊ុនក៏បានប្រើប្រាស់គោលការណ៍ និងនីតិវិធីដាក់ទណ្ឌកម្មរបស់ OFAC ដែលកំពុងដំណើរការផងដែរ ដើម្បីការពារប្រព័ន្ធពីការប្រើប្រាស់សម្រាប់ប្រតិបត្តិការដែលបានហាមឃាត់ ការប្រើប្រាស់ដោយបុគ្គលដែលស្ថិតក្រោមការដាក់ទណ្ឌកម្ម ឬការប្រើប្រាស់សម្រាប់គោលបំណងរត់គេច ជៀសវាង ឬគេចវេះពីទណ្ឌកម្មសហរដ្ឋអាមេរិក និងសកលលោក។
Paxful សហការពេញទំហឹងតាមបញ្ជីដាក់ទណ្ឌកម្មរបស់ OFAC, បញ្ជីដាក់ទណ្ឌកម្មលើអ្នកមានសញ្ជាតិដែលបានកំណត់ជាពិសេស (SDN) និងបញ្ជីដាក់ទណ្ឌកម្មលើបុគ្គលដែលបានទប់ស្កាត់។ សូមចូលមើលតំណដូចខាងក្រោម ដើម្បីឃើញបញ្ជីប្រទេសដែលបានហាមឃាត់ផ្អែកតាមហានិភ័យរបស់ក្រុមហ៊ុន។ ប្រទេសទាំងនេះត្រូវបានរារាំងមិនឱ្យប្រើប្រាស់ប្រព័ន្ធរបស់ Paxful ទេ។
ក្នុងករណីដែល Paxful មានផ្ដល់ជូនការបកប្រែពីកំណែភាសាអង់គ្លេសនៃគោលការណ៍នេះដល់អ្នក នោះអ្នកយល់ព្រមថា ការបកប្រែត្រូវបានផ្ដល់ជូនអ្នក ដើម្បីបង្កភាពងាយស្រួលតែប៉ុណ្ណោះ ហើយកំណែភាសាអង់គ្លេសនៃគោលការណ៍នេះនឹងគ្រប់គ្រងលើទំនាក់ទំនងរបស់អ្នកជាមួយ Paxful។ ប្រសិនបើមានចំណុចខុសគ្នាណាមួយរវាងកំណែភាសាអង់គ្លេស និងកំណែបកប្រែនៃគោលការណ៍នេះ នោះកំណែភាសាអង់គ្លេសនឹងត្រូវយកជាគោល។